鷺梁津市場介紹
首爾最大海產市場「鷺梁津水產市場」探訪，新鮮生魚片、美味大蟹聚集地
Hello，大家好，我哋係由韓國人每日提供最新韓國旅行資訊嘅Creatrip。
講到韓國海產，大部分人可能第一時間都會先諗到釜山或者濟州島，但其實首爾都可以食到好新鮮嘅生魚片㗎！今日小編今日就想同帶大家去首爾最大嘅「鷺梁津水產市場」，一齊試食好味又新鮮嘅海鮮！
因為韓國疫情擴散，入場人數及營業時間可能會受到限制，可能需要提供疫苗護照。
有關韓國防疫政策文章, 可以查看韓國最新防疫守則。
鷺梁津水產市場
- 地址：서울 동작구 노들로 674
- 時間：每日09:30至22:00 （年終無休）
搭首爾地鐵1號線、9號線，喺鷺梁津站落車之後去9號出口，直行大約5分鐘，就可以見到鷺梁津水產市場。
唔少韓國人有時想食生魚片，第一時間都會諗到去鷺梁津水產市場。
鷺梁津水產市場係首爾規模最大嘅水產批發市場！
呢度除咗可以見到各式各樣嘅活魚同海產之外，最吸引人嘅一點就係大家可以喺度揀海產，然後買完交畀老闆幫手切出一盤新鮮生魚片。
正因為咁唔單止首爾人鍾意去，就連外國人都好鍾意去。
呢次Creatrip都同咗幾間批發商合作，只要出示Creatrip優惠券，就可以享有9折優惠！
鷺梁津水產市場：會員優惠
- Creatrip會員出示優惠券，可以喺公主商會、挪多水產同藍色大海等三間店鋪，享有9折優惠
鷺梁津水產市場：推薦理由
- 鷺梁津水產市場係一個即使唔去海邊，都可以感受到大海味嘅地方。
- 一邊行仲可以一邊揀自己想食嘅海產，而且買完之後，老闆仲會現場幫手切成生魚片，等大家可以直接享用。
- 由於呢度可以用超平價錢食到新鮮生魚片，所以無論係韓國人定係外國人都好鍾意去呢度。
- 每一碟生魚片份量都多，大家唔洗擔心食唔飽。
鷺梁津水產市場：路線圖
鷺梁津水產市場：體驗後記
首爾竟然都有充滿大海味道味道嘅地方，大家係唔係都覺得好新奇呢？
一入到大家可能都會睇到花多眼亂，因為每一間鋪頭都好積極咁sell客。
大家亦都唔需要急，可以慢慢睇，到最後先決定去邊一間。
唔同季節都可以見到唔同海產， 通常凌晨到晏就時間，主要係畀批發商嚟買貨。
到夜晚食飯時間，先會開放畀專程去食生魚片嘅客人。
大家嚟到呢度想食生魚片嘅話，需要先喺店鋪買好想食嘅水產，然後再拎上二樓餐廳先可以食。
樓下批發商家只係賣水產，並冇提供堂食（通常老闆都會帶大家去佢哋合作嘅餐廳）。
相信大家可能會都諗「既然呢到有咁多間店鋪，到底揀邊間先係最好？邊間又值得信任嘅呢？」
Creatrip根據自己咁多次經驗，今次同咗三間品質好我嚟又平嘅店鋪合作，只要喺以下店鋪買生魚片，都可以享有9折優惠！
鷺梁津水產市場：特約商店介紹
3間合作店鋪分別係公主商會（공주상회）、挪多水產（노들수산）跟藍色大海（푸른바다）。
- 公主商會（공주상회）位於2樓활어-2-73
- 挪多水產（노들수산）位於1樓활어 -054
- 藍色大海（푸른바다）位於2樓활어 2-5
鷺梁津水產市場：藍色大海（2樓활어 2-5）
| 價格表 | ||
| 小 | 中 | 大 |
| 三文魚 | ||
| ₩25,000 | ₩45,000 | ₩65,000 |
| 比目魚 | ||
| ₩45,000 | ₩65,000 | ₩85,000 |
| 石鯛 | ||
| - | ₩150,000 | ₩200,000 |
| 鱸魚 | ||
| - | ₩70,000 | ₩100,000 |
| 綜合生魚片 | ||
| ₩70,000 | ₩100,000 | ₩130,000 |
出示Creatrip優惠券
可享上面價格9折優惠
1.jpg)
三文魚
10.jpg)
比目魚同石斑
1.jpg)
烏魚生魚片
0.jpg)
綜合生魚片
鷺梁津水產市場：挪多水產（1樓활어 054）
挪多水產位於1樓활어 -054，呢間最出名係食螃蟹，呢度嘅螃蟹大到有啲令人陣驚，而且所有海產只要出示優惠券，一樣都可以有九折！
鷺梁津水產市場：公主商會（2樓활어-2-73）
公主商會位於2樓활어2-73，呢度嘅水產每日都係新鮮送到，同樣都係出示優惠券可以享有9折優惠。
鷺梁津海產市場：揀完生魚片之後
揀完生魚片之後就可以去餐廳食，通常呢三間店鋪都會有自己嘅合作開嘅餐廳，所以只要跟住職員行就好。
因為生魚片係喺批發店到買，所以去到餐廳都要再另外畀錢（一般嚟講一人大約₩3,500至₩5,000）。
如果想食辣魚湯或其他食物嘅朋友，亦都可以喺餐廳到另外再落單。
因為水產市場入面有啲職員仲會識講中文，所以溝通應該唔會有大問題，基本上只要確認價錢就好。
點先可以享有鷺梁津水產市場三間合作店鋪嘅9折優惠呢？
以上係鷺梁津水產市場嘅介紹，有任何問題請先詳讀呢篇文章，如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com