韓國Cafe文化1. 消費以利用Cafe空間 大學生到上班族，好多人都會去Cafe買咖啡，亦有好多人選擇去Cafe溫書同聚會。 為咗吸引更多大學生同上班族，Cafe會提供Wi-Fi、插頭、單人座位等服務，滿足唔同嘅消費者。 喺韓國，每到考試期間，大學附近嘅Cafe都會變身成為自修室。 越嚟越多人想喺自由、舒適嘅氣氛下讀書，而唔是喺圖書館或者自修室。 呢一班喺Cafe溫書嘅人，可以話係促使咖啡連鎖店成長嘅最大原因。 2. 對咖啡嘅意識改變 美國咖啡品牌Starbucks喺1999年進軍韓國，梨大正門直行見到嘅分店，就係韓國1號店。 嗰陣，一杯咖啡價格係₩3,000左右，大學生平均餐費₩2,000至₩3,000，所以Starbucks成為奢侈嘅象徵。 不過經過20年後，咖啡唔再係奢侈嘅享受，大部分人食完飯都會飲杯咖啡。 買咖啡話係當代韓國人嘅習慣都不為過，大家都好自然咁會喺返工、食完飯、收工之後去飲杯咖啡。 韓國超人氣CAFE品牌 韓國連鎖Cafe加盟店數量同價格 （2018年基準 @公平交易委員會） 品牌店數美式咖啡Ediya Coffee2,142₩3,200Starbucks1,262₩4,100Yogerpresso755₩3,000Angel in-us647₩4,100Paik's Coffee539₩2,000 韓國超人氣嘅連鎖Cafe，加盟店數量排名由高到低係Ediya Coffee、Starbucks、Yogerpresso、Angel in-us同Paik's Coffee。 依家就睇下每一間Cafe有咩特徵啦！ Ediya Coffee Ediya Coffee係韓國品牌，以2018年為基準所做嘅加盟店數量調查入面，Ediya Coffee加盟店數量係韓國最多。 佢哋知道，同大型嘅Cafe品牌正面對決唔是一件容易嘅事，所以由創業初期到依家就一直行「小型而眾多」嘅策略。 另外，佢仲有一個必勝策略，就係喺Starbucks附近開分店。 呢種策略令佢哋可以快速成長，越開越多。 最多人飲嘅美式咖啡一般₩3,200，相對連鎖品牌嚟講非常平，而且甜品價格都偏平，品質亦唔錯。 Ediya店面都偏細，座位唔多，唔一定會有插頭，雖然會覺得有啲唔方便，不過可以用比價格飲到咖啡，都算唔錯。 價格嘅差異同穩定嘅品質，令Ediya成為好多人嘅首選。 Starbucks 韓國Starbucks係由美國總公司同E-MART各持50%股份合資，喺1999年梨花女大前面開第一間分店，到今日全韓國有大約1,200間分店。 分店數量雖然比Ediya Coffee少，不過年銷量高達1兆韓幣，係其他同行無法比擬嘅銷量。 Starbucks最神奇嘅地方係，佢哋冇加盟店，每間店都係由韓國總公司親自管理、經營。 即使想開一間Starbucks，都只可以揀「分店」而非加盟。 另外，一旦某間建築物入面有Starbucks進駐，建築價值就會提高，所以好多人都會希望Starbucks可以喺自己嘅物業開分店。 不過就算申請開店，都要通過Starbucks審核同市場評估先得，唔係有錢就做到。 Starbucks嘅冰美式咖啡係₩4,100。 相比其他連鎖Cafe幾乎每年都加價，但韓國Starbucks已經連續五年冇加過。 一開始Starbucks進軍韓國個陣，佢嘅價格令佢變成奢侈象徵，但依家同其他連鎖店比起，配合Starbucks嘅空間運用、價值、質感，咁樣嘅價格並唔貴。 Yogerpresso Yogerpresso係由Yogurt同Espresso組成，係間可以用合理價格食到各種特製優格飲品嘅高級甜品Cafe。 雖然佢哋以Yougurt出名，不過其實呢度嘅咖啡都好好飲。 Yogerpresso最大嘅特點，就係佢會快速掌握最新趨勢，每個月推出新嘅款式。 Yogerpresso嘅冰美式外賣₩3,000，內用₩4,000，價格同其他連鎖咖啡店差唔多。 由店名就可以知道，Yogerpresso係主打Yougurt。 如果有機會去嘅話，小編非常推薦大家一定要飲Merry草莓優格（₩6,000）。 4. Angel in-usAngel in-us係由韓國樂天經營，意指「喺我哋心入面嘅天使」，因此品牌本身含有天使帶來神嘅禮物（咖啡）嘅象徵。 同品牌名稱一樣，得意嘅天使翅膀形狀嘅梳化，係呢度最大嘅特點。 內部裝修大部分採用純白色系，凸顯天使呢個主題。 呢度嘅咖啡同其他咖啡專賣店唔同，係韓國人鍾意嘅香濃味道。 小編比較鍾意帶酸味嘅咖啡，所以每次嚟到Angel in-us，都會請店員用味道比較柔和嘅咖啡豆幫我沖美式咖啡。 呢度嘅冰美式咖啡一杯賣₩4,100，價錢差唔多，但甜品比其他連鎖店更貴。 不過，呢度乾淨嘅裝潢，加上樂天呢塊招牌，呢度嘅評價都喺平均之上。 5. Paik's Coffee Paik's Coffee係由韓國餐飲界最大嘅企業「The Born Korea」，白種元廚師建立嘅咖啡品牌。 原本白種元只恢想提供咖啡畀食完飯嘅客人，先開Cafe。 不過因為價格平、咖啡品質又唔錯，大受歡迎，白種元就將佢轉為連鎖店，依家全國各地都可以見到呢間Paik's Coffee。 Paik's Coffee大部分店面都好小，甚至有啲連位都冇，主要係做外賣服務，先可以用咁平嘅價格賣咖啡。 Paik's Coffee嘅冰美式咖啡一杯₩2,000，係連鎖Cafe最平嘅。 雖然唔太特別，不過對比價格算唔錯。 以上就係韓國人成日去嘅Cafe整理。 如果喺韓國見到上述五間Cafe品牌，大家都可以入去飲杯咖啡！ 其他延伸閱讀 ...
4 years ago
90044 
00.jpg?d=1920&q=75&f=webp)
