三成洞「Starfield COEX Mall」總整理
Coex原來比想像中更多嘢行！鍾意瘋狂Shopping嘅你就要撳入嚟睇啦！
Hello，大家好，我哋係由韓國人每日提供最新韓國旅行資訊嘅Creatrip。
COEX同奉恩寺、三成站好近，唔單止係一個大型購物中心，加上呢度仲有「星空圖書館」、COEX水族館，係一個嚟舒壓嘅好地方，今日就等小編同大家介紹呢度有咩特別啦！
Coex介紹
- 地址：서울 강남구 봉은사로 524
- 營業時間：10:30 - 22:00
- 官網：撳我了解更多詳情
- Instagram：＠starfield.official
- 大約所需時間：約1時間30分鐘至2小時
- 有任何更新活動請參考官網。
「Starfield COEX Mall」前往方法
Coex由三成站或奉恩寺站去都好方便。
由三成站出發
在三成站落車之後，可以往5、6號出口方向行。
由奉恩寺站出發
由7號出口出嚟之後一直跟住地下藍色線行。
轉身往右會見到水族館同MEGA BOX入口，左轉可以見到時裝店同星空圖書館的入口，大家可以睇想去邊跟住行，想了解更多關於COEX水族館資訊，可以撳我睇詳情。
COEX裡面景點都係相連，所以無論行邊一條路，都可以去到想去嘅地方。
三成站、奉恩寺站相通
跟住地板指示行就可以去到星空圖書館。
「Starfield COEX Mall」設施介紹
Starfield COEX Mall係COEX地下一樓購物中心，呢度會作大型會展中心、同時仲可以Shopping、食好西、睇電影、去水族館同圖書館等，係一個應有盡有嘅大型空間。
沿住藍色路線行可以通往星空圖書館，各樓層指南有英文、日文、中文，所以唔需要擔心會蕩失路。
呢部機喺每一層都會見到，可以靠佢搵邊到有廁所、投幣式儲物櫃、ATM、退稅機、哺乳室等。
如果有任何疑問，都可以去問工作人員。
小編去嘅時候係平日啱啱開門冇耐，所以人唔算好多，但一到咗晏畫就有好多上班族，加上週末太多人，建議如果要去行街，平日去會好啲。
呢個叉電器周圍都可以見到，只要Download App，邊到都有得還，超方便！
《使用方法》
喺App Store Search「everydayportable」下載藍色圖案應用程序「완충이」。
 |  |  |
- 撳使用（사용하기）。
- 如果你有開定位功能，可以話俾你知邊度到有得借（Coex好多地方都有）。
- 撳左上角嘅掣。
- 撳登入再登記俾錢嘅卡。
 |  |  |
- 先撳註冊會員（회원 가입）”，呢個系統需要用韓國電話號碼進行身份驗證，如果冇就用Naver或者Kaokao Talk登入。
- 冇問題就撳同意及繼續（동의하고 계속하기）。
- 完成以上步驟，之後撳返去我的卡（내 카드）。
- 如果①撳完付款方式註冊後，畫面會跳到付款頁面，確認②自動付款協議，然後揀「信用卡支付신용 / 체크 카드 결제）輸入信用卡相關資訊，撳註冊卡片（카드등록）。 最後③撳儲存（저장 하기）完成註冊。（只可以用韓國卡）
 |  |  |
 |  |  |
- 再撳多次同意同儲存。
- 喺地圖頁面撳租借（대여하기），然後喺叉電器掃QR Code就可以用啦！
借同還都唔需要同一景點，只要見到附近有同一部機直接還就可以，每小時₩1,000，都唔算好貴！
一直行會見到呢度有好多級樓梯，冇表演嘅時候呢度係一個休息區，當有嘅時候呢度就會有好多人聚埋一齊。
表演區隔離有一個客服中心，如果有嘢唔見咗或有任何疑問，都可以請工作人員幫手。
由奉恩站入口入去水族館前有一個儲物櫃、星空圖書館前有兩個、三成站入口方向有一個，全部都有提供英語服務。
| 基本12小時 | 追加12小時 | |
| 小型 | ₩1,500 | ₩1,500 |
| 中型 | ₩2,000 | ₩2,000 |
| 大型 | ₩2,000 | ₩2,000 |
詳細位置請參考各樓層指南。
MEGA BOX戲院入口左邊同三成站入口附近，有可以租用哺乳室同免費BB車嘅地方，空間大，可以放心去用。
商場營業雖然係去到22:00，但BB車要喺20:00前還！
呢度仲有一步退稅機，機器上提供中文、英文同日文服務，想知道更多關於退稅流程，可以撳我了解更多。
呢度有大大小小嘅鋪頭，想要瘋狂Shopping嘅人嚟呢度就唔會有錯啦！
Aland雖然香港都有，但講到而家最流行款式就一定要嚟韓國買啦！
同時仲有好多美妝、精品店。
星空圖書館
唔少人嚟Coex都一定會去呢個星空圖書館打卡。
好多人都會喺度拎本書坐底慢慢睇。
呢度甚至仲有唔少外國書籍同雜誌，行到攰喺度休息都幾唔錯。
上到2樓會見到一間Cafe。
美食廣場
從水族館同戲院入口中間有好多間餐廳，除咗有韓式之外，仲有中、西、泰式料理等。
食飯之前仲可以喺度洗手。
今次小編決定去到Banhanun包飯&定食食飯。
呢度有唔少韓國料理可以揀，每一款都睇落好吸引。
呢度嘅大蒜菜包肉超嫩，入口即溶嘅口感真係超正！
呢個小章魚拌飯都唔錯，睇落紅卜卜好，但其實冇想像中咁辣，小編一開始入去嘅時候都冇咩人，食完諗住走嘅時候已經冇哂位，人氣超高！
想知Coex仲有咩好食，都可以撳我了解更多。
食飽之後又點可以唔飲返杯咖啡呢？之前小編都寫過一篇Coex咖啡廳總整理，有興趣嘅朋友都可以撳我了解更多。
Coex室內設施
1. Coex水族館
鍾意海洋生物嘅朋友可以嚟呢個水族館參觀，只要係我哋會員仲有提供獨家優惠添！
2. MEGA BOX
水族館隔離就係MEGA BOX，呢度出名屏幕大、座位又夠闊，吸引唔少人嚟，如果大家都想試吓喺韓國睇戲，不妨可以考慮吓嚟呢度。
3. 都心空港
星空圖書館附近有一個扶手電梯，上到一樓會發現一個叫都心空港嘅地方。
大家可以喺度辦理登機手續、行李託運同出入境服務，甚至仲有豪華巴士直接去機場。
可以辦理登機手續航空公司如下：
不過受到疫情影響，目前市區機場暫停服務。
想知更多詳情可以撳我了解更多。
呢度仲有機場巴士可以直接去。
如果大家有淨韓幣，用呢部機仲可以換成商品券。
可以換到嘅商品券仲有幾款可以揀，大家可以到時去參考一吓。
Coex體驗活動推介
1. 清潭微笑明亮牙科診所
韓國嘅醫療費用出名平、效率高、設施整潔，所以唔少遊客或喺韓國住嘅外國人都會鍾意去韓國嘅牙科診所，位於清潭嘅微笑明亮牙科診，之前小編都去過洗牙同美白，有興趣嘅朋友可以參考詳細介紹。
- 地址：서울 강남구 테헤란로 419 3F
- 營業時間：星期一 10:00 - 21:00、星期四 15:00 - 21:00、星期二、三、五 10:00 - 19:00、星期六 10:00 -14:00、星期日休息
- 小Tips：宣陵站10號出口行200米
- 價格：洗牙+美白 ₩130,000 、洗牙₩50,000
2. Vaunce Trampoline Park
想喺韓國搵啲室內體驗活動？小編推薦大家可以去玩跳彈床，喺2000年仲被列入為奧運會正式比賽項目之一，成日睇落好有趣，但係又唔知邊度有，之後喺首爾都可以去到！無論係大人定細路都會玩得超開心！
- 地址：서울 강남구 영동대로 325 B3
- 營業時間：星期二至日 10:30 - 20:00、週末 10:30 - 20:00（最後入場：19:00） 、逢星期三休息
- 小Tips：三成站3號出口行大約10分鐘
- 價格：￦25,650
如果有更多想知嘅內容，都可以隨時dm話俾我哋知：）
Instagram：creatrip.hk