symbol-logo
logo
logo
DEPRECATED_SearchIcon
DEPRECATED_SearchIcon
全部
韓國旅行
韓國住宿
韓國購物
韓國新知
語言學校

旅行資訊 行程預約
搵唔到你想去嘅地方/想預約嘅體驗?

旅行資訊 獨家優惠券

旅行資訊 旅遊資訊

韓國新知
2024韓國跨年活動總整理
SBS歌謠大戰 各大電視台由12月中開始就會陸陸續續舉辦頒獎典禮,為2023年畫上一個完美句號。小編幫大家整理咗2023年年尾嘅典禮日程,建議大家save低佢,有興趣嘅話更加記住要睇準時機搶飛啦! KBS MBC SBS 演技大賞 2023.12.31 演技大賞 2023.12.30 演技大賞 2023.12.31 演藝大賞 2023.12.23 放送演藝大賞 2023.12.29 演藝大賞 2023.12.30 歌謠大祝祭 2023.12.15 歌謠大祭典 2023.12.31 2023.12.25 各地新年日出 好多韓國人都會趁12月31號出發去返轉新年旅行,然後喺1月1號迎接第一個日出,放低過去一年唔好嘅回憶,更加會為下一年需要,重新出發!咁韓國到底邊度出名睇日出呢? 1. 浦項虎尾岬相生之手(포항 호미곶 상생의 손) * 地址:경북 포항시 남구 대보리 225-2 相生之手位於浦項虎尾岬,一直都係韓國最受歡迎嘅日出景點之一,當太陽咁啱停留喺手心位置嘅時候,景色真係會好壯觀同震撼!(而且聽講如果見到5隻手指上面全部都企滿曬雀仔,代表你之後會好lucky!) 2. 江陵正東津海邊(강릉 정동진) * 地址:강원도 강릉시 강동면 정동역길 17 正東津日出都好出名,喺首爾搭或者一般火車就可以去到!就算係平時都有好多人會專程嚟睇日出,不過相信1月1號可以喺呢度睇日出真係好有意義! 3. 麗水向日庵(여수 향일암) * 地址:전라남도 여수시 율림리 산7-2 麗水嘅向日庵亦都係最具代表性嘅韓國跨年景點之一!向日庵係一座面向太陽嘅韓國第四大觀音廟,至今已經有成600幾年歷史。呢度每年都會舉辦日出慶典,今年都唔例外! 4. 首爾南山塔/N首爾塔(N서울타워) * 地址:서울 용산구 남산공원길 105 如果大家1月1號當日會留喺首爾,不妨可以去南山塔所在嘅南山公園!喺呢度唔單止可以睇到超靚日出,仲可以俯瞰到首爾全景,為2024年嘅開始帶嚟一點新意! 5. 濟州城山日出峰(제주 성산일출봉) * 地址:제주 서귀포시 성산읍 성산리 1 如果大家plan住年尾去濟州島玩,推薦大家一定要去城山日出峰睇日出!望見日出於東海之上,加上濟州島勁靚嘅自然景觀,景色真係超震撼!不過要提提大家,如果大家想喺度迎接2024第一個日出,需要事前喺網上申請(名額有限)。 2024 SEOUL LIGHT DDP WINTER * 地點:東大門DDP廣場 * 地址:서울 중구 을지로 281 * 舉辦時間:2023.12.31 23:00~ 12月31號晚東大門DDP廣場都會有跨年倒數活動,大家可以睇到超靚燈光show同各種表演,一齊迎接2024年! 2024 COUNTDOWN BUSAN * 地點:廣安里海水浴場 * 地址:부산 수영구 광안해변로 219 * 舉辦時間:2023.12.31 22:00 - 2024.01.01 00:10 釜山都會搞跨年倒數活動!今年活動由水營區主辦,將會喺廣安里海水浴場舉辦盛大表演,為觀眾帶嚟最燦爛嘅2024新年新氣象。 濟州神話世界跨年活動 * 地址:제주 서귀포시 안덕면 신화역사로304번길 38 * 舉辦時間:2023.12.30 19:00-22:00、2023.12.31 20:30 - 2024.01.01 00:30 * 售票網站: 濟州神話世界會喺12月30號到31號,舉辦為期兩日嘅2024跨年倒數party,邀請人氣韓國歌手參與演出。而喺31號當日更加會有充滿活力喺煙花表演,為喺濟州跨年嘅旅客們留低畢生難忘嘅回憶! 首爾樂天塔跨年煙花匯演(未定) * 地點:首爾蠶室樂天塔 * 地址:서울 송파구 올림픽로 300 首爾樂天塔通常每年跨年嘅時候都會有超精彩嘅煙花表演,不過目前為止都未有官方報導公佈到底今年會唔會有,不過相信會搞嘅可能性好大,有咩最新消息小編都會即刻為大家更新! 以上就係小編整理嘅最新2024韓國跨年活動資訊,如果大家plan住去上述景點感受熱鬧跨年氣氛,記住要注意安全同保暖,開開心心開始大家嘅新一年! ❄️難得冬天飛韓國想玩盡佢?❄️ 如果有更多想知嘅內容,都可以隨時留言或者dm話俾我哋知:) Instagram: ...
4 months ago
176543DEPRECATED_EyeIcon
BTS演唱會線上看
各位買咗飛嘅Army一定好失望ㅠㅠ 不過有好消息!04月18日、19日喺屋企都可以睇BTS嘅演唱會啦! 準備定手燈,一齊享受啦! BANG BANG CON 原訂04月18日、19日嘅首爾場演唱會,因疫情影響而宣布取消,但BTS所屬公司Big Hit Entertainment宣佈,會舉辦線上演唱會「BANG BANG CON(방.방.콘)」,畀各位ARMY唔洗出門都可以睇演唱會。 BANG BANG CON嘅諧音意思係「防(방)彈嘅房(방)間演唱會(콘)」,一連兩日播放BTS由2014年以嚟嘅8場演唱會。 各位FANS留喺屋企都唔會無聊。 04月18日會播出: 2015 BTS LIVE〈花樣年華 ON STAGE〉; 2016 BTS LIVE〈花樣年華 ON STAGE: EPILGUE〉; BTS 2014 LIVE TRILOGY: EPISODE II THE RED BUILLET(2014 MEMORIES); 以及 BTS 3RD MUSTER [ARMYZIP+],共四場。 04月19日會播出: 2017 BTS LIVE TRILOGY EPISODE III THE WINGS TOUR IN SEOUL; 2017 BTS LIVE TRILOGY EPISODE III THE WINGS TOUR THE FINAL(2017 MEMORIES); BTS 4TH MUSTER [HAPPY EVER AFTER]; 同埋 BTS WORLD TOUR ‘LOVE YOURSELF’ SEOUL。 BTS線上演唱會會喺4月18、19號,韓國時間中午12:00(香港時間朝早11:00)開始,連播8場! Big Hit Entertainment亦宣布,喺Weverse收睇BTS演唱會,透過藍牙可以將BTS手燈,調整成演唱會模式,畀大家喺屋企都可以好似喺現場咁high! 雖然而家唔可以親第見唔到佢哋,但可以喺網上演唱會,一次過睇晒呢幾年嚟嘅演唱會,又唔洗出街,係咪一舉兩得呢? 記得留意佢哋channel啦! 其他延伸閱讀 ...
4 years ago
36004DEPRECATED_EyeIcon
韓國演唱會出現確診者
不過喺大邱市,就有一個演唱會舉行之後,陸續出現確診者。 有超過500人參加嘅演唱會,直到而家已經一共有19位確診者。 韓國演唱會出現確診者 韓國搖滾樂團YB嘅主唱尹度玹,喺11月13號至15號嘅時候,喺韓國大邱開咗佢一連三日嘅個人演唱會《ACOUSTIC FOREST》。 根據門票賣出嘅情況顯示,11月15號呢場演唱會嘅1300幾張飛,一共賣出咗700幾張,而當日實際入場嘅人數就有大約580人。 韓國大邱防疫防局事後得知,金泉大學其中一個被確診嘅學生喺流行病學調查過程入面,證實喺11月15號有去過尹度玹嘅演唱會。 所以,大邱市當局都即刻採取措施,希望唔好擴散出去。 韓國大邱市喺11月21號Send咗安全提示短信俾附近地區嘅市民。 大邱市方面表示:確診者喺11月15號5pm至8pm呢段時間,出去參加咗大邱EXCO 5樓禮堂嘅演唱會。 希望其他有參加呢場演唱會嘅人,如果有症狀嘅話就主動去保健所預約接受檢查。 韓國防疫當局解釋話,確認咗演出場地嘅CCTV之後發現,當日參加嘅演唱會嘅人都有遵守到戴口罩、騰空座位等等嘅防疫守則。 不過佢哋都表示雖然入場嘅人都有遵守防疫守則,但都唔可以掉以輕心,因為可能會有密切接觸者。 大邱市而家研究以當日喺確診者附近嘅人為中心,要佢哋自行留喺屋企做居家隔離。 新聞出咗嚟之後都引嚟唔少嘅關注! 唔少人認為而家韓國疫情都仲係好嚴重,而且已經開始爆發第三波疫情。 喺呢個時候唔應該舉行演唱會呢啲咁危險嘅大型活動。 唔知大家又有啲咩睇法呢? 其他延伸閱讀...
3 years ago
3636DEPRECATED_EyeIcon
韓國演唱會門票購買方法
K-POP Fans們應該對「Interpark」呢個網站唔陌生!「Interpark」係韓國最大售票網站之一,有分韓文版同國際版(中文、英文、日文),不過要登入韓文網站嘅話就需要先用韓國電話號碼驗證,所以身處海外嘅朋友們就要用國際版網站買啦! 2. YES24(예스24) * 網址:、、 「YES24」都係韓國最大售票網之一,同「Interpark」一樣,韓文版網站需要先做電話號碼驗證先可以消費!呢度除咗演唱會、音樂劇、話劇、展覽門票之外,仲可以買到明星週邊同專輯等等。 3. MELON TICKET(멜론 티켓) * 網址:、、、 「Melon」係最多韓國人用嘅聽音樂平台,每年仲會舉辦韓國主要流行音樂頒獎典禮之一嘅「MMA」!除咗可以聼音樂,大家仲可以去「Melon Tickets」買飛,甚至係加入Fanclub! 4. AUCTION TICKET(옥션 티켓) * 網址: 「Auction」係韓國一個大型網上購物平台,而佢哋都有賣各種演唱會、話劇、音樂會、展覽等等嘅門票!不過可惜嘅係呢個網得韓文版,所以唔識韓文嘅朋友們可能就要揀另一個網買啦! 韓國演唱會買飛秘訣 喺韓國有想睇嘅演唱會或表演,但係成日都爭唔贏其他人?大家只要跟住以下呢幾個小貼士做,成功機率會高好多! 1. 提前註冊會員同LOG IN 為咗可以比人更快買到飛,記住一定要提前登入,咁就唔洗等到俾錢嗰刻先入資料!如果未做會員,咁就要快啲註冊返個啦! 2. 將電腦時間SET做韓國時間 雖然小編之前冇試過因為時差問題而搶唔到飛,不過網上有好多人都分享過話因為自己所在地區同韓國因為有時差,所以就失敗咗。通常演唱會飛開賣當日,頁面上面會有倒數計時嘅鐘仔,大家可以確認多次呢個時間同自己電腦個時間一唔一樣。 3. 用NAVYISM網站校正時間 + 倒數 因為每個網站嘅時間可能會有少少誤差,所以建議大家搶飛之前可以先入「」呢個網站,輸入你買飛嘅時候要用嘅網站,畫面就會顯示嗰個網站嘅準確時間!大家買飛之前可以亦都可以開住呢個網倒數,咁就萬無一失啦! 4. 事前練習 因為每個網站嘅system唔同,所以建議大家喺正式開始買飛之前要先熟習買飛流程,至少要試到俾錢前最後一個步驟,因為好有可能你部電腦ban咗顯示「彈跳視窗」,咁嘅話俾錢嗰頁就會彈唔到出嚟,最後可能會前功盡廢。 5. 開賣後唔好撳F5重新整理頁面 以小編搶飛嘅習慣,小編會大約喺59秒嘅時候先撳一次重新整理,然後即刻撳買飛,之後排隊嗰頁就會彈出嚟。呢個時候大家千祈千祈唔可以重新整理頁面,要耐心等候,如果唔係就要重新排過㗎啦! 6. 開幾個頁面 根據小編個人經驗,最多開2-3個頁面就差唔多啦(怕開太多會Lag機XD)同時亦都建議大家先Download定售票網站嘅app,亦都要登入埋先,因為有時候太多人用網站買,用app有可能仲會順啲! 韓國演唱會搶飛Q&A 1. 一個帳號可唔可以同時登入幾部機? INTERPARK、YES24同MELON呢三個網站目前都冇限話一個帳號只可以用一個裝置登入,所以用多幾部機請朋友幫手搶都未嘗唔係一個好方法! 2. 韓國版網站會快過國際版? 好似頭先所講,因為要登入韓國版網站,首先需要用韓國電話號碼驗證,所以如果大家冇韓國電話號碼,就逼不得已需要喺國際版網頁註冊啦!不過其實兩邊搶飛都冇咩大分別,最主要都係要睇大家嘅網速XD 所以如果屋企個WIFI或者部電腦比較慢,建議大家落網吧搶! 3. 用電腦定係APP搶會比較順? 呢個其實真係話唔埋,因為小編之前試過去網吧搶但失敗咗,最後居然係用手機求其撳一撳嘅朋友幫小編搶到XD 所以建議大家可以電腦同手機並用,搶到嘅機會會大啲! 4. 洗唔洗買FAN CLUB會員? 最近韓國好多歌手明星都有自己嘅官方Fan Club,無論係開演唱會、粉絲見面會都係會員優先買飛!所以如果大家真係好想好想去嘅話,建議先加入Fan Club,咁就可以優先買到比較好嘅座位! 另外有個好消息!而家透過我哋都可以輕鬆買到大型演唱會飛,有興趣嘅朋友睇啦! 以上介紹咗買韓國演唱會門票嘅方法,唔知大家又覺得有冇幫助呢?希望大家之後都可以成功買到飛啦! 如果有更多想知嘅內容,都可以隨時留言或者dm話俾我哋知:) Instagram: ...
8 months ago
705007DEPRECATED_EyeIcon