景福宮韓服｜YES韓服
距離景福宮唔使5分鐘！「YES韓服」有超過1千件韓服等住你嚟試！
Hello，大家好，我哋係由韓國人每日提供最新韓國旅行資訊嘅Creatrip。
景福宮係好多人嚟到韓國都會去打卡嘅景點，當然去到又點可以唔著次韓服呢？今日小編想同大家介紹一間喺景福宮站行去只係需要行1分鐘嘅YES韓服出租店，換完衫再去景福宮都只係5分鐘，只要係我哋會員仲可以提早網上預約同有優惠添！
等陣❗
你入手咗Creatrip優惠券禮品包未呢？
買一套就可以喺全個網站用🎉
你而家準備要預約嘅體驗都有9折優惠！
景福宮「YES韓服」資訊
- 地址：서울 종로구 사직로 133-6
- 營業時間： 09:00 - 18:00
- 可預約時間：09:00 - 14:00
- 小Tips： 景福宮站4號出口行1分鐘
景福宮「YES韓服」推薦原因
- 喺景福宮站4號出口行1分鐘就到，而且行去景福宮都只係需要5分鐘，地理位置方便！
- 唔似其他韓服鋪頭需要行樓梯先上到去，方便小朋友同老人家！
- 呢度有超過1,000款韓服，梗有一件啱你心水！
- 佢哋會定期處理同清潔韓服，包保夠新淨同衛生！
- 每季都有新韓服，大家著到嘅都係最新最流行！
- 呢度有識講中文、英文同日文嘅職員，對於外國遊客嚟講好方便！
景福宮「YES韓服」價錢
2小時 | 4小時 | 全日 | |
女性高級韓服 | ₩25,000 (25000) | (30000) | ₩35,000 (35000) |
男性高級韓服 | ₩25,000 (25000) | ₩30,000 (30000) | ₩35,000 (35000) |
小童高級韓服 | ₩25,000 (25000) | ₩30,000 (30000) | ₩35,000 (35000) |
王妃韓服 | ₩45,000 (45000) | ₩50,000 (50000) | ₩55,000 (55000) |
國王韓服 | ₩35,000 (35000) | ₩40,000 (40000) | ₩45,000 (45000) |
奢華韓服 （男/女款） | ₩35,000 (35000) | ₩40,000 (40000) | ₩45,000 (45000) |
※如果去到現場想改款式，需要喺現場補差額（以Creatrip原價為準）。
※租2小時/4小時可以免費延長1小時。
景福宮「YES韓服」退款政策
預約後至體驗3日前取消 | 全額退款 |
體驗2日前取消 | 不設退款 |
景福宮「YES韓服」注意事項
- 請最少喺1日前完成預約。
- 免費服務：髮夾、髮帶、頭帶、髮型設計、儲物櫃、手袋、底裙、髮飾
- 付費服務：帽₩5,000、鞋 ₩3,000、冬季背心₩5,000
- 租2小時/4小時可以額外送多1小時。
- 最多只可以試著一套韓服。
- 遲過歸還時間還衫，每2小時需要俾₩5,000罰款。
- 預約時請確保已選擇正確日期及時間。
- 職員可以用中文/英文/韓文/日文溝通。
- 全日租借唔係指24小時，而係需要喺18:00歸還。
- 請務必喺租借時間完之前將韓服歸還俾鋪頭（如果遲需要追加額外費用）。
- 如果唔會將物品放喺鋪頭，將會收取訂金。
- 有提供XS至3XL韓服，想知最準確嘅Size可以去到現場試著再決定。
- 冇得事前決定著邊款韓服，請喺現場即場揀。
- 如果唔見咗或整壞配件或儲物櫃鎖匙將由客人承擔費用。
- 想要更改預約，請send email 到help@creatrip.com通知我哋。
景福宮「YES韓服」預約流程
| STEP 1. | 撳我預約 |
| STEP 2. | 請填寫所有相關資訊。 |
| STEP 3. | 付款後預約即時成立， |
| STEP 4. | 體驗當日請準時到達，向職員出示預約記錄。 |
| STEP 5. | 開始體驗！ |
景福宮「YES韓服」參考圖片
女性高級韓服
設計夠高質同多樣化，如果唔知道揀邊個option好，推薦大家揀女性高級韓服！
男性高級韓服
提供韓國武士、官員等特別角色韓服
女性奢華韓服
奢華韓服用料高級，著上身完全唔會覺得唔舒服，而且設計夠高貴典雅！
男性奢華韓服
用現代方式重新詮釋以前韓國社會地位最高嘅男士服裝，無論係設計定用料都夠曬高級
王妃韓服
王妃韓服採用韓國傳統皇朝設計，色彩豐富得嚟夠威嚴！
國王韓服
想用特別啲嘅concept影相嘅話不妨揀呢款國王韓服！
小童韓服
小童韓服款式夠可愛，一家大細嚟都可以一齊體驗！
景福宮「YES韓服」介紹
YES韓服就係喺景福宮地鐵站附近，行過去只係需要1分鐘時間，換完衫之後去景福宮都只係5分鐘，相當之方便。
YES韓服有超過 1,000 種韓服，有傳統款同高級款，大家可以根據個人喜好去配搭。
同時佢哋會將衫同裙分開擺，大家睇嘅時候都會方便好多。
除咗女士韓服之外，呢度男士嚟到都有好多款可以揀，當中包括戰士、國王同高級韓服等，唔知點襯先係最好睇嘅朋友，呢度有啲樣本，大家可以拎嚟參考吓。
想一家人著，呢度都有提供1~13歲兒童韓服。
呢度尺碼由XS到4XL都有，大家唔需要擔心冇自己Size，如果唔知邊一個碼最適合自己，可以問吓職員。
大家亦可以同職員講鍾意咩風格，佢哋會好熱心咁幫大家。
如果覺得只係著韓服有啲太單調，大家仲可以加頂帽，保證會喺眾人之中脫穎而出。
喺冬天，大家仲可以借毛毛背心。
雖然呢度冇提供妝髮服務，不過喺梳妝枱前有一個放頭飾嘅地方，每一款價錢都唔同，大家可以根據需求揀最鍾意嘅款式。
無論係髮帶定係髮箍，呢度都有分免費同付費，大家可以去到再問職員。
想由頭到腳都襯哂一套，呢度亦都有提供韓服鞋，男性最大尺鞋碼係280cm（大約係43碼），女性最大鞋碼係250（大約係38碼）。
呢度嘅手袋係免費提供，大家都可以拎上手試吓。
鋪頭入面有好多間更衣室，空間好闊落，就算同朋友一齊去都唔需要等太耐。
如果有行李都可以放喺度，同樣都係免費，不過老闆有要求2個人共用一個，剩底嘅可以俾其他客人用。
YES韓服有分一般韓服同高級韓服，設計同顏色多，大家可以同朋友一齊著唔同顏色去影，相當可愛。
每一季佢哋都會出最新款同而家流行緊嘅韓服，每一次去到都會有新鮮感，而且喺其他地方都唔會搵到。著住韓服喺景福宮任何一個位影都可以好靚，大家之後嚟記得要影返輯啦！
唔單止同朋友，同另一半嚟到一齊著韓服，都可以留低一個美好回憶。
景福宮「YES韓服」前往方法
喺 景福宮站（경복궁역）4號出口出。
出到嚟之後直行左轉入小巷。
見到右手邊就係YES韓服。
以上係景福宮「YES韓服」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com