金正恩現身
尷尬啦！南韓脫北議員：「99%肯定金正恩已死」！話口未完，北韓2號公佈金正恩公開活動相
Jeongyeong Yeo
5 years ago
Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃金正恩
＃冇事＃公開活動
前兩星期，突然傳出北韓領導人金正恩命危嘅消息。
多間外媒報導，金正恩進行手術之後危殆，甚至傳出死訊。
即使青瓦台表示未收到相關訊息，但外界嘅猜測仲未平息。
5月2號，北韓朝鮮中央通訊社就公開咗金正恩勞動節喺平安南道化肥工廠慶祝竣工嘅相，推翻各界猜測。
✨馬上Follow我哋IG
instagram.com/creatrip.hk
金正恩生死之謎
金正恩神隱20日，呢幾個星期以嚟各界消息、猜測不斷。
自從佢04月11號喺公開場合亮相之後，04月15日金正恩爺爺生日號太陽節，同其他相關活動都冇現身，令全世界都謠傳金正恩已死，北韓政權動盪。
美國CNN報導，引用官員發言，金正恩進行心血管手術後命危。
中國媒體、日本媒體就報導，北韓喺中國調派一批醫生去平壤幫金正恩做手術，但因為醫生太緊張，延誤手術進度，導致金正恩腦死，變成植物人。
金正恩嘅生死之謎好快就演變成北韓政權角力嘅傳言。
傳聞金正恩死後，北韓政權腥風血雨，又有小道消息指出金正恩胞妹金與正掌權，冇人知道真相係點。
韓國國內媒體大部分引用外媒報導，重申青瓦台一直以嚟嘅立場：目前北韓無特別異狀。
不過，前幾日道有南韓嘅脫北議員語出驚人，表示99%肯定金正恩已經死亡，並聲稱最快呢個週末會宣布死訊。
經過多日嘅傳言，金正恩透過朝鮮中央社發佈自己視察化肥工廠嘅相，推翻所有媒體嘅報導，證明自己冇事。
| 其他延伸閱讀 | |
 南北韓鐵路連接 |  平壤酒館探訪 |
熱門文章
