韓國傳統玩意
韓國小朋友玩啲咩？原來韓國人細個鍾意玩呢啲...教你玩3大韓國傳統小遊戲
유정언
4 years ago
Hello，大家好，我哋係由韓國人話你知每日最新韓國資訊嘅Creatrip。
#韓國玩意 #傳統遊戲
#韓國兒時玩意 #懷舊回憶
每個人都有一段屬於自己嘅童年，相信玩具一定係我哋童年嘅時候唔可以缺少嘅玩伴之一！
以前科技未有咁發達，啲小朋友邊有得玩iPhone啊？
所以以前啲香港小朋友都係玩公仔紙，花繩，或者係踢毽大嘅！
唔知韓國嘅小朋友係玩咩大嘅呢？等小編話畀你知啦！
✨馬上Follow我哋IG
instagram.com/creatrip.hk
韓國傳統玩意
1. 擲柶
擲柶呢個遊戲係韓國嘅傳統遊戲，好多韓國人都會喺新年嘅時候玩。
遊戲玩法主要係先將四條半圓形嘅棍向上拋，然後根據條棍嘅形態嚟到計分，然後會按分數喺棋盤上面捉棋，最快行完晒啲棋就代表嬴。
小編覺得呢個玩意有啲似係香港嘅飛行棋！
2.勾環
勾環呢個遊戲又叫做滾鐵圈。
好多韓國嘅人細個嘅時候都會玩呢個遊戲，不過呢個遊戲係真係好懷舊㗎啦！
呢個遊戲就係拎住條棍，去推個圈圈等個圈圈唔好跌落嚟。
通常會喺韓國嘅古裝劇嗰度先會見到，就好似以前睇大長今嘅時候就會成日見到！
3.花牌
以前嘅韓國人都好鍾意玩花牌，而其實花牌呢個遊戲係有日本傳嚟嘅。
就好似喺「來自星星的你」呢套劇裏面，都文俊就用超能力幫千頌伊贏咗錢。
一盒花牌就有48章，係代表12個月份，花牌可以同時兩個人至四個人玩。
一開頭派咗牌先，然後就打開牌做配對指定數目嘅牌，然後留返一堆做暗排。
要按照逆時針嘅方向出牌，需要拎走同花或者同月來得分！達到指定分數就可以Go，亦都可以結束遊戲就叫Stop！
唔知大家又有冇玩過呢一啲韓國傳統玩意呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國樂透 |  20代疫情煩惱 |
熱門文章
