韓國旅行7月必做活動清單
一次過幫你整理好韓國7月必去、必玩推介！
Hello，大家好，我哋係由韓國人每日提供最新韓國旅行資訊嘅Creatrip。
7月嘅來臨，即係代表係暑假嘅開始！呢個月plan咗嚟韓國嘅大家，有冇諗住會去邊個景點玩呢？如果未不妨可以參考小編整理好嘅List！
韓國旅行7月必做活動清單
1. 喺室內行街、主題樂園玩
今年7月係韓國梅雨季，大部份日子都會落雨，落完雨之後氣溫又會變高，咁熱嘅天氣當然最好就係安排去室內地方！講到shopping小編推薦大家可以去新世界、樂天、The Hyundai Seoul、Outlet等，所有品牌應有盡有，行到攰又可以去食嘢，間唔中仲會有快閃店同展覽喺度舉行，就算行足一日都冇問題！
@happylotteworld
除咗百貨公司之外，鍾意刺激嘅朋友仲可以考慮去樂天世界玩，唔單止多機動遊戲，同時仲有溜冰場等可以體驗！另外樂天世界隔離就係樂天世界塔，喺韓國第一高觀景台仲可以360度零死角欣賞首爾市景！同時亦都可以去埋水族館，以上所有觀光景點都可以透過我哋預約以優惠價入場添！
2. 去人氣餐廳+Cafe打卡
London Bagel Museum
韓國多打卡Cafe同餐廳唔使小編多講大家可能都知，唔單止裝修靚，就連味道都令人一試難忘。如果大家問到小編最近韓國邊間Cafe最hit，一定係London Bagel Museum！幾時去都會見到超多人排隊，就連唔少韓星都會突登去潮聖！
另外韓國最近韓國有啲Cafe都行童話風，好似有Cafe Highwaist、Cafe Layered、Cafe Pepper、Ginger Bear等，每一間都好受歡迎。如果大家嚟到咁啱有朋友生日，或者想俾朋友驚喜，都可以搵我哋代訂蛋糕，就連BTS、BLACKPINK都有喺度買過！
講完甜品不如就講返正餐啦！呢間松雞屋最近喺韓國真係超多人去，因為除咗平時食開嘅雞脾肉、雞扒、雞柳之外，仲有其他特殊部位，超特別！就連好多藝人都定期會嚟呢度食飯！
啱啱所介紹嘅餐廳同Cafe都係超人氣，基本都係要大排長龍。如果唔想哂太多時間排隊，我哋而家有推出特快通行證，喺指定店鋪消費滿₩20,000仲可以有額外優惠，有興趣嘅朋友，不妨可以撳下面嘅link瞭解更多詳情！
3. 參加保寧泥漿節
韓國夏天特別多慶典，今次要介紹嘅係喺全球享負盛名嘅「保寧泥漿節」，一年只會搞一次！如果想呢個夏天喺韓國留低一個美好回憶，咁就唔可以錯過呢個一日遊啦~
無論你來自邊度、係男係女、幾多歲都好，都一定會超enjoy！日頭可以玩泥漿，夜晚可以睇表演同煙花，盡情享受韓國夏日！
4. 去賞花
뉴스핌
凌霄花係7月先會開嘅花，每朵花都係橙色，開得好燦爛，佢嘅花語係榮耀同等待，唔少韓國人都會去打卡！
Newsis
想影多啲靚相，可以去纛島漢江公園，打完卡再去漢江野餐真係一大享受！
5. 去漢江玩水消暑
내손언에서울
平時睇綜藝見到唔少藝人都會去漢江玩獨木舟或SUP~ 嚟韓國想試都可以透過我哋用優惠價預約！
想用另一個角度感受首爾，可以坐住遊艇遊漢江，同另一半或者一家人嚟到都會覺得好浪漫。
炎炎夏日又點可以唔玩水消吓暑呢？由2023年6月23號（星期五）至8月20號（星期日）期間，喺漢江附近嘅6個游泳池都會開放，有興趣嘅朋友可以去玩！
- 開放時間：09:00 - 18:00（會有一個鐘頭Lunch Time，呢段時間唔會開放）
- 費用：
| 游泳池 | 水上樂園 | |
| 成人（19歲以上） | ₩5,000 | ₩3,000 |
| 青少年（13至18歲） | ₩4,000 | ₩2,000 |
| 小童（6至12歲） | ₩3,000 | ₩1,000 |
6. 去水上樂園
愛寶樂園隔離就係全韓國最大嘅水上樂園 —— 「加勒比海灣」！每逢夏天都超多韓國人會嚟玩，享受夏日氣氛之餘仲可以消暑啊嘛~ 想過返個涼浸浸嘅夏天就一定要嚟玩啦！
加勒比灣水上樂園唔單止係韓國第一個水上樂園，以高端設施引領水上樂園潮流。當中Mega Storm係韓國最大綜合水滑梯，提供令人耳目一新嘅快感！
Creatrip優惠價
原價 | 有效期間 | |
旺季 | ￦40,000 | 2023.06.04 - 2023.07.02 |
黃金季+ 13:00後愛寶樂園門票 (需要同一日) | ￦44,000 | 2023.07.03 - 2023.08.20 |
*36個月以下幼兒免費（但要有護照證明）。
Plan住7月嚟韓國玩嘅朋友們記住唔好錯過上面介紹嘅呢6種活動啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk