尹汝貞奪奧斯卡最佳女配角
尹汝貞憑《農情家園》勇奪奧斯卡女配角，再為韓國創下新紀錄！
Yeong
3 years ago
Hello，大家好，我哋係由韓國人每日提供最新韓國旅行資訊嘅Creatrip。
第93屆奧斯卡金像獎會喺美國時間25號晏晝開始，講述韓裔美籍移民故事嘅電影《農情家園》女配角尹汝貞，再次寫下新紀錄，成為奧斯卡史上首次奪得演員獎項嘅韓國人，同時亦係繼上年《上流寄生族》橫掃奧斯卡最佳影片等四大技術獎項之後，再次由韓國人躍上眾所矚目嘅舞台。
《農情家園》劇照
尹汝貞喺《農情家園》入面飾演隨住韓裔移民家庭嚟到美國嘅長輩，佢精湛嘅演技表達出家庭成員之間互相深愛，但同時帶有矛盾嘅關係，令人印象深刻。
另外唔單止係奧斯卡金像獎，尹汝貞先前已經喺美國演員工會獎、英國影藝學院電影獎等世界超過30個以上影展、電影獎中，橫掃無數最佳女配角獎，所以當佢被提名上奧斯卡奪之後，一直都係大熱門人選。
而呢次尹汝貞亦無畏疫情，提前飛去美國參與奧斯卡頒獎典禮並成功摘下最佳女配角獎項，寫下韓國演員歷史最初記錄。
第93屆奧斯卡金像獎
尹汝貞同《農情家園》中飾演佢女兒嘅韓藝璃一同亮相，一藍一紅相當搶眼。
尹汝貞喺美國演藝媒體E-NEWS主持紅地毯採訪中表示「以韓國演員身分，首次入圍奧斯卡演員獎項，作為韓國人同亞洲女性，對我哋嚟講都係歷史性嘅一瞬間」。尹汝貞今年已經74歲，佢出道至今已經拍過唔少戲，同時亦獲獎無數，呢次獲得奧斯卡最佳女配角，希望佢可以一直繼續行花路。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
