適合拍拉麵廣告嘅韓星排名
適合拍拉麵廣告嘅韓星排名，網民票選TOP10，望住佢哋食都可以睇到流口水！
Hello，大家好，我哋係由韓國人每日提供最新旅行資訊嘅Creatrip。
雖然香港都有韓國嘅拉麵，不過唔知點解每次嚟麵總係要買返幾包返去，但唔知大家有時會唔會因為代言人做得好，而俾佢吸引而買呢？今日小編想同大家分享一個早前韓國網民票選出「適合拍拉麵廣告代言人排名」投票結果，唔知大家又覺得結果啱唔啱你心水呢？
適合拍拉麵廣告嘅韓星排名
TOP 10. B1A4 - 燦多
조선일보
講到拉麵，小編都覺得燦多冇理由唔上榜，因為佢之前上過一個節目介紹咗自己一個研發嘅拉麵，當時佢稱呢個做「비라면」，主要係需要一個八道拌麵同一個安城湯麵，兩個撈埋一齊煮，意外地好食！甜甜地又辣辣地，佢仲話呢個係佢7歲嘅時候諗出嚟，真係拉麵神童啊！
TOP 9. IVE - 員瑛
네이트판
之前IZ*ONE拍《IZ*ONE CHU》真人show嘅時候，小編記得有一集係成員煮拉麵嚟食，望住員瑛食拉麵嘅時候，真係超幸福！而令小編最羨慕嘅係，就算佢食幾多都係咁瘦而且又夠高
TOP 8. TXT - 太顯
이데일리
TXT成員然竣因為出名鍾意食拉麵，喺出道前已經拍過拉麵廣告，相當之可愛，不過唔知如果由太顯飾演，佢會唔會以一種貴族氣息去表達呢？
TOP 7. UP10TION - 宇碩
머리투데이
宇碩喺呢兩年都拍過唔少化妝品同香水廣告，唔知如果佢拍拉麵廣告又會點呢？
TOP 6. TWICE - 多賢
전북도민일보
之前多賢同定延喺某節目食拉麵，望住佢哋食真係胃口大開，當時小編記得係夜晚睇，睇完忍唔住跟佢哋煮返包嚟食
TOP 5. fromis_9 - 瑞渊
톱스타뉴스
外表雖然睇落好cool，但其實私底下真係好可愛，搵佢做拉麵廣告代言，一定有一個反轉魅力！
TOP 4. MAMAMOO - 華莎
뉴스인사이드
華莎雖然有性感身材，但佢喺食方面真係唔講得笑，基本上佢每食過任何一樣嘢都可以超熱賣！之前食牛腸真係睇到人流曬口水，如果佢賣拉麵廣告一定都係超多人買！
TOP 3 - 河成雲
네이버
以往成雲主要都係拍化妝品或服飾廣告，幾時先俾小編等到佢嘅食品廣告呢？就算唔係拉麵都要照買啊！
TOP 2 - 永卓
이델일리
呢幾年Trot再次流行，永卓唱嘅《니가 왜 거기서 나와》更加係紅到不得了！基本上喺綜藝、電視劇、街等都會聽到！佢呢首歌真係好百搭，如果同廣告一齊拍完全係無得輸！
TOP 1 - 朴志訓
시사위크
之前拍《Wanna One GO》嘅時候，記得志訓因為食辣雞麵太辣而不斷「R」頭同打大髀，同埋跳嚟跳去，相當之可愛！明知辣但又想繼續食，如果可以拍成廣告一定會吸引勁多人去買
如果有更多想知嘅內容，都可以隨時留言或者dm話俾我哋知：）
Instagram：creatrip.hk
