2024韓國入境政策（2024.01更新）
而家入境韓國到底有咩要注意？所有入境詳情喺哂度！
Hello，大家好，我哋係由韓國人每日提供最新韓國旅行資訊嘅Creatrip。
第一次唔跟團嚟韓國旅遊嘅朋友一定要準備好關於韓國自由行嘅注意事項！淨係搭飛機、準備行李、入境海關注意事項、出入首爾嘅交通方式，咁多嘢要揾真係令人頭都大埋。小編整理咗目前疫情下，出入境最新政策，希望可以幫到準備要嚟韓國嘅大家啦！
韓國入境注意事項 | 入境前準備
1. K-ETA
- 最新消息-（2023.03.29）
根據韓國政府最新消息，由2023.04.01開始，所有入境韓國嘅港澳人士都唔再需要整K-ETA。
由2022.06.30 00:00（韓國時間）開始，持有香港特區護照/BNO終於可以免簽證入境！只要喺K-ETA主頁或者手機應用程序上面申請就可以，需要喺上飛機前72小時完成申請，結果會透過email通知。
2. Q-Code
- 最新消息-（2024.01.01）
韓國政府早前宣佈2024年上半年韓國檢疫管理地區名單，由2024.01.01開始，只要你喺呢個名單入面嘅地區入境韓國，就需要事先整Q-CODE，或者填寫機組人員派發嘅健康狀況申報表（黃色紙仔）。
*香港雖然冇特別被註明需要填寫，不過經過小編向政府負責人士確認，
建議都係整定Q-CODE或者喺飛機度填定表*
Q-CODE係一個俾入境人士事先填寫個人資料同輸入健康狀態嘅平台，填完之後過關就會快好多！而家Q-CODE係自願性填寫，有需要嘅朋友可以去Q-CODE官網輸入所需資料，咁就可以快啲開始韓國之旅啦！
3. PCR核酸陰性報告 / 專家快速抗原測試陰性報告
연합뉴스
- 最新消息-（2023.03.08）
根據韓國中央防疫對策本部最新指示，由2023.03.11開始，所有入境限制將會正式解除，由港澳入境韓國人士唔需要提交任何COVID-19檢測報告。
自從韓國放寬入境政策之後，港澳人入境韓國都唔需要再額外提交陰性報告。但係由於各項因素，當韓國政府政策收緊，大家都有可能需要再次提交陰性報告。通常韓國政府都會要求入境人士提交出發日48小時（2日）前PCR陰性報告或者24小時（1日）前由專家進行嘅快速抗原測試陰性報告。
（例：如果飛機起飛時間為1月10號14:00，你需要提交1月8號00:00之後做嘅PCR陰性報告 OR 1月9號00:00之後由專家進行嘅快速抗原測試陰性報告）
4. 再入境許可（韓國長期Visa持有人適用）
自2022.04.01起，韓國將取消居住在韓外國人重新入境登記強制性要求，所以持有韓國合法外國人登錄證人士唔需要進行特別申請就可以喺出境日起1年內（韓國永久居留證為2年）重新入境！（注意：如果超過1年之後先會重新入境韓國就要事先獲得許可）
韓國入境注意事項 | 航班及行李須知
1. 港韓航點整理
受到K-Pop、韓劇影響，加上香港同韓國距離唔遠，越嚟越多香港人鍾意去韓國玩。為方便香港旅客，目前以下航空公司都有提供直航服務。
香港飛往首爾仁川
國泰航空、香港航空、香港快運航空、大韓航空、韓亞航空
香港飛釜山
國泰航空、香港快運航空
香港飛濟州
國泰航空、香港快運航空
嚟韓國玩之前不妨上網查吓以上嘅航空公司，緊貼機票優惠資訊，咁就可以優惠價格買到去韓國嘅機票啦！（詳情以香港國際機場網頁為準）。
2. 託運行李重量及限制
익스피디아
除咗廉價航空優惠機票，大部分航空公司都會提供「託運行李」同「手提行李」，每間公司嘅重量限制都唔一樣，大家記得要喺買機票前睇清楚。如果知道一定會買爆喼，就要預早加購託運行李嘅重量，咁樣一定比現場買或者超重罰錢平！唔好諗住超重兩、三公斤就冇乜所謂，而家啲航空公司執得好正嚟做。如果唔想加購行李重量，可以選擇寄返香港。
隨身手提行李禁止物品（只能託運）
- 刀類：𠝹刀、菜刀、指甲鉗、鉸剪
- 尖銳物品：同刀類物品相似，弓箭、魚鉤、長度超過五cm嘅鋼釘、飛鏢、毛針、針頭等具有穿刺功能嘅物品
- 棍棒工具：除咗常見嘅械鬥工具外，禁止隨身帶相機腳架、自拍棍同傘類上飛機
- 液體、膠狀：單件容量不得超過100ML（例如一個120ML嘅罐裡面剩底50ML嘅lotion，亦禁止隨身攜帶），須要全部裝係一公升以下嘅透明密實袋入面
- 噴霧：100ML以上，500ML以下，可用於人體嘅噴霧（防曬噴霧、止汗劑）禁止隨身帶上飛機
託運行李禁止物品（只能隨身攜帶）
- 電池：鋰電池、叉電器
- 打火機：一人限帶一個
搭飛機禁止物品（託運、手提都唔得）
- 噴霧：500ML以上，無論係咩用途都好，都係禁止託運、手提。另外，瓶身有標示嚴禁火氣、高溫、擠壓標語，都唔可以用任何形式帶上飛機。
- 禁帶任何壓縮氣體、劇毒、放射狀、氧化物、易燃、易腐蝕等會造成航班危險，或他人同飛航安全嘅物品、液體、固體。
最後提醒：打火機、行動電源、電池、電腦、相機請隨身攜帶，跟住一齊上飛機。
韓國入境注意事項 | 禁止攜帶物品
禁止帶嚟韓國嘅物品
- 有礙韓國法律、公共治安、風俗習慣之書籍、圖片、影像、CD、CD-ROM等物品。
- 洩漏國家機密或挪用情報嫌疑嘅物品
- 偽造、仿造、假造之銀行貨幣票券及其他有價證券等
- 生鮮食品、肉類
帶嚟韓國會受到限制、管制、拘禁、罰款嘅物品
- 槍械、刀劍等武器類（包含模型及裝飾用）、爆裂品同有毒物質
- 根據毒品管制法律規定，攜帶包含鴉片、大麻草等毒品
- 根據野生動植物國際交易協定中所示，瀕臨絕種危機及受保護野生動植物所製成嘅所有物品
- 價值金額超過10,000美元之對外支付方式（本票、匯票、信用狀除外）、國內貨幣（韓元）及標示為韓元貨幣之旅行支票（出入境時需先主動向海關申報）、現金支票、銀行支票、郵政匯票等
- 貴重金屬（日常生活中佩帶之金戒指、項鍊等除外）及證券（出入境限制物品）
- 文化財產物（出入境限制物品）
- 依據水產業法、水產動植物嘅移植許可規定中有列入之物品（出入境限制物品）
- 可能造成韓國水力資源維持保護及無法確保是否有礙養殖用種苗疑慮嘅物品
- 被指定為天然紀念物嘅品種
- 廢棄物往返移動運輸及相關處理法律規定嘅物品及物質（出入境限制物品）
- 植物、水果蔬菜類、農林產物（出入境限制物品）
- 動物（包含肉、皮、毛）及畜產物（出入境限制物品）、寵物飼料
＃常見問題（基本常識與解釋）
- 1萬美金 = 約7萬8千港元 = 約1000萬韓元
- 唔可以帶肉乾、肉鬆或者任何有實體肉類嘅食品進入韓國（規定寫明，請勿鋌而走險）
- 想帶動物、植物、肉類、水果入韓國，需要接受檢疫，請先了解相關韓國法律。
- 喺韓國被判刑嘅外國人，唔會被遣返到原本國家，需要喺韓國服刑，先能夠離開。
韓國入境注意事項 | 韓國自助出入境
已經身處韓國，準備返香港前想辦理韓國自助出入境（韓國E道）嘅話要有咩資格？
- 持有有效香港特別行政區電子護照（有效期最少6個月）
- 年滿17歲或以上
- 喺韓國無任何不良紀錄
- 注意：每次更換護照後需重新登記
韓國邊度可以辦理韓國自助出入境（韓國E道）？
1. 首爾車站地下2樓：Airport Railroad Branch
星期一至星期五：09:00 - 18:00
2. 三成洞都心機場航廈2樓
星期一至星期五：09:00 - 18:00
3. 仁川國際機場第一航廈3樓：出境大廳登機報到櫃台G、H區中間
每日 07:00 - 19:00
4. 仁川國際機場第二航廈2樓：政府綜合行政中心法務部出入國服務中心（One-Stop Public Service Zone）
每日 07:00 - 19:00
5. 金浦國際機場2樓：出境服務中心（Immigration Service Center）
星期一至星期五：09:00 - 18:00
6. 釜山金海國際機場國際航廈2樓：移民事務處
星期一至星期五：07:00 - 20:00
7. 大邱國際機場2樓：移民事務處
星期一至星期五：09:00 - 18:00
8. 濟州國際機場3樓：VIP Lounge Area
星期一至星期五：09:00 - 18:00
9. 清州國際機場東旅客航廈1樓：機場出境辦公室
星期一至星期五：09:00 - 18:00（以現場為主）
韓國自助過關注意事項
- 要喺韓國辦理自助過關，必須喺入境之後先可辦理
- 自助過關有效期等同護照有效期，換咗護照嘅話就要重新申請韓國自助過關
- 自助過關後仍要填寫海關申報單，但入境卡就毋須填寫
- 本人親身辦理，需要現場影相同記錄指紋
韓國入境注意事項 | 入境卡及海關申報單
入境卡（已辦理自助過關者及外國人登錄證持有人毋需填寫）
韓國入境卡有中文版本，只要喺坐飛機時問空姐拎，或者到達後去櫃臺拎，跟住指示填寫就可以。
有關韓國住宿一欄，記得填好酒店住宿地址同電話（英文或韓文），如入境韓國後會入住唔同地方，只要填寫第一間酒店嘅資訊即可。而「Family Name 姓」同「Given Name 名」欄位，請參照護照用英文填寫。
韓國海關申報表（可省略）
左：舊版、右：新版
- 最新消息-（2023.05.02）
根據韓國政府最新政策，由2023年5月1號開始，如果冇嘢需要申報，就唔洗再填申報表，直接行「無需申報通道」就得。
家族旅遊（有直系血緣關係或婚姻關係）只需要其中一人做代表填一張，之後一齊入境就得。朋友同情侶出遊嘅話，就需要分開填寫。藍色一組係要申報嘅欄目，如果冇攜帶需要特別申報嘅物品，請全部填「NO/否」。
注意：如果正面嘅問題都揀咗「NO/否」，就唔需要填背面，所有問題都要如實填寫。
如果擔心攜帶嘅物品有問題，可以行申報路線，等海關人員判定。
韓國入境注意事項 | 韓國機場換錢
![]()
到達韓國機場後，大部份人會喺機場銀行櫃檯換定啲錢。換定啲即係換幾多呢？
假設你冇任何韓幣喺身，要直接去民宿或者酒店check in，然後去找換店唱錢，就請預啲錢買以下嘅嘢：
- T Money Card
- 由機場搭地鐵到民宿、酒店交通費
- 買少少嘢食/水
- 一個人大概20,000韓幣就夠
- 有關實際匯率，請自行詢問機場銀行櫃檯
Creatrip亦都全新推出機場預約換錢服務，大家可以出發前預約，準備好要兌換嘅港幣之後，喺預約時間去到指定地點搵工作人員進行換錢程序，而且手續費低，匯率更加比一般機場銀行好，最近plan住要嚟嘅朋友們記住撳下面條link睇詳細介紹啦！
韓國入境注意事項 | 機場到首爾市區交通
仁川機場快線AREX價格
- AREX途徑仁川T2、仁川機場T1、首爾車站（唔停其他站）
仁川T2/T1⇋首爾 （成人小童同價 / 單程票） | ₩7,350 |
往返於機場及主要旅遊區（地鐵、巴士）
a. 仁川&金浦機場 ↔ 弘大入口站
| AREX | 仁川機場T1 | 仁川機場T2 | 金浦機場 |
| 費用 | ₩4,050 | ₩4,650 | ₩1,350 |
| 所需時間 | 最少51分鐘 | 最少58分鐘 | 最少14分鐘 |
- 仁川&金浦機場 → 蠶室站 : 機場貨物辦公樓站方向（首爾站行）→ 弘大入口站轉車 → 2號線新村站方向（聖水內線行）
- 蠶室站 → 仁川&金浦機場：2號線 蠶室渡口方向（聖水外線行）→ 弘大入口站轉車 → 數碼媒體城站（仁川機場T2行）
| AREX & 2號線 | 仁川機場T1 | 仁川機場T2 | 金浦機場 |
| 費用 | ₩4,350 - 4,450 | ₩4,950 - 5,050 | ₩1,650 |
| 所需時間 | 最少95分鐘 | 最少102分鐘 | 最少58分鐘 |
c. 仁川&金浦機場 ↔ 首爾站
| AREX | 仁川機場T1 | 仁川機場T2 | 金浦機場 |
| 費用 | ₩4,150 | ₩4,750 | ₩1,450 |
| 所需時間 | 最少59分鐘 | 最少66分鐘 | 最少22分鐘 |
- 仁川&金浦機場 → 明洞站：AREX機場貨物辦公樓站方向（首爾站行） → 首爾站轉車→ 4號線會賢站方向（堂嶺站）
- 明洞站 → 仁川&金浦機場： 4號線會賢方向（烏耳島行） → 首爾站轉車 → AREX孔德站方向（仁川機場T2行）
| AREX & 4號線 | 仁川機場T1 | 仁川機場T2 | 金浦機場 |
| 費用 | ₩4,150 | ₩4,750 | ₩1,550 |
| 所需時間 | 最少71分鐘 | 最少78分鐘 | 最少34分鐘 |
e. 仁川機場 ↔ 金浦機場
- 仁川機場 → 金浦機場：AREX機場貨物辦公樓站方向（首爾站行）
- 金浦機場 → 仁川機場：桂陽站方向（仁川機場T2行）
| AREX | 仁川機場T1 | 仁川機場T2 |
| 費用 | ₩3,750 | ₩4,350 |
| 所需時間 | 最少37分鐘 | 最少44分鐘 |
或者大家亦可以搭巴士去其他地方，不過亦都因為而家疫情影響，已經唔再營運，之後如果開返，會再同大家Update！
| 巴士號碼 | 目的士 | 費用 | 班次 |
| 6001 | 首爾站、明洞站 | ₩17,000 | 15-25分鐘 |
| 6002 | 弘大入口站、新村站 | ₩17,000 | 20-30分鐘 |
| 6006 | 蠶室、狎鷗亭站、三成洞COEX | ₩17,000 | 每日12班車 |
希望呢篇文可以幫到大家啦！！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
