消失的首爾景點
原來呢啲景點已經喺首爾消失咗，大家又最懷念邊嗰？東大門玫瑰花海定係梨花洞壁畫村？
Hello，大家好，我哋係由韓國人話你知每日最新韓國資訊嘅Creatrip。
＃韓國景點＃首爾景點
＃消失景點＃已消失
曾經紅過一次嘅景點，而家已經再搵唔到佢哋嘅身影，大家又有無諗到邊度呢？
小編整理出6個目前喺韓國已經消失咗嘅景點，唔知大家又去過邊嗰呢？
韓國政府亦落咗唔少心機，喺到維持或重建呢啲地方，大家會唔會期待呢？
✨馬上Follow我哋IG
instagram.com/creatrip.hk
已經消失咗嘅韓國景點？
1. 東大門DDP玫瑰花海
每個人都曾經去過嘅東大門LED玫瑰花海，喺DDP廣場一展就係好幾年，
每年都有傳要結束，終於2019年畫上句號，
東大門LED玫瑰花海，可以話係曾經係呢一帶最萬眾矚目嘅焦點，而家已經無得再睇啦: (。
隨著LED玫瑰花海結束，DDP亦轉型為其他文化、藝術空間。
已經消失咗嘅韓國景點？
2. 梨花洞壁畫村
曾經紅極一時，喺惠化站附近嘅「梨花洞壁畫村」，唔算係完全消失，
但呢到居民受到觀光客嘅打擾，破壞咗唔少壁畫，
甚至仲係屋企門口噴漆，叫觀光客還佢哋乾淨同安靜居住空間。
曾經係首爾政府極力推捧嘅觀光景點，而家已經無聲無息。
算唔算完全消失？可以話算係亦唔算係，只可以話梨花壁畫村回歸到佢最原來樣貌，同時用另一種型態好好咁存在緊。
已經消失咗嘅韓國景點？
3. 樂天塔跨年煙火
每到年尾，最期待嘅就係跨年煙花。而喺兩年前嘅跨年活動中，樂天塔施放超耐煙花，震撼無數人。
但唔知點解2020年樂天塔決定唔搞跨年煙花，希望2021年可以重新見到啦！
已經消失咗嘅韓國景點？
4. 大型展示
雖然唔算係消失景點，但呢類期間限定打卡展，萬一時間無計啱，錯過咗就真係好可惜。
今年最紅打卡景點，莫過於石村湖水大型公仔，以及奧林匹克公園巨大貓。
對於遊客嚟講，呢啲景點無咗之後總覺得有啲可惜。
畢竟唔係唔想去，而係時間唔啱，所以有唔少人都希望呢啲期間限定打卡可以變成固定展覽。
已經消失咗嘅韓國景點？
5. 韓屋
韓屋都算係其中一個正在消失緊嘅景點，但首爾市政府目前正積極維護呢啲老舊設施。
唔理係投注資金、購入，甚至係轉換成其他營運模式，令老舊韓屋重生。
但韓屋先天弱勢，老舊建材不敵日曬雨淋，所以喺北村韓屋村、景福宮一帶，總會見到修理中嘅韓屋。
大家都可以多多期待，呢啲韓屋可以重新變回以前樣貌啦。
已經消失咗嘅韓國景點？
6. DMZ
DMZ唔係消失咗，一直都有開放比大眾參觀，但隨住南北韓傳出非洲豬瘟疫情，DMZ等地觀光行程都被取消。
兩韓分裂嘅時候，DMZ非武裝地帶一直係好多遊客必到景點之一，同時係想體驗深度韓國文化嚮往嘅地方。
但因為傳出非洲豬瘟疫情，我哋只可以希望豬瘟早日絕跡，重新開放DMZ比大家參觀啦。
以上呢啲景點，唔知大家覺得邊嗰最可惜呢？但除咗以上景點之外，仲有好多首爾一帶景點，都適合大家去發掘，千祈唔好錯過。
各位朋友，我哋下次再見啦。
✨馬上Follow我哋IG
instagram.com/creatrip.hk
| 其他延伸閱讀 | |
 去一次就好嘅景點 |  高熱量美食整理 |
 首爾旅遊小Tips |  韓國千元的幸福 |
 首爾在地景點 |  台幣換韓元新高 |