景福宮美食｜馬山辣燉安康魚
景福宮美食餐廳「馬山辣燉安康魚」，跟住當地人食就一定唔會有錯！
Hello，大家好，我哋係由韓國人每日話你知最新韓國旅遊資訊嘅Creatrip。
唔知大家有冇聽過韓國嘅馬山（마한 ）係好出名食想辣燉安康魚嘅呢？辣辣地超惹味，係好多韓國人都鍾意食嘅一道菜。
今日想同大家介紹一間位於景福宮，出名食安康魚嘅餐廳，材料新鮮、價錢實惠、量一啲都唔少，如果有興趣嘅朋友之後都可以試吓㗎！
景福宮美食：馬山辣燉安康魚資訊
- 地址：서울 종로구 자하문로 18-1
- 營業時間：每天11:30至22:00 （年終無休）
景福宮美食：馬山辣燉安康魚推薦理由
- 馬山辣燉安康魚喺景福宮同光化門附近，交通方便，如果咁啱去附近，又想食啲特色嘅韓國料理，不妨可以試吓！
- 平時安康魚嘅骨好難挑，但係呢度喺煮之前已經會事先挑走，等客人可以食得方便又安心。
- 除咗辣燉安康魚之外，呢度仲有賣辣燉安康魚湯、清燉安康魚湯、辣燉海鮮、海鮮湯等多種海鮮料理。
- 辣燉安康魚嘅辣度可以調整，唔食得太辣嘅朋友都唔使擔心。
景福宮美食：馬山辣燉安康魚優惠
- Creatrip會員下載優惠券，即可享有10%折扣優惠。
景福宮美食：馬山辣燉安康魚位置
- 馬山辣燉安康魚：서울 종로구 자하문로 18-1
- 小Tips：由景福宮站3號出口出嚟之後，直行大約200米，就會看見到馬山辣燉安康魚招牌，上右邊建物二樓就係。
景福宮美食：馬山辣燉安康魚現場探訪
上到二樓，大家可以先睇清楚門口係有大大塊寫住馬山辣燉安康魚嘅黃色牌，同Creatrip嘅貼紙， 如果啱咁就一定唔會去錯！
呢間充滿歲月痕跡嘅老店超受當地人歡迎，唔少上班族放咗工都會嚟聚餐，同事呢度有包廂，一大班人去食非常之好！雖然呢度係一間老店，但俾人一種仲係好乾淨嘅感覺，而且好闊落。
落完單之後，職員先會為大家準備小菜，分別有炒鯷魚、涼拌椰菜花、泡菜、涼拌青瓜同涼拌茴芹。
同時亦會附贈一碗海帶湯，等客人可以沖淡辣燉安康魚嘅辣味。
如果覺得唔夠辣嘅朋友亦都可以點Wasabi一齊食，同時中和海鮮嘅腥味。
除咗辣燉安康魚之外，呢度仲有賣辣燉安康魚湯、清燉安康魚湯、辣燉海鮮、海鮮湯等多種料理。不過嚟到當然要食佢哋嘅招牌菜啦！最後小編叫咗細份辣燉安康魚同一碗白飯。
一上到檯真係唔講得笑！雖然係細份但量一啲都唔少，三個人食都可以食得綽綽有餘。
同白飯一齊食可以減輕辣度，兩個人可以先做一碗，如果覺得仲係唔夠飽，最後可以再叫多個炒飯！
小編覺得馬山辣燉安康魚最大嘅優點係，佢哋上菜之前就會先挑起晒所有魚骨，客人食嘅時候都會比較方便。
大家都知喺韓國好多料理係最後都可以用湯汁嚟做炒飯，當然小編都唔會錯過！呢度嘅炒飯都係由老闆親自幫客人炒，大家只需要輕鬆咁樣等住食就可以！
之後去開景福宮或者光化門，不妨去試吓呢間馬山辣燉安康魚，話唔定大家都會有驚喜！
景福宮美食：馬山辣燉安康魚價格
餐點有分細/中/大
| 品項 | 原價 |
| 辣燉安康魚 | 小 ₩43,000 中 ₩53,000 大 ₩63,000 |
| 辣燉安康魚湯 | |
| 清燉安康魚湯 | |
| 辣燉海鮮 | 中 ₩65,000 大 ₩70,000 |
| 海鮮湯 |
點先可以享景福宮美食：馬山辣燉安康魚9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係景福宮美食：馬山辣煥安康魚嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com