東大門DDP總整理
東大門地標DDP！到底呢度有咩咁特別，值唔值得去呢？
Hello，大家好，我哋係由韓國人每日提供最新韓國旅行資訊嘅Creatrip。
DDP（東大門設計廣場）係首爾著名地標之一，不過呢度到底有咩特別，點解會吸引咁多人去？就等小編同大家逐一介紹啦！
東大門DDP介紹
- 地址：서울 중구 을지로 281
- 營業時間：10:00 - 20:00（1月1號、年初一、中秋當日休息）
DDP係一個複合文化空間，呢度會成日舉辦各種文化活動，例如展覽、Fashion Show、新產品展示等，最近流行緊啲咩都可以喺度知得一清二楚！
서울패션위크
首爾Fashion Show每年都會喺呢度舉行，各種公司利用DDP空間舉辦活動同展覽，每一次去都會發現新驚喜，另外SMTOWN STORE、Kakao Friends Shop、Design Store等大家嚟韓國都會去嘅鋪頭，呢度都應有盡有。
DDP建築物
東大門DDP係由全世界最知名設計師之一Zaha Hadid所設計，建築特色係流線型、有設計感外觀，搭配成個都市計劃，完全成為首爾市中心最靚大型建築之一。
DDP係一種非典型裸露混凝土結構，因為形狀獨特而備受關注，但亦因為咁冇明確方向，好多人第一次去都可能會行錯路。
東大門DDP主要分成幾個區，A區藝術中心（알림터）由B2至1F、M區文化中心（배움터）由B2至4F、D區設計中心（살림터）由B2至4F，同戶外仲有二間水門（이간수문）同東大門歷史公園（동대문 역사공원）。
A區藝術中心（알림터）
A區藝術中心係舉辦各種企業活動同展覽嘅地方。
藝術館（art hall）、國際會議廳（International onference hall）（B2）
呢度有向世界展示各式各樣設計同表演，Fashion Show：Esprit Dior - Dior Spirit等活動都喺呢度舉行。
不過好可惜小編去當日仲係準備緊。
Cafe de fessonia（1F）
1樓有一間Cafe，呢度好闊落，行到攰都可以考慮嚟呢度坐底飲杯咖啡。
- 營業時間：9:00 - 00:00
M區文化中心（배움터）
文化中心會舉辦各種展覽同博物館，同時仲有為小朋友設計嘅遊樂場。
設計館同博物館（B2~）
DDP 홈페이지
設計館同博物館係一個專注於設計同時尚嘅展示空間，分享全球趨勢同文化。
TIM BURTON
- 期間：22.04.30 - 22.09.12
- 時間：10:00 - 20:00、賣票及最後入場時間係19:00
- 價格：成人₩20,000、青少年（13至18歲）₩15,000、小童（7至12歲） ₩13,000
- 售票處：現場（B2）、網上（Naver、Interpark）
設計之路（B2至4F）
由B2至4樓都係設計展區，但小編去到嘅時候仲未有太多嘢睇，有啲可惜。
DDP設計遊樂場Dicky Dicky（4F）
Dicky Dicky係一個專為小朋友而設嘅樂園，透過感官去玩遊戲，相當有趣。
唔同日子呢度仲會有舉辦One Day Class，例如整鑰匙圈、餅乾等，接受當日預約，有興趣嘅朋友都可以去現場或者提前網上預約。
- 營業時間：星期二至日 10:30 - 18:30
- 價格：小童₩15,000、監護人 ₩5,000
草地廣場（4F）
遊樂場隔離有一個草地同Designers Lounge，喺度可以休息一下，同時呢度仲有各種體驗。
D區設計中心（살림터）
設計中心有各種鋪頭，同時仲會舉辦任何人都可以免費參觀嘅展覽。
SMTOWN&STORE（1F）
係SM fans嘅朋友絕對唔以錯過嚟DDP，因為呢度有SMTOWN&STORE！
入面有賣各種藝人嘅專輯、小卡等，真係令人行到唔想走。
另外現場仲可以揀鍾意嘅藝人相，加文字同貼紙作為裝飾，做出獨一無二專屬小卡，價錢大約係₩6,000。
- 營業時間：10:00 - 20:00、每個月第三個星期日休息
Light space（1F）
- 入場費：免費
利用燈光、多媒體等技術打造展示空間，同時欣賞韓國歷史，文字、自然同科技型成嘅美感。
Design Store（1F）
Design Store主要賣啲獨特嘅產品。
雖然呢度價錢唔太平，不過如果想買一件特別嘅紀念品俾朋友，嚟呢度都係一個唔錯嘅選擇。
- 營業時間：10:00 - 20:00
D-SOOP（1F）
D-Soop係一個開放空間，任何人都可以入去開會、讀書同放鬆一下，小編去到嘅時候仲人見到有人帶電腦去做嘢， 偶然仲會喺度舉辦展覽。
TETERU WORLD（1F）
TETERU WORLD係一個小朋友可以想像世界嘅體驗空間。
- 營業時間：平日11:00 - 17:00、週末12:30 -18:30
- 入場費：₩1,000
UD Lifestyle Platform（3F）
UD Lifestyle Platform所展示嘅產品係為咗等障礙人士，同小朋友生活可以更加方便，設計師經過不斷研究新產品，同時展現未來科技可能性。
呢度大多數空間都係俾市民自由參觀，任何人都可以成為設計師/創造者嘅好機會。
- 營業時間：星期二至日 10:00 - 18:00、最後入場時間17:00
D區鋪頭/美食廣場（B2）
本身D區嗰度有好多鋪頭，不過因為疫情影響，好多都執哂笠。
不過呢度都仲有便利店同一啲Cafe（Rolling pin、貢茶等）。
美食廣場有賣炸豬排、咖哩、日式火鍋等餐廳，大家可以行完DDP之後再嚟呢度食飯。
元祖炒辣雞2人份（원조 닭갈비 2인분）￦13500 * 2
芝士炒飯1人份（치즈 볶음밥 1인분） ￦4000
小編之前去就食咗食春川炒辣雞，份量多，加上肉好嫩，食完肉再叫多個炒飯就超perfect！
- 營業時間： 11:00 - 20:30（Break Time 16:00 - 17:00、Last Order 19:30 ）
Kakao Friends Store（B2）
喺和諧廣場B2就可以搵到Kakao Friends Store蹤影。
每季都會出唔同主題同新款公仔，嚟之前真係要草定唔少子彈先得。
- 營業時間：10:30 - 22:00、每個月第三個星期一休息
和諧廣場（어울림 광장）
由東大門歷史文化公園站1號出口出嚟直行就會去到和諧廣場 ，每次去都會見到有唔同藝術設施可以打卡。
未來路（미래로）
스트레이트뉴스
如果大家對韓國時尚都有興趣，應該都知呢度係搞Fashion Show嘅地方，同時一定會喺度影過一輯相。
八條街（팔거리）
顧名思義「八條街」即係有八條路咁解，每條都可以去到唔同地方，例如可以通去清溪川、地鐵站、東大門時尚區以及和諧廣場等。
疫情之前，呢度周不時仲會有市集同慶典等。
二間水門（이간수문전시장）
二間水門係朝鮮王朝排水系統，一邊展示中心仲有好多設計作品、表演同活動。
東大門運動場紀念館（동대문운동장기념관）
東大門體育場建於1925年，直到2007年被拆除，而免費入場嘅紀念館內展示咗好多以前體育比賽同活動相關嘅相，等市民透過文物，回憶近代首爾歷史。
- 營業時間：10:00 - 19:00（1月1號、農曆元旦、中秋節、逢星期一休息）
- 入場券：免費
東大門歷史館（동대문역사관）
呢度係DDP同東大門歷史文化公園開發過程中，挖掘出嚟嘅文物，保存同展示嘅地方。
- 營業時間：星期二至日10:00 - 19:00（1月1號、農曆元旦、中秋節休息）
- 入場券：免費
Gallery Moon（갤러리문）
Gallery Moon係向所有市民開放嘅設計文化空間，不過好可惜小編去參觀嘅時候，冇展覽活動。
首爾Fashion Walk（서울패션위크）
서울패션위크 홈페이지
首爾Fashion Walk係由首爾市主辦全球時尚商業活動，每年SS/FW季節，分別係3月同10月會舉行兩次，有興趣嘅朋友都可以去官網參考時間表。
不過想參加Fashion Walk一定要事前喺網上預約（但唔保證一定會中），但如果真係唔中都唔需要太傷心，因為 DDP外面嘅大屏幕、官網或YouTube等網上可以睇直播。Fashion Walk期間會有唔少人嚟未來路打卡，同時仲有好多記者拎住相機影相。
黃色氣球城市巴士（노랑풍선 시티버스）
黃色氣球城市巴士由DDP開始出發，搭住佢可以去到青瓦台、南大門市場、仁寺洞等市區同宮殿，非常適合第一次嚟韓國旅行嘅朋友。
DDP附近Cafe&餐廳
J.Hidden House係一間保留傳統韓屋外觀嘅Cafe，只要出示我哋提供嘅優惠券，仲可以享有飲品9折優惠。
喺度可以用超合理價錢食到高級嘅豬肉同牛肉。
嚟韓國又點可以唔食炸雞呢？橋村炸雞絕對係大家一試愛上嘅味道！
DDP附近景點
大家可以沿住清溪川散步或者踩單車，朝早同夜晚去完成兩個氣氛。
「DDP」前往方法
只要搭地鐵2、4、5號線去到都會去到東大門歷史文化公園站就會去到DDP。
1號出口會同諧廣場連接，一邊係設計中心同文化中心。
如果由14號出口出吸，就會見到雕像同成個DDP。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
