Creatrip: 2020年最多人搜尋嘅首爾觀光地Top7

Hello，大家好，我哋係由韓國人話你知每日最新資訊嘅Creatrip。

#韓國文化 #韓國觀光地
#首爾人氣觀光地 #觀光地人氣排名

雖然今年因為疫情大家嚟唔到韓國，但係首爾市就同首爾觀光社(Seoul Tourism Organisation)用六種語言喺網上面嘅投票活動。

投票目的主要係想搵出2020年全國嘅人最鍾意嘅七大首爾觀光地係邊度！

結果終於係尋日（ 12月8號）公開咗分析結果，大家知唔知道首爾人最鍾意去邊呢？

想知結果就要繼續睇落去啦！

✨馬上Follow我哋IG
instagram.com/creatrip.hk

第七位-東大門市場

東大門市場可以話係美食同埋購物混合於一身嘅地方，喺呢度唔單止可以搵到好多好嘢食，仲可以搵到好多衫嘅批發。

另外大家亦都可以喺呢度買多一啲食物嘅乾貨、文具、二手書籍、日用品同埋雜貨等等，除咗吸引唔少旅客之外，都好受韓國本地人歡迎。

第六位-清溪川

清溪川係一條總共有13.7公里嘅人工河流，一路喺呢條河嘅旁邊散步，可以穿梭韓國唔同嘅觀光點。

每逢大時大節大家都可以喺呢度同朋友或者另一半，一路散步一路睇燈飾。

呢個景點排第六位真係一啲都唔意外啊！

第五位-廣藏市場

廣藏市場亦係另一個韓國人好鍾意去嘅傳統市場，唔單止可以喺度買多好多韓國傳統嘅零食同埋小食，仲可以買好多特別嘅生活小雜貨添！

呢一個市場比較出名，唔少外國人嚟到韓國嘅時候都一定會將佢排係自己嘅行程入面！

第四位-DDP

DDP又稱之為東大門設計廣場，呢度真係超級大，總面積為86,574平方米。

呢度主要係由藝術聽、文化中心、設計實驗室同埋東大門歷史文化公園等等組成，可以話係一個文藝空間。

喺疫情之前，唔少做手作嘅人都會喺呢一度擺攤檔賣佢哋嘅作品添！

第三位- 星空圖書館

Coex嘅星空圖書館可以話係流行咗好多年，呢度簡直係充滿文藝氣息！

而每一個書架嘅高度都係樓高兩層咁高，夜晚仲會有燈飾添！

呢一個地方唔單止吸引好多外國人，就算係韓國人得閒嘅時候都會嚟呢邊睇書！

第二位- COEX MALL

呢個地方位於三成，亦係星空圖書館嘅商場！

唔少韓國人都覺得呢個商場可以買到唔同國際品牌，加上因為近期嘅韓劇青春記錄都係喺呢度拍攝，所以加重咗唔少人對呢度嘅認識！

唔少外國人未嚟過呢度嘅都好想疫情之後嚟呢一度踩點！

第一位- 景福宮

景福宮呢一個地方唔單止係最傳統同埋仲有韓國歷史價值嘅一個地方，早前防彈少年團（BTS）呢隊頂級嘅組合，擔任首爾觀光宣傳大使嘅時候，都有喺景福宮都表演過。

唔單止吸引咗全球嘅人關注，更加令到更多人去搜尋關於韓服同埋景福宮嘅資料！

以上七個景點就係2020年挑選人氣最高嘅七大首爾觀光地，唔知大家最鍾意嘅有冇上榜呢？

✨馬上Follow我哋IG
instagram.com/creatrip.hk

其他延伸閱讀
消失的首爾景點	韓國社會怪事

2020年最多人搜尋嘅首爾觀光地Top7