益善洞Cafe | 東柏洋菓子店
人氣爆燈！韓屋古董復古風Cafe，必叫超厚忌廉梳乎厘！
Hello，大家好，我哋係由韓國人每日提供最新韓國旅行資訊嘅Creatrip。
有時去Cafe，除咗想飲杯咖啡之外，會唔會想再食啲甜品呢？今日要為大家介紹嘅呢一間Cafe喺2017年底開張而嚟都到而家仲係人氣爆燈！佢哋嘅超厚忌廉梳乎厘絕對係必點！朝早10點開門，無幾耐已經可以坐滿人。點解已經過咗咁多年仲可以咁高人氣？有興趣嘅話就繼續睇落去啦！
益善洞Cafe「東柏洋菓子店」
- 地址：서울 종로구 수표로28길 17-24
- 營業時間：12:00 - 22:00
可能大家對益善洞會有啲陌生，但其實呢度隱藏咗唔少特色美食店同Cafe！今日要為大家介紹嘅呢間「東柏洋菓子店」，2017年底開張而嚟直到而家都仲係人氣爆燈！佢哋嘅超厚忌廉梳乎厘絕對係必點！
對整咖啡有興趣嘅朋友可以揀坐bar檯，睇住咖啡師沖咖啡。
小編係佢10點一開門嘅時候就入咗去，隔咗無耐就已經有好幾檯客人，而唔洗半個鐘就已經坐滿哂人！
呢到所有食物同飲品都係即叫即做，所以大約要等20分鐘左右。佢哋呢度主打嘅係忌廉梳乎厘，分別有6種口味可以揀，最有人氣嘅係士多啤梨，其次係抹茶、原味等。
小編當然叫咗佢地最出名嘅士多啤梨忌廉梳乎厘啦！果然名不虛傳！幾乎每一檯都會點佢， 佢之所以咁有人氣唔係無理由㗎，厚得嚟勁軟熟，加埋士多啤梨醬同果肉真係超好食！
另外小編仲叫咗兩杯飲品，第一杯係榛果摩卡，上面嗰層Cream有啲偏甜，但咖啡偏苦，所以小編建議大家飲嘅時候，可以將佢哋撈埋一齊中和返，會好飲好多。
另一杯小編就叫咗士多啤梨茶，意外地覺得超好飲。士多啤梨茶最特別之處係入面有塊檸檬，一開始飲淨係飲到士多啤梨味，飲飲下會有種士多啤梨mix埋檸檬既味，幾特別。
益善洞「東柏洋菓子店」菜單
滴漏咖啡 | 價錢 |
益善1937 | ₩7,500 |
東柏小姐 | ₩8,000 |
滴漏鮮奶咖啡 | ₩8,500 |
咖啡 | 價錢 |
忌廉咖啡 (橙、榛果摩卡、椰子牛油) | ₩8,500 |
茶類 | 價錢 |
茶 | ₩8,000 |
水果茶 | 價錢 |
蘋果、柑、五味子、士多啤梨 | ₩8,500 |
水果梳打 | 價錢 |
蘋果、柑、五味子、青提子 | ₩8,500 |
梳乎厘 | 價錢 |
原味 | ₩18,000 |
抹茶、年糕、士多啤梨、曲奇香蕉 | ₩23,000 |
Mont Blanc | ₩24,000 |
加雪糕 | 價錢 |
雲呢拿、抹茶 | ₩3,000 |
最後小編俾大家參考一吓Menu，雖然價錢有啲偏貴，但貴得嚟真係好食！誠意推薦大家之後嚟韓國去試吓！
如果有更多想知嘅內容，都可以隨時留言或者dm話俾我哋知：）
Instagram：creatrip.hk