東廟「24小時薯仔排骨湯」介紹

Hello，大家好 ，我哋係由韓國人每日提供最新韓國旅行資訊嘅Creatrip。

首爾東大門附近嘅「24小時東廟薯仔排骨湯」，一直係好多人去東大門必食嘅美味料理。到底佢有幾好味？大家就要快啲save底，之後嚟韓國試下啦！

東廟24小時薯仔排骨湯

조마루(신설동점)

• 地址：서울 종로구 난계로29길 37
• 交通：由首爾地鐵1號、6號線東廟前站（동묘앞역）3號出口出，直行經過東廟公園之後，會見到KT，轉入去小巷，然後喺第一個巷左轉（左前面有GS25），直行就會見到紅色招牌嘅24小時薯仔排骨湯。

東廟24小時薯仔排骨湯位於東廟站、新設洞嘅中間，交通好方便，對於住喺東大門附近嘅朋友，呢一間絕對係必食東大門美食之一。呢間唔單止韓國人鐘意，更加有唔少觀光客都會專登去食，而且唔少韓國節目都有介紹過㗎。

因為都多人去，所以店入而都會有提供中文menu，如果係兩個人去，可以叫兩份醒酒湯，或者係細份嘅薯仔排骨湯。小編今次係同4位朋友去食，所以就叫咗中份嘅薯仔排骨湯同四碗白飯（小編比較大食哈哈哈）。

打開蓋之後，大家就會聞到超香嘅薯仔排骨湯味，雖然小編都唔太食芝麻葉，但有咗佢真係會特別香。

另外小編都叫多咗個麵疙瘩（₩2,000），好煙韌。

係唔係睇落好好食呢？

已經煮到骨肉分離嘅排骨，仲有用筷子一夾就會即刻散開嘅薯仔，真係最佳配搭。湯唔會太辣，配飯一流。不過要提醒大家，唔好一直滾住煲湯，如果唔係最後湯汁會變到太濃就會好鹹，大家亦都可以請職員幫手加湯。最後仲可以追加炒飯，吸曬濃濃嘅湯汁炒出嚟嘅炒飯真係天堂嘅味道！

如果大家之後嚟韓國不妨都去試下啦！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購