韓國「樂透」介紹
韓國樂透(六合彩)係點買嘅呢?同香港又有咩唔同?外國人又買唔買得呢?
Hello,大家好,我哋係由韓國人每日提供最新韓國旅行資訊嘅Creatrip。
香港人鍾意買六合彩,希望可以一次中獎一世唔使優。當然!韓國人同香港人一樣,想中樂透嘅人有好多。到底韓國同香港嘅六合彩有咩唔同呢?
香港六合彩 VS 韓國樂透
1. 幾多歲可以買?
아시아엔
香港同韓國一樣,都一定要係成年先可以買,香港係18歲,韓國係滿19歲。
2. 有幾多個number?
plataforma、조선비즈
相信大家唔使小編多講,大家都知香港六合彩有1-49號。咁大家又估唔估到韓國有幾多數字呢?答案係46,雖然比香港少3個,但都一樣係超難中....
3. 幾錢一條?
香港馬會獎券有限公司
香港一條單式係HKD10,而韓國一條係1000won(約HKD6.5)。韓國同香港一樣,除咗可以自己填6個number之外,仲可以買電子飛。
4. Check 中獎方式
喺香港如果要知中唔中可以有好多方式,例如可以上網、睇報紙、睇電視直播、去馬會都可以check得到。喺韓國除咗可以上網睇之外,小編覺得有一個特別方法就係可以用QR CODE。
大家只要用手機喺Naver打 「로또」就可以即刻睇到當期中獎號碼。不過如果係買自動飛,好多時都會唔記得號碼,咁大家就可以用QR Code去確認。
大家只要撳「QR코드 확인」就會跳到一個相機畫面,影住QR Code佢就會好似上圖咁彈一條link出嚟。撳入條link,就可以知道有冇中獎,或者中幾多個字。
5. 一星期有幾多次攪珠?
香港賽馬會
香港一星期最少有兩次攪珠,如果冇跑馬最多會有3次,一星期三次嘅話會係星期二、星期四、星期六或日出結果。喺韓國一星期就只係得一次,就係星期六啦(逢星期六夜晚8:45直播得知結果)。
6. 喺邊度有得買?
조선일보
skyedaily
香港大家可以用apps或直接去馬會買。喺韓國比起馬會,韓國人會更加鍾意去專買樂透嘅店,或者便利店買。不過唔係所有便利店都有得買,要認住上圖복권판매점(樂透販賣店)先買得到。
7. 中咗獎可以去邊度拎?
BizFACT
香港中獎點拎,小編就唔多介紹,因為相信大家都知,喺韓國中獎有分5個等級:
第4同5等級:即中3個或4個字,如果想方便可以去一般販賣店或便利店拎,又或者可以去全國任何一間農協銀行。
第2同3等級:即第3等級係中5個字,第二等級係中5個半字,全國任何一間農協銀行(必需要帶身份證)
第1等級:即全中,只可以去首爾農協本店拎(서울 중구 새문안로 16 농협중앙회 중앙본부)(必需要帶身份證)
8. 外國人可唔可以買?
세계일보
答案當然係.........可以㗎!而且喺2015年,仲有10個人中過獎添!不過要拎錢嘅話,一定要係成人同埋帶身份證!
要提提大家韓國人身份有兩種:
1. 喺韓國居住緊嘅外國人: 中獎金額同韓國人一樣(唔會話因為係外國人而拎少啲),不過因為韓國有稅,要扣完先會係真正拎到嘅錢。
2. 嚟旅行嘅外國人:中獎金額會根據兩邊嘅國家或地區協議稅金而去俾。
9. 幾耐唔去拎會變廢紙?
유진에버
如果喺香港中獎,60日內一定要去拎,中超過500萬就一定要喺第二日打去登記。喺韓國就要90日內一定要去拎,如果唔係就會變成廢紙。
以上就係香港六合彩同韓國樂透嘅分別。小編先利申一下,可能都會有錯,如果有錯嘅部分,歡迎大家話俾我哋知。
如果有更多想知嘅內容,都可以隨時留言或者dm話俾我哋知:)
Instagram:creatrip.hk