Hello，大家好，我哋係由韓國人話你知每日最新資訊嘅Creatrip。
＃鷺梁津水產市場＃優惠
＃2021＃首爾海鮮店
如果話要去韓國食海鮮，大家可能會諗去釜山或者濟州島呢啲沿海城市食魚生，雖然係唔錯嘅選擇，但有時候嚟到首爾想食海鮮嘅時候可以去邊呢？
雖然首爾距離海都有啲距離，但其實有一個地方可以食到新鮮又抵食嘅魚生！
鷺梁津市場係首爾近年比較出名嘅海產市場，好多首爾人都會專程走來呢度食海鮮㗎。
Creatrip今次就幫大家爭取咗四間魚生店嘅優惠，分別係：皇帝食堂（황제 회 양념집）、第一街魚生（일번지 회 양념）、大海魚生中心（바다 회 센타）、巨富魚生（거부회양념）。
嚟到鷺梁津食各類型嘅海鮮、魚生同料理，只要出示優惠券就可以享有八五折嘅優惠！
✨馬上Follow我哋IG
instagram.com/creatrip.hk
因為韓國疫情擴散，入場人數及營業時間可能會受到限制，可能需要提供疫苗護照。
有關韓國防疫政策文章, 可以查看韓國最新防疫守則。
鷺梁津水產市場魚生店：資訊
- 地址：서울 동작구 노들로 674 2F（4間魚生店都係位於2樓）
- 時間：09:30至22:00
鷺梁津水產市場魚生店：優惠
- 只要去呢四間店舖出示優惠卷，就可以享受八五折優惠。
- 呢張優惠券只適用於10號店皇帝食堂（황제 회 양념집）、第一街魚生（일번지 회 양념）、15號店大海魚生中心（바다 회 센타）、18號店巨富魚生（거부회양념）。
鷺梁津水產市場魚生店：價格
備註：價格可能因季節、產地而有變動
| 原價 | 優惠價 | |
| 章魚刺身 | ￦27,000 | |
| 炒章魚 | ￦27,000 | |
| 章魚湯 | ￦36,000 | |
| 奶油燒帶子 | ￦27,000 | |
| 清蒸帶子 | ￦27,000 | |
| 炒帶子 | ￦36,000 | |
| 燒蝦 (20隻) | ￦18,000 | |
| 清蒸蝦 (20隻) | ￦18,000 | |
| 老虎蝦 (2隻) | ￦45,000 | |
| 燒鮑魚 (4隻) | ￦27,000 | |
| 清蒸鮑魚 (4隻) | ￦27,000 | |
| 燒扇貝 (1公斤) | ￦27,000 | |
| 清蒸扇貝 (1公斤) | ￦27,000 | |
| 炒蛤蠣 | ￦27,000 | |
| 套餐 (2人) | ￦90,000 | |
| 套餐 (4人) | ￦180,000 | |
| 帝王蟹 | ￦135,000 | |
| 燒奶油龍蝦 | ￦108,000 | |
| 清蒸龍蝦 | ￦108,000 | |
| 清蒸松葉蝦 | ￦72,000 |
套餐（2人）：綜合魚生、燒鮑魚（2隻）、清蒸蝦（10隻）、八爪魚（1隻）、海鞘（海菠蘿）、粟米、辣海鮮湯
套餐（4人）：綜合魚生、燒鮑魚（4隻）、清蒸蝦（20隻）、八爪魚（3隻）、海鞘（海菠蘿）、粟米、辣海鮮湯
鷺梁津水產市場魚生店：推薦理由
- 就算唔去海邊，嚟到鷺梁津水產市場，都可以喺首爾內感受到大海嘅味道。充滿海水味嘅市場裡有由韓國各地運來嘅新鮮水產，淨係用眼睇，已經非常吸引。
- 因為呢度可以用好平嘅價錢就食到新鮮嘅海鮮，就連本地韓國人都好鍾意去鷺梁津。而最近都有唔少嘅觀光客會專程去呢度品嚐韓國嘅海鮮。
- 唔使為咗揀魚生而行市場行到頭暈，只要直接去魚生店就可以食到又新鮮又平嘅魚生、各式各樣嘅海鮮同埋海鮮湯。
- 魚生店同市場唔同，係採取公定價制，唔會因為你係外國人就收貴啲，所以唔使擔心。
- 超級豐盛嘅份量都係呢度吸引人嘅一點，舖頭會畀好足夠嘅份量你，唔使擔心食唔飽。
鷺梁津水產市場魚生店：地點
- 地址：서울 동작구 노들로 674 2F （4間生魚片店都位於2樓）
- 路線：鷺梁津站9號出口行大約5分鐘，就到鷺梁津水產市場
- 交通：搭首爾地鐵1號線、9號線，喺鷺梁津站落車之後行去9號出口，大約5分鐘後，就見到鷺梁津水產市場。
嚟首爾嘅鷺梁津水產市場就可以食到最新鮮嘅魚生！有時候連首爾人都會專程嚟鷺梁津食魚生。
四間魚生店都係位於二樓 根據自己訂咗位嘅餐廳前往 |
|
鷺梁津水產市場魚生店：後記
0.jpg)
0.jpg)
呢四間魚生店入面，小編今次嚟到嘅係大海魚生中心（15號）。
其實同Creatrip合作嘅四間魚生店，價錢同餐牌都係一樣嘅，大家只要按照自己嘅喜好揀去邊間就可以。老闆就推薦小編試吓綜合魚生套餐，所以小編就嗌咗個二人餐。
喺主菜出嚟之前，餐廳就附送咗幾種小菜同海鮮。淨係睇小菜係咪已經覺得好豐富呢？
上面呢個係生八爪魚！雖然睇相望落好似係唔識郁，不過實際上係郁緊㗎 ！
食嘅時候小心唔好畀佢哋啲吸盤黐住個口，呢一碟生八爪魚食落真係好新鮮，如果大家覺得好恐怖唔夠膽挑戰，建議你哋可以透過呢次嘅機會試吓，一定唔會後悔。
呢碟蝦係餐廳附送嘅餐點，份量都幾多㗎，蝦嘅肉都好厚實，食落鹹鹹地味道唔錯，只不過剝蝦殼係麻煩咗啲......
仲有對身體好嘅鮑魚！呢個唔係普通嘅醬料鮑魚，而係用奶油燒過嘅鮑魚。
肥美又有彈性嘅鮑魚配埋濃郁嘅奶油香，真係超級好食。
終於到主菜出場啦！呢個魚生拼盤嘅厚度真係唔係講笑，新鮮又有彈性嘅口感，同其他地方食到嘅魚生真係好唔同。
沾啲醬料擺入口，可以感受到入口即溶嘅感覺，第一次嚟鷺梁津嘅小編已經即刻陷入咗呢碟入口即溶嘅新鮮魚生入面，終於知道點解首爾人話要食魚生，第一個會諗到嘅地方就係鷺梁津。
小編個人覺得呢個包飯都好好食，白菜上面有飛魚子同飯，食落好清爽，係呢間鋪另一個亮點。
最後出場嘅辣海鮮湯，係用各種料理、辣椒醬、菇同埋唔同嘅蔬菜整成嘅韓式香辣湯。
切完啲魚生之後，剩低嘅材料都會拎來做辣海鮮湯，所以呢個可以話係食魚生嘅時候必備嘅料理之一。
食完魚生之後韓國人就會叫多碗飯再配埋呢個湯，作為呢一餐豐富大餐嘅結尾。
所有食物都擺曬喺枱上面，梗係到打卡時間啦！
淨係用眼望已經可以感受到呢一餐有幾豐富，鷺梁津水產市場嘅魚生店比嘅量都好足夠，完全唔使擔心份量問題。
- 鷺梁津水產市場魚生店
皇帝食堂／황제 회 양념집（10號）
0.jpg)
- 鷺梁津水產市場魚生店
第一街魚生／일번지 회 양념（14號）
0.jpg)
0.jpg)
- 鷺梁津水產市場魚生店
大海魚生中心／바다 회 센타（15號）
1.jpg)
- 鷺梁津水產市場魚生店
巨富魚生／거부 회 양념（18號）
0.jpg)
點先享受到鷺梁津水產市場嘅85折優惠呢？
現場消費嘅時候，撳下面「領取優惠」嘅制下載Creatrip專屬優惠券，出示畀店員睇就可以享有Creatrip獨家優惠。
以上就係鷺梁津水產市場魚生店嘅介紹，有咩問題大家可以再詳細睇一次呢一篇文章，睇完之後仲有問題嘅話就聯絡番我哋～
小編會繼續努力幫大家搜羅更加多嘅韓國優惠，記得要密切留意！
