昌慶宮總整理
韓國5大宮殿之一！要睇絕美夜景一定要去昌慶宮！
Hello，大家好，我哋係由韓國人每日提供最新韓國旅行資訊嘅Creatrip。
昌慶宮係韓國五大宮宮殿之一，同時就係喺昌德宮隔離，今日小編想同大家介紹關於昌慶宮嘅一切，希望大家去之前可以幫到大家一啲幫助啦！
「昌慶宮」簡介
昌慶宮係咁多個宮殿之中營業時間最長，所以慢慢去都冇問題，如果想睇景福宮夜景可能只得4~5月可以去，但呢度全年開放，加上昌德宮就喺隔離，一次過可以去哂兩個地方。
- 地址：서울 종로구 창경궁로 185
- 營業時間：9:00 - 21:00（最後入場時間20:00、逢星期一休息）
入場費用：
- 青少年（外國人7歲至18歲）₩500
- 成人（外國人19至64歲、韓國人25歲至64歲）₩1,000
免費入場：老人家（65歲以上）、小童（6歲以下）、著韓服嘅人、文化日（每個月最後一個星期三）、買咗Royal Palace Pass嘅人
Royal Palace Pass
價格 | |
成人 （19歲至64歲） | ₩10,000 |
青少年（7-18歲） | ₩5,000 |
*Royal Palace Pass係指允許遊客喺三個月內參觀4個宮殿（景福宮、昌德宮、昌慶宮同德壽宮）&宗廟。
免費導遊解說服務
語言 | 時間 |
韓文 | 10:30、11:30、13:00、13:30、14:30、 15:30、16:30 |
英文 | 11:00、16:00 |
日文 | 10:00、14:00 |
中文 | 9:30、15:00 |
*只限星期二至日。
*導遊解說大約30分鐘。
*30人或以上團體需要喺至少提前兩日預約。
「昌慶宮」介紹
昌慶宮雖然係出名睇夜景，不過因為小編當日朝早去，好可惜未影到俾大家睇，但都應承大家會盡力詳細介紹，而弘化門正正係昌慶宮正門。
昌慶宮係韓國學校成日帶學生進行實地考察嘅地方。
玉川橋
入到去第一個會見到嘅係玉川橋，雖然而家已經冇水，不過如果有水流嘅話應該都幾靚。
名政殿
名政殿係舉行正式皇家儀式同活動，例如國王登基、祝賀儀式、皇家招待會等。
崇文堂
崇文呢個名字面意思就係「崇敬文字或文學」，所以呢度曾經係國王書房，官員會喺呢度向國王講儒家經。
涵仁亭
同崇文堂一樣，呢度都係俾國王讀書嘅地方，同時用嚟表揚通過國家文學、軍事考試嘅人。
歡慶殿
參觀完國王讀書嘅地方之後，會經過賓陽門去另一個地方，歡慶殿就係國嘅寢殿 。
通明殿
繼續行就會去到被用作女王居住嘅通明殿，呢度好安靜，俾人一種好舒服嘅感覺，小編個人好鍾意呢個區域，甚至昌慶宮係咁多個宮殿中擁有最靚自然景觀之一。
春塘池
喺昌慶宮後院有一個超靚池塘，望住呢個景令人有種好療癒同放鬆嘅感覺，只要一到秋天，有埋紅葉圍住個景更加靚。
行行吓會發現呢度有一個大溫室，因為昌慶宮比其他宮殿建造得遲，有啲建築好有西方感覺，但其實呢個係由日本殖民政府建造，為咗安慰住喺昌德宮隔離嘅朝鮮純宗。
呢度周圍都有被綠色植物圍住，有機會大家一定要入去睇吓！
難得入去一定要睇埋夜景，完係唔同氣氛，係另一種魅力！
要點樣先去到昌慶宮？
昌慶宮就係喺昌德宮隔離，小編會建議大家可以安排同一日去，兩個地方大約相隔20分鐘就會到，小編會建議大家去完昌德宮先再去昌慶宮，以下係參考去昌慶宮路線。
由昌德宮正門出嚟之後先過馬路直行去巴士站。
去到昌德宮.首爾我們的聲音博物館（창덕궁.우리소리박물관 정류장）上車，之後搭171號藍色巴士。
之後喺昌慶宮.首爾大學醫院巴士站（창경궁.서울대학교병원 정류장）落車。
落車之後向右行，過馬路往昌慶宮方向行。
之後就會到㗎啦！
昌慶宮附近景點推介
景福宮係韓國最大宮殿，唔少人嚟到韓國都會去打卡！
聽講昌德宮係韓國最靚宮殿，裡面有一個秘密花園，韓劇成日都會出現。
德壽宮係高宗曾經住過嘅地方，呢度可以見到韓國傳統同現代建築獨特結合。
韓國最細宮殿，入場完全唔需要錢，想喺首爾市中心安靜散步？一定要嚟慶熙宮。
無論係朝早定係夜晚去，清溪川都俾人一種好舒服嘅感覺，喺呢度可以欣賞美景，喺附近搵間Cafe坐都唔錯！
昌慶宮附近活動體驗
可以坐住ARTEE人力車用特別方法發現首爾另一面。
韓服男可以話係出租韓服店始祖，大家可以好自在同輕鬆咁挑選數百套韓服/婚禮韓服，有需要嘅朋友都可以透過我哋預約！
著住韓服想影返輯靚相，不如就搵北村照相館幫大家啦！
如果之後有計劃去昌慶宮嘅朋友，希望可以幫到大家一啲幫助啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk