代訂｜COEX水族館

Hello，大家好，我哋係由韓國人每日提供最新韓國旅行資訊嘅Creatrip。

三成站嘅COEX唔單止係一個Shopping Mall，同時係一個打卡景點，除咗有星空圖書館之外，好多人都會去埋水族館，今日就等小編帶大家一齊睇吓呢個夢幻嘅水中王國啦！

三成「COEX水族館」資訊

• 地址：서울 강남구 영동대로 513
• 營業時間：10:00 - 20:00（最後入場時間 19:00）
• 體驗所需時間：大約1.5-2小時（活動詳情可以參考官網/Instagram）
• 前往方法：
  • 奉恩寺站（봉은사역）7號出口行3分鐘
  • 三成站（삼성역）5,6號出口行10分鐘

＠coex_aquarium

三成「COEX水族館」價錢

※本頁面所標示嘅價錢以韓幣為準，港幣幣值會因應即時匯率而浮動。

三成「COEX水族館」注意事項

• 請最少喺1日前完成預約，你亦可以喺30日前進行預約。
• 只接受體驗3日前取消預約及申請退款，其後恕不受理。
• 預約成立後你會收到入場條碼（每人1個）。
• 無需換領實體門票，體驗當日喺入口直接掃入場條碼就可以入場。
• 出咗場就唔可以再入場。
• 為保護海洋生物同觀賞環境，唔可以帶竉物入場。
• 嚴禁攜帶外來食物或飲品入場。
• 3歲以下幼兒免費，當日請出示證件證明。
• 如有任何疑問，請send email到help@creatrip.com。

三成「COEX水族館」預約流程

三成「COEX水族館」介紹

任何人嚟到呢個入口都會忍唔住喺度打卡，令人好想快啲入去睇吓。

呢度係售票處，如果係透過我哋買入場券，只要直接掃條碼入場就可以。

入場呢度有自動販賣機，同時有Locker可以俾大家放底嘢，價錢係1,000， 但如果本身拎住太多嘢，唔夠位放可以同職員講，佢哋會幫你keep去一個更大嘅地方，而且仲係免費。

雖然睇落好似唔太大，但其實再繼續行會發現呢度有廁所同哺乳室，有需要嘅朋友都可以去。

上2樓就係正式開始參觀，如果有帶BB車去嘅朋友要留意，唔可以用扶手電梯推上起，只可以捧住佢上樓梯。

場內有提供唔同語言嘅小冊子，有需要嘅朋友都可以拎本睇吓。

小編個人幾推薦大家可以拎本小冊子，場內有啲扱印仔區，扱完可以帶返去留念。

小冊子仲會有地圖，大家可以睇到洗手間、休息店嘅位置。

呢度每一款海洋生物都會有唔同語言去介紹，相當貼心。

地下仲會大家點行，絕對唔需要擔心會蕩失路。

最令小編印象深刻係呢一個「韓國庭院」，佢用咗韓屋設計，望住啲魚喺水中游嚟游去，特別Healing。

大家亦可以坐喺度打返張卡。

行到攰場內仲有自動販賣機，可以喺度買支飲品。

COEX水族館入面設計得超有韓國風格，令人忍唔住不斷去影。

呢個地方叫做「魚仙境」，係最受一家大細歡迎嘅地方。

就連自動販賣機入場都有魚，超神奇！

大家可以學牆上面嘅Poster咁打卡，影出嚟嘅相特別靚。

場內仲有唔少長櫈俾大家坐底休息。

之後會去到一個叫「亞馬遜世界」嘅地方，嚟到有一個角落好似許願池咁。

大家可以用₩3,000買佢哋嘅許願卡，佢係用親環境物料去整。

望住大家寫嘅願望，唔知寫完係唔係真係會成真呢？

呢度燈光偏暗，好多大魚會喺面前游過。

呢度有一個研究所，喺度可以了解魚類生態，甚至仲有一隻係Super Junior藝聲養嘅烏龜。

行到中間仲會有廁所。

呢個珊瑚博物館，小編認為係影相最靚嘅地方，喺度絕對可以影到人生照！

裡面仲有一間Cafe，可以買杯飲品，坐底休息吓。

呢個海底隧道無論嚟幾多次，都會係最多人打卡嘅地方。

水母花園嘅水底會不斷變色，好夢幻。

最後一個區係企鵝樂園，相當多企鵝喺度玩得超開心。

行哂成個水族館之後就會有一個紀念品店。

大家可以喺度買手信留念或者送俾朋友。

整體嚟講都係一個幾唔錯嘅打卡點，平時生活壓力大，冇一個地方好好休息，不如之後嚟呢到放鬆吓啦！

三成「COEX水族」前往方法

總共有2個方法可以去到Coex，可以揀搭到去奉恩寺站或三成站。

CoexAquariumHP

由三成站出發

喺5,6號出口出寺入Coex Starfield之後，跟住場內指示行。

由奉恩寺站出發

7號出口出去，往地下冇藍色指標方向行。

入到商場之後往右行，左邊就會見到水族館。

Coex水族館｜撳我預約

網上付款Q&A

以上係Coex水族館嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com