釜山「札嘎其市場」介紹
釜山出名食海鮮，但邊度食先係平、靚、正？跟住小編去一轉札嘎其市場睇吓啦！
Hello，大家好，我哋係由韓國人每日提供最新韓國旅行資訊嘅Creatrip。
釜山係韓國最大港口城市，所以去釜山唔食海鮮真係對唔住自己個胃！不過釜山咁大，到底去邊度食先係最好？小編推介可以去札嘎其市場！
釜山「札嘎其市場」介紹
부산자갈치시장
地址：부산 중구 자갈치해안로 52
營業時間： 05:00 -22:00 （每月第一同第三個星期二休息）
小Tips：由南浦站2號出口行7分鐘左右
札嘎其海鮮市場位於釜山南浦洞，釜山人幾乎想食新鮮海鮮都會去呢度買！札嘎其海鮮市場好大，有7層樓高，只要諗到嘅海鮮呢度都會有！
呢度嘅海鮮應有盡有，蝦、蟹、魚，蜆等，一早去仲可以買到好新鮮嘅海鮮！
望到咁巨型嘅章魚，大家會唔會都流哂水口呢？
喺疫情爆發之前，呢度無時無刻都超多人，就連好多遊客都會嚟，因為可以用好平嘅價錢就買到新鮮食材。不過而家就靜咗好多，但有好處係可以行得舒服啲。
呢度總共分咗七層，而家就等小編逐一同大家講解吓啦！
- B1、B2：停車場
- 1樓：水產市場
- 2樓：餐廳區同乾貨區
- 3樓： 札嘎其邊白園酶浴水療中心、K房、展覽室、釜山青年會館同釜山魚貝類右工協會辦公室
- 4樓：釜山青年會館、多島海韓國餐廳、釜山廣域市南港管理處
- 5、6樓：未有講
- 7樓：露台（只有9:00 – 21:00開放）
好多人嚟到都會先喺一樓買海鮮，之後直接拎上2樓餐廳享用。
一入去俾人一種好乾淨嘅感覺，而且好通風，不過因為始終係水產市場，地下可能都會有啲濕，行嘅時候要小心。
每一間舖頭都有自己嘅編號，如果睇啱，大家可以先記低，之後再去睇返。
呢度嘅海鮮應有盡有，魚、皇帝蟹、蜆等都可以喺度搵到。
好多舖頭喺海鮮隔離都會寫上價錢，大家唔需要擔心佢哋會呃秤。
如果買完之後可以上2樓搵一間舖頭去幫手煮，根據唔同海鮮種類或者數量，加工費都會唔同，費用大概係₩ 5,000至₩ 10,000，另外座位費一人係₩4,000。
如果唔想嘥時間喺一樓睇海鮮，亦都可以直接上2樓落單，呢度每一間舖頭買嘅嘢都唔一樣，可以行一轉之後再決定去邊間食。
可以坐喺窗邊位邊望海景邊食海鮮，係咪諗吓都覺得好正呢？小編喺舊年冬天，就去咗食海鮮湯。
湯入面放咗好多湯鮮，例如：蝦、扇貝、章魚等… 一鍋只需要₩50,000！當時小編四個人食，份量相當多，CP值非常高！
每一間舖頭都好闊落而且夠乾淨，大家可以放心。
另外2樓仲有賣乾貨區，比如各種魚乾、海苔乾……如果有需要嘅朋友，都可以喺度入手。
如果唔想入主樓，附近都有好多食海鮮嘅餐廳，價錢都係差唔多。
之前小編就去咗一間當地好出名嘅「大成生魚片店」，餐廳內部好闊落，有2層高，唔使怕唔夠位。
當時小編叫咗清蒸竹蟹同海鮮湯，湯超入味，蟹亦都有超多蟹膏，撈飯食係最正！
只要係我哋會員，之後去仲可以享有9折優惠添！
食完飯之後，仲可以喺市場附近碼頭行吓，消化之如，仲可以嚟打吓卡！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
