韓國社會怪事
韓國文化入面竟然有呢一啲咁「奇怪」嘅事？一齊嚟睇吓呢5件事你又有冇遇過啦！
Hello，大家好，我哋係由韓國人話你知每日最新資訊嘅Creatrip。
#韓國文化 #韓國人
#文化差異 #奇怪事
因為文化嘅差異，喺海外生活嘅時候都會經歷好多困難同埋奇怪嘅事。
喺韓國，雖然韓國人會覺得呢啲事好平常，但係對外國人嚟講呢啲事就好奇怪。
為咗令到大家可以好好咁了解韓國社會嘅呢啲「奇怪」嘅事，今日小編就會同大家分享一下！
✨馬上Follow我哋IG
instagram.com/creatrip.hk
5件韓國社會奇怪嘅事
1. 韓國人講嘅嘢都唔可信？
同韓國朋友一齊嘅時候一定會聽過佢哋講「다음에 식사 한번 하자」（下次一齊食餐飯啦）又或者「또 만나자」（下次再見）。
不過其實呢兩句說話嘅意思，並唔係真係想約你下次食飯或者想同你再見面。
超過90%嘅韓國人講呢句說話嘅時候，都係一種禮貌咁講嘅「ByeBye」嘅意思。
另外，韓國人都好鍾意讚人，只要外國人用韓文同佢哋打招呼，或者講幾句嘢，佢哋都會同你講「你啲韓文講得好好！」。
事實上佢哋呢一種稱讚只係出於禮貌，有時並唔係真心覺得你韓文講得好好。
2. 韓國人都唔會照顧父母？
其實韓國人並唔係唔關心佢哋嘅父母。
不過如果大家嚟到韓國生活，就會發現有好多老人家需要自己一個人住同埋生活。
韓國係一個好強調頂尊重老人家嘅社會，但點解仲有咁多老人家得唔到照顧呢？
雖然有好多唔同嘅因素，但係最主要嘅原因都係因為後生嘅一代好多都要做嘢。
加上返工同埋住嘅地方距離佢哋父母嘅屋企好遠，所以成日都冇時間去見佢哋嘅父母。
另外，亦都有好多父母驚自己嘅仔女會有負擔而唔同佢地聯絡。
所以就形成咗韓國人好似都唔照顧佢哋父母咁嘅現象出現。
3. 韓國人都會「排外」?
韓國人非常之鐘意佢哋自己嘅國家。
好多韓國人都會覺得韓國係第一，認為自己嘅國家非常之好！
佢哋對韓國嘅歸屬感非常之大，會覺得好自豪同埋好熱愛佢哋嘅國家。
就好似每到世界盃或者一啲大型嘅國家比賽嗰陣，韓國人都會聚集埋一齊好齊心咁樣去為自己嘅國家打氣！
所以喺韓國都仲有少部份人會用呢一種觀念去對待外國人，形成咗「排外」嘅現象啦！
4. 喺韓國要為咗識朋友而飲酒
相信大家都知道韓國人好鍾意飲酒。
特別係喺韓國嘅公司入面，就算你本身唔飲酒嘅話都要為咗應酬上司而飲。
喺香港，如果我哋想同一個人做朋友或者再熟啲，可以一齊食飯、睇戲、行街等等。
不過對韓國人嚟講，最好同埋最快嘅方法就係一齊飲酒，甚至有好多韓國人都主張要解決問題就喺酒桌上面解決。
5. 就算早一個月出世都已經係前輩
年齡對韓國人嚟講好重要。
唔理係早一年出世定係早一個月出世，都可以做到前輩。
小編嘅韓國朋友曾經就為咗討論邊一個年紀比較大呢個問題而討論咗好耐。
明明大家都係同一年出世，點解仲要坳得咁勁呢？
不過喺韓國嘅社會，往往年紀越大嘅人就會得到更加多嘅尊重。
所以，呢一個可能就係最主要嘅原因令到佢哋一定要分得出到底邊一個早啲出世！
唔知以上呢5件事大家又有冇遇過或者聽過呢？
小編自己喺韓國生活嘅時間耐咗，都慢慢接受咗呢5件事。
大家又有冇聽過一啲其他韓國嘅文化覺得係好「奇怪」嘅？
✨馬上Follow我哋IG
instagram.com/creatrip.hk
| 其他延伸閱讀 | |
 韓國打工文化 |  韓國飲酒文化 |
