德壽宮總整理
韓西合壁德壽宮你去過未？喺市廳附近，要去超方便！
Hello，大家好，我哋係由韓國人每日提供最新韓國旅行資訊嘅Creatrip。
首爾德壽宮係高宗曾經住過嘅地方，同時亦保留咗好多韓國傳統文化同歷史，係一座結合朝鮮同西洋建築嘅完美宮殿。而德壽宮嘅石牆路，更係好多情侶嘅約會勝地。
「德壽宮」簡介
- 地址： 서울 중구 세종대로 99
- 營業時間：09:00 - 21:00（最後入場時間閂門前一個鐘）、逢星期一休息
入場費用
只要著住韓服、65歲或以上、每個月最後一個星期三（文化日），就可以免費入場，如果冇符合以上條件，可以參考吓以下價錢表。
年齡 | 價格 | |
個人 | 小童（7歲至18歲） | ₩500 |
個人 | 成人（19歲至64歲） | ₩1,000 |
團體（10人或以上） | 小童（7歲至18歲） | ₩400 |
團體（10人或以上） | 成人（19歲至64歲） | ₩800 |
Royal Palace Pass
價格 | |
成人 （19歲至64歲） | ₩10,000 |
青少年（7-18歲） | ₩5,000 |
*Royal Palace Pass係指允許遊客喺三個月內參觀4個宮殿（景福宮、昌德宮、昌慶宮同德壽宮）&宗廟。
免費導遊解說服務
語言 | 日期 | 時間 |
英文 | 星期二至日 | 10:30、13:30 |
中文 | 星期二至五 | 10:00、14:30、星期六 10:00 |
日文 | 星期二至日 | 9:30、16:00 |
*大約係進行1小時，由專業導遊同大家講解宮中歷史，不過如果因為天氣情況或冇可能避免情況發生，行程可能會被取消。
語音導覽
如果係想自己慢慢行，但又想了解宮中歷史，可以去售票處用₩3,000租語音導覽，可以揀中文、英文、日文同韓文，由9:00 至16:00（最後歸還時間係17:00）。
德壽宮王宮守門將換崗儀式
自1996年起，德壽宮大漢門前就有王宮守門將換崗儀式，守門會身穿朝鮮時期官服，一日三次換崗儀式，逢11:00、14:00同15:30可以睇到（除咗星期一）
*請注意：時間表有時會因為惡劣天氣而有改變。
建議路線
德壽宮雖然唔似首爾其他宮殿咁大，但仍然有唔少嘢睇，對於之後想去嘅朋友，可以參考以下路線：
①大漢門 → ②錦川橋 → ⑪德弘殿 → ⑫靜觀軒 → ③中和門 → ④中和殿 → ⑨重明殿 → ⑩即祚堂 → ⑬昔御堂 → ⑥,⑦,⑧石造殿
最後行哂場內，小編建議可以行埋7號重明殿，雖然唔係德壽宮主要區域，但都算係一部份。
「德壽宮」介紹
德壽宮係首爾五大宮殿之一， 如果想了解更多其他首爾宮殿可以撳我。德壽宮位於首爾最大十字路口之間，靠近市政廳，周圍都有唔少Office，傳統同現代共存，好獨特。
當中德壽宮最出名就係石牆路，唔少韓劇都以呢度背景做拍攝地，同時亦吸引唔少人嚟打卡。
因為當日小編冇著韓服，同時唔係文化日去，所以要喺入口先買入場券。
如果想享受寧靜，想舒舒服服咁休息，小編會建議大家可以早啲去。
如果大家決定唔租語音導覽，或者唔想跟導遊行，大家都可以喺場內慢慢行，入面有地圖解釋有咩建築，以下係小編推薦必睇打卡位。
錦川橋
一入到去就會見到錦川橋 ，同其他宮殿唔同，呢度冇天然溪流，呢度係挖咗一條人工水道，上面建咗一座石橋，等大家可以過橋去其他建築物！
德弘殿
德洪殿係必去景點之一，呢個大廳係國王處理日常事務嘅地方，佢會喺到見國內外高級官員，討論國家同處理外交事務。如果有細心留意，會發現屋頂上會搵到圖像同龍頭，係當時認為可以保護建築物平安，避免發生火災。
靜觀軒
靜觀軒係最早喺宮殿內建造歐式建築之一，主要係用嚟招待客人同聚會，雖然建築風格係西式，但亦都保留咗一啲韓國風格元素，比如金色裝飾同五顏六色花卉圖案，大殿前仲有一個迷你花園區，係一個影相打卡好地方！
中和門
過咗德壽宮正殿大門就係中和門，喺1906年重建中和殿（正殿）時建造，雖然係經歷文物，但仲可以見到佢keep得好好。
中和殿
中和殿係德壽宮正殿，係登基、簽訂條約、接見外國使節等重要儀式舉行嘅地方。1902年竣工但被燒毀，喺1906年重建，整體係一座散發黃金光澤，展現朝鮮末期建築。
主殿同王座內部喺夜晚就會亮燈，如果係日落時候去，就可以同時睇到朝早同夜晚景色。
石造殿
石造殿係1910年完工嘅大韓帝國時期代表性西式建築，係一座採取西洋新古典主義風格，堅守嚴格比例同左右對稱嘅建築物。內部有接待室，食堂、臥房，書房等，而家作為大韓帝國歷史館，展示大韓帝國時期生活以及近代歷史。
重明殿
重明殿 實際唔係喺宮內，但行過去一啲都唔遠，德壽宮喺1904年遭遇火災之後，成為高宗主要辦公室，曾經係主要宮殿場地一部分，直到兩個區域之間建造石牆，直到2007年時先正式成為德壽宮一部分。
石牆路
沿住宮殿會有一條石牆人行道，總長約900米，只要一到春天同秋天，有櫻花同紅葉嘅日子最多人去打卡，之後行完宮殿，記住都要嚟行吓啦！
德壽宮附近景點推介
1. 貞洞展望台 & Cafe Darak（目前暫停開放）
雖然場內就咁打卡都好靚，不過如果想喺比較高嘅地方影相，小編推薦大家可以去貞洞展望台，無論幾時去景色都好，影到嘅相都會好靚。
- 地址：서울 중구 덕수궁길 15 13F
- 營業時間：平日09:00-21:00、週末及公眾假期 09:00-18:00
2. 首爾市立美術館（서울시립미술관）
沿著石牆路行會經過首爾藝術博物館，如果你係現代藝術愛好者，想了解更多關於韓國藝術資訊，咁就一定要去啦！呢度成日都會有唔同展覽同節目，想知而家係咩展覽，都可以上佢哋官網了解更多。
- 地址：서울 중구 덕수궁길 61
- 營業時間：星期二至五10:00-20:00、週末及公眾假期：夏季10:00- 19:00、10:00-18:00
- 價格：免費（特別展覽除外）
3. 首爾廣場（서울광장）
德壽宮對面就係首爾廣場同市政廳，呢度係舉行過韓國三一運動、民主化運動紀念廣場，冬天仲會有溜冰場。
- 地址：서울 중구 세종대로 110
德壽宮附近美食
1. Beans Bins（빈스빈스 신한은행점）
甜品控絕對唔可以錯過嘅窩夫名店！呢度嘅窩夫又厚又脆，而且仲有堅果，當正餐食都可以好飽。
2. 武橋洞有情章魚（무교동유정낙지）
韓國民間自古流傳話，只要食章魚就可以補元益氣， 如果嚟韓國未食過，之後一定要試吓！
德壽宮附近體驗活動
1. 延世預感牙科（연세예감치과）
韓國睇牙唔單止平，服務仲要幾唔錯，如果大家都想試吓，可以去延世預感牙科，透過我哋預約，仲可以有優惠價。
要點樣先去到德壽宮？
搭地鐵去到市廳站喺2號出口出嚟。
之後出到嚟直行。
之後就會見到德壽宮喺右手邊。
如果之後有計劃去德壽宮嘅朋友，希望可以幫到大家一啲幫助啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk