景福宮總整理
關於景福宮嘅一切喺哂呢度！宮殿到底有幾大？唔同宮殿邊個住過？
Hello，大家好，我哋係由韓國人每日提供最新韓國旅行資訊嘅Creatrip。
韓國有好多宮殿，不過講到最出名或者多人知嘅應該就非景福宮莫屬，除咗歷史悠久之外，唔少韓劇都去過取景，今日就等小編同大家介紹關於佢嘅一切啦！
「景福宮」簡介
韓劇《鬼怪－孤單又燦爛的神》
景福宮係朝鮮五大宮殿中規模最大，嚟呢度可以影到唔少靚相，加上每日都會有表演，唔少人嚟韓國都會去過一次，如果你想了解更多關於宮殿嘅歷史，可以撳我了解更多。
- 地址： 서울 종로구 사직로 161
- 營業時間：星期二休息
1月至2月 11月至12月 | 9:00 - 17:00 最後入場16:00 |
3月至5月 9月至10月 | 9:00 - 18:00 最後入場17:00 |
6月至8月 | 9:00 - 18:30 最後入場17:30 |
免費導遊解說服務
語言 | 時間 | 日子 |
英文 | 11:00 13:30 15:30 | 星期一、三至日（逢星期二休息） |
日文 | 10:00 | |
中文 | 13:00 | |
印尼文 | 11:00 | 星期五 |
越南文 | 15:00 |
更多詳情：
- 遊覽將會喺景福宮客服中心內嘅信息中心興禮門前開始。
- 遊覽時間約1-1.5 小時。
- 室內場所必須戴口罩。
- 10人以上團體必須提前預約。
- 10人以下唔需要預約。
- 個人及預約團體將會一齊遊覽。
- 想知更多詳情可以打去 02-3700-3900。
注意事項
- 請勿喺宮殿內奔跑或大聲講嘢。
- 唔可以帶寵物、運動器材、球、墊或外來食物入宮殿場地。
- 宮殿內停車場禁止吸煙。
- 首爾宮殿係唔俾用無人機，如果未經批准就用最高會罰￦2,000,000 （約HKD14,000），如果想拍請先打去02-534-3346 聯絡負責首都防禦司令部無人機飛行批准機構。
入場費用
價格 | |
|---|---|
成人（19歲至64歲） | ₩3,000/₩2,400 (團體10人或以上） |
青少年（7歲至18歲） | ₩1,500/₩1,200 (團體10人或以上） |
小童（6歲以下 ） 老人家（65歲以上） 組合票買家 著韓服嘅人 | 免費 |
景福宮介紹
光化門
過往小編都寫過唔少文章關於景福宮，因為佢係韓國最著名景點之一，今次小編親自去到實地考察，希望可以用另一種方式同大家介紹，話俾大家知室內入面有咩神奇地方。
為咗可以有返一個地道氣氛，小編當日仲去咗景福宮附近嘅韓服少女去租韓服，呢度嘅韓服漢服全部都好高質，只要係我哋會員仲可以有9折優惠！
除咗韓服少女之外，其實仲有唔少鋪頭都有同我哋合作，大家可以參考吓！
另外如果大家想喺室內都影返一輯韓服相，小編都想推薦以下呢幾間舖頭：
入場嘅時候大家會見到售票處喺右邊，不過大家唔需要買入場券，因為只要著住韓服就可以免費入場。
如果大家冇著韓服，只係想普通入場參觀，都可以直接去櫃檯或者用無人機器去買入場券，機器上有唔同語言揀，唔需要擔心。
買完入場券之後亦都可以申請免費導遊解說服務，大家可以揀中文、英文、日文、印尼文或者越南文去聽，或者大家可以拎場內嘅地圖慢慢自己行。
勤政殿
勤政殿內部
穿過正門之後就會去到勤政殿，呢座主要係舉行重要國家事務嘅建築物，例如朝廷官員謁見國王，呢度好闊落裝修好華麗，唔少人入到嚟都會影唔少相。
思政門
思政門
思政門係國王定期同朝廷官員討論國家事務嘅議事廳。
康寧殿
康寧殿係國王嘅寢宮，不過有時都會用出面地方嚟舉行官員會議，皇后嘅寢宮交泰殿亦都係喺附近。
欽敬閣
經過國王寢宮就會係欽敬閣，呢度有安置一個玉漏機輪，佢可以顯示季節同時間嘅天文鐘。
慈慶殿
慈慶殿係高宗大王為養母神貞王后建造嘅建築。
東宮
皇室入面每一個人都擁有自己建築，之後繼續行就會見到太子同太子妃住嘅東宮，喺度會訓練太子成為皇位。
雖然呢度嘅宮殿睇落都好類似，不過無論點行都唔會覺得悶，而且仲會好想了解呢個地方。
香遠亭
香遠亭獨自矗立嘅六角形建築，周圍景色倒映喺小池塘，唔少人經過都會被佢吸引，忍唔住停喺度打卡。
慶會樓
慶會樓位於景福宮勤政殿西北邊，建於太宗永樂十年，係國家每逢喜事或迎接外交使節時舉行宴會嘅地方，有興趣想入去參觀嘅朋友，可以先網上預約之後再去！
生果房
宮殿入面有一間韓屋Cafe，不過好可惜因為疫情影響，而家只接受網上預約，Lunch Time嘅時候會休息，大家可能要先前搵定資料，雖然小編入唔到去，但聽講入面好靚。
集玉齋
集玉齋位於宮殿深處，係國王官員嘅宮殿。
泰元殿
小編見到有唔少人著住韓服喺呢個位打卡，影出嚟效果超靚！
修政殿
國立民俗博物館
推薦大家一定要去埋國立民俗博物館，裡面展示咗由朝鮮時代收集嘅好多文物，想了解韓國歷史嚟呢度就冇錯啦！
- 營業時間：10:00 - 18:00（假期休息）
- 導覽：通常有英文、韓文、中文同日文版本，但目前暫停。
- 費用：免費
宮入面每個位置都有編號同標誌，顯示嗰項建築物嘅結構同用途再加上簡短歷史。
喺宮殿越行得入就會越靠近青瓦台，呢座建築係為總統而準備，青瓦台開放俾遊客參觀，有興趣嘅朋友都可以喺網上申請。
小編最後都用咗2個半左右時間去參觀，呢度好適合慢慢行，雖然好大但相對係易行，如果想了解韓國歷史，小編推薦大家一定要嚟！
另外好多時去景福宮都係晏晝時間，其實夜晚去一樣都好靚，不過通常只有喺4至5月先會開放，有興趣嘅朋友，可能要計劃春天嘅時候嚟啦！
要點樣先去到景福宮？
搭地鐵去景福宮站，喺3-1號出口出嚟之後直行119m。
過完馬路之後往右邊直行大約220m。
景福宮主要入口係光化門（광화문） ，你會見到入口就喺左手邊。
景福宮附近景點推介
景福宮附近咖啡廳推介
1. 珈琲島（가배도 삼청점）
如果你想搵一間舒服又安靜嘅Cafe，嚟珈琲島就唔會有錯，呢度必食Tiramisu，只要係我哋會員仲有9折優惠添！
2. Cafe PIU （카페 PIU）
PIU位於景福宮西村，店入面除咗有咖啡同甜品賣之外，仲有好多可愛文創小物，想飲到咖啡嘅同時又可以shopping，可以考慮呢一間，一樣都只要係我哋會員，就會有9折優惠！
3. Tea Therapy（티테라피 안국점）
喺Tea Therapy可以體驗到符合個人體質韓方足浴同韓方茶飲，更加可以了解韓方文化，同時利用韓方藥草當足浴劑，緩解因旅行而累積疲勞同腫脹腿部肌肉。
景福宮附近美食推介
1. I'M SO SEOUL（암소서울）
「I'M SO SEOUL」係一間高級韓牛Fine Dining餐廳，融合韓國傳統同現代文化，為每位客人提供全新韓式美食體驗。而且呢度用嘅韓牛全部都係36個月以下未經懷孕生產歷程嘅母牛，肉質夠鮮嫩！想試特別啲嘅韓國傳統美食，又想去比較高級、氣氛又好嘅餐廳，推薦大家嚟呢度！
2. 馬山辣燉鮟鱇魚（마산아구찜）
平時鮟鱇魚嘅骨好難挑，但係呢度喺煮之前已經會事先挑走，等客人可以食得方便又安心，加上辣度可以調整，唔食得太辣嘅朋友都唔使擔心，只要係我哋會員仲可以有9折優惠！
3. Najuso羅州牛骨湯（나주소 나주 곰탕 경복궁점）
牛骨湯係以牛肉經過長時間熬煮，做成嘅韓國傳統飲食，店主採用傳統嘅料理方法，將飯同牛肉放入一個小鐵鍋入面，再利用大鐵鍋入面嘅湯頭沖大概3、4次，令鍋入嘅食材可以透過湯頭溫度熟成，距離地鐵站同景福宮好近，交通好方便。
4. Maji (마지)
Maji嘅素食料理用心去整出最原味，味道會超過大家所期待，試過一定唔會失望！
希望呢一篇景福宮總整理可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk