海雲台咖啡廳總整理
小編唔私藏！6間釜山必去「海雲台Cafe」，絕美海景、寧靜氣氛，跟住嚟打卡啦
Hello，大家好，我哋係由韓國人每日提供最新韓國旅行資訊嘅Creatrip。
釜山旅遊必去嘅海雲台，唔單止可以眺望大海，更加係臥虎藏龍，好多美食同Cafe都藏身喺巷仔間等你挖掘。2021年小編推薦嘅海雲台Cafe，好多都可以睇到大海，感受寧靜氣氛，快啲收藏，下次嚟海雲台跟住小編嘅推薦去啦。
釜山海雲台咖啡廳總整理
1. Maison Cote（메종꽃떼）
喺海雲台如果想買一間安靜嘅Cafe，小編推薦可以去「Maison Cote」，佢係一間景觀Cafe，嚟到大家可以望到美景之外，又可以食到好味嘅甜品。
當頂樓開放嘅時候，好推薦大家一定要上去睇吓，或者搵個位坐低嘆杯咖啡。呢度裝修好簡約，但就係一種獨一無二嘅秘密基地感覺，呢度嘅氣氛好舒服，叫杯飲品食個甜品休息吓都唔錯。
Maison Cote（메종꽃떼）
- 地址：부산 해운대구 달맞이길50번길 20
- 營業時間：11:30 - 19:00、逢星期三休息
- 優惠：下載優惠券，可享飲品9折及甜品95折優惠。
2. 煙花溫度（연화온도）
喺海雲台站後面住宅區內，喺度隱藏咗唔少間Cafe同餐廳，被稱為「海理團路」，當中呢度有一間具有時代感嘅建築，好似穿越時空咁，只睇已經有一種浪漫感，佢就係「煙花溫度」。
呢度嘅氣氛俾人一種好溫暖嘅感覺，用咗木質色調去裝修，所有擺設都有復古美。
呢度嘅紅豆冰（₩7,000）、Tiramisu（₩6,500）同鮮奶咖啡，擺上枱度影相超有質感，CP值都超高，推薦大家嚟打卡。
煙花溫度（연화온도）
- 地址：부산 해운대구 우동1로38번길 15-1 2F
- 營業時間：每日 12:00 - 22:00
- 優惠：下載優惠券，可享飲品9折優惠。
3. TAGO Coffee（타고 커피）
TAGO Coffee係小編最近呢個鍾意嘅Cafe之一，呢度裝修好簡約，有種去到朋友屋企嘅感覺，俾人一種好放鬆嘅感覺。
簡單嘅擺設同色調，已經令到呢度好有感覺。
呢度每一款甜品同飲品都可以感受到老闆嘅用心，如果想搵間Cafe休息吓，嚟一間都唔錯。
TAGO Coffee（타고 커피）
- 地址：부산 해운대구 우동1로 42
- 營業時間：平日12:00 - 21:00、週末12:00 - 22:00
- 優惠：下載優惠券，可享每杯飲品減₩500折扣優惠。
4. Cafe in Busan（카페 인 부산）
小編極度推薦呢間喺2020年新開幕嘅「Cafe In Busan」，搭lift上到四樓，就會見到由各式植物、大型佈置同色彩艷麗嘅家具擺設。
Cafe In Busan比起話似一間Cafe，佢更加似一間美術館，舖頭每個角落都好有時尚感，每一個位都可以打造出人生美照，喺天台仲可以望到一望無際嘅大海，超寫意。
小編叫咗佢哋嘅檸檬海洋奶昔、牛奶糖鮮奶咖啡同巴斯克芝士蛋糕，全部唔單止好睇，而且仲好好飲！特別係個蛋糕，超濃芝士味超加分！
Cafe in Busan（카페 인 부산）
- 地址：부산 해운대구 달맞이길117번가길 175 4F
- 營業時間：星期一至星期六11:00 - 02:00，、星期日11:00 - 00:00
5. Montée104（몽떼104）
喺上年開始營運嘅海雲台海岸列車，一開幕無耐已經成為打卡點，呢度有一間叫做「Montée104」Cafe，喺度就可以邊嘆咖啡邊欣賞經過嘅海岸列車。
嚟到呢度超推薦大家一定要去露台，望住眼前嘅觀光列車同埋海景，心情都特別舒暢。
凍美式咖啡（₩5,500）係酸豆，而士多啤梨鮮奶（₩6,500）牛奶味比士多啤梨味重，有啲可惜，布朗尼（₩5,000）好濃朱古力味，上面仲有一個雲呢拿雪糕，兩個一齊食超好味。
Montée104（몽떼104）
- 地址：부산 해운대구 달맞이길104번길 18-19
- 營業時間：10:30 - 19:00、逢星期二休息
6. Edge 993（엣지993）
「Edge 993」同樣都係可以望到海雲台觀光列車，不過雖然呢度風景真係無可挑剔，唯一缺點就係飲品方面有少少伏。
呢度無論邊一個角度影嘅相都好唔錯，不過之前小編叫嘅Edge Cream Latte（엣지크림라떼）一杯就要₩8,000，咖啡味好淡，Cream同咖啡一齊飲味道有啲特別？而Nana Latte（나나라떼）一杯係₩7,500，真係好怪，唔太推。
Edge 993（엣지993）
- 地址：부산 해운대구 달맞이길62번길 78
- 營業時間：星期一至星期四11:00 - 21:00、星期五至星期日11:00 - 22:00
小編今次整理咗6間海雲台Cafe，每一間都有唔同特色，唔知有冇邊一間大家又會覺得唔錯嘅呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
