慶熙宮總整理
首爾最細宮殿慶熙宮！唔想同逼同免費入場，呢度係你最佳選擇！
Hello，大家好，我哋係由韓國人每日提供最新韓國旅行資訊嘅Creatrip。
慶熙宮係首爾五大宮殿之一，喺光海君12年建造而成，曾經用作國王住所，宮殿初建時有近100個殿堂，不過因為大部分宮殿喺唔同歷史時期被燒毀，而家係首爾五大座宮殿之中最細嘅一個。
「慶熙宮」簡介
- 地址：서울 종로구 새문안로 45
- 營業時間：09:00 - 18:00（星期一及新年休息）
- 價格：免費
「慶熙宮」介紹
雖然慶熙宮係5大宮殿之中最細，可能相對睇嘅嘢唔多，不過當中有個好係人少，而且好靜有種好舒服嘅感覺，一開始會由興化門入去。
一入到去會見到細公園，入口同宮殿距離唔遠，呢度可以享受大自然，好似置身喺城市之外咁，穿過正門會去崇政殿，呢度係1926年建成，為咗避免日本人傷害被移到曹溪寺，而家係東國大學正覺院，但因為太遠所以喺1989年就喺原址建咗一個複製品。
崇政殿
呢度周圍唔算多人，所以大家可以慢慢欣賞，想影靚相都唔怕有人阻住。
一直行小編轉身嘅時候發現呢度韓屋同現今首爾成為一體，成個景好特別同有趣。
泰寧殿
泰陵殿好細，裡面有一張英祖坐喺玻璃櫃入面嘅相，營造莊嚴感，同時感受到呢度歷史氣息。
慈慶殿
雖然呢到整體唔大，不過可以令人更認真睇到宮內細節，而且免費入場，唔想同人逼都可以嚟呢度。
要點樣先去到慶熙宮？
搭地鐵去到西大門站喺4號出口出嚟之後直行400m。
之後就會見到慶熙宮喺左手邊。
昌慶宮附近景點推介
景福宮係韓國最大宮殿，唔少人嚟到韓國都會去打卡！
聽講昌德宮係韓國最靚宮殿，裡面有一個秘密花園，韓劇成日都會出現。
昌慶宮雖然唔大，但唔需要預約同可以免費入場。
德壽宮係高宗曾經住過嘅地方，呢度可以見到韓國傳統同現代建築獨特結合。
無論係朝早定係夜晚去，清溪川都俾人一種好舒服嘅感覺，喺呢度可以欣賞美景，喺附近搵間Cafe坐都唔錯！
慶熙宮附近活動體驗
相信唔少人嚟韓國，都會去租韓服影靚相，如果唔知邊一間好，可以參考小編整理嘅呢幾間，只要係我哋會員，仲可以有專屬優惠添！
另外可以坐住ARTEE人力車用特別方法發現首爾另一面。
慶熙宮附近美食推介
1.馬山辣燉安康魚（마산아구찜）
平時安康魚嘅骨好難挑，但係呢度喺煮之前已經會事先挑走，等客人可以食得方便又安心，加上辣度可以調整，唔食得太辣嘅朋友都唔使擔心，只要係我哋會員仲可以有9折優惠！
2. Maji
Maji嘅素食料理用心去整出最原味，味道會超過大家所期待，試過一定唔會失望！
3. 武橋洞有情章魚（무교동유정낙지）
韓國民間自古流傳話，只要食章魚就可以補元益氣， 如果嚟韓國未食過，之後一定要試吓！
4. Beans Bins（빈스빈스 신한은행점）
甜品控絕對唔可以錯過嘅窩夫名店！呢度嘅窩夫又厚又脆，而且仲有堅果，當正餐食都可以好飽。
如果唔想同人逼，又可以免費入場，慶熙宮絕對係大家最佳選擇！
如果有更多想知嘅內容，都可以隨時留言或者dm話俾我哋知：）
Instagram：creatrip.hk