南韓新鐵路連接北韓

南韓新鐵路計畫！鐵路將連接北韓？未來喺釜山可以坐火車去北韓同歐亞大陸？

Jeongyeong Yeo

5 years ago

Hello，大家好，我哋係由韓國人話你知每日最新韓國資訊嘅Creatrip。

＃韓國新聞＃歐亞大陸
＃北韓＃豬津站＃連接

南韓同北韓之間嘅38線，令南韓好似一個孤立嘅島國一樣，進出口仍然要靠海運、航運為主，而用唔到陸路運送。

終於！《427板門店宣言》兩週年嘅同時，南韓宣布一項計畫，宣佈斥資2兆8,520億韓元，建造釜山、豬津站（南韓東部最北嘅火車站）北韓同歐亞大陸嘅鐵路。

✨馬上Follow我哋IG
instagram.com/creatrip.hk

南韓統一部同國土交通部門，04月27號喺板門店宣言兩週年之際，喺江原道豬津站舉行「東海北部線」紀念儀式。

地圖上嚟膠，豬津站（제진역）係南韓領土最北號一個車站，離38線相當近。

呢度原本有一條連接南北韓號縱貫鐵路，但喺1967年被廢除之後，至今仍然荒廢。

04月23號，第313次南北交流合作促進會議上，確認會開展「江陵－豬津」之間嘅鐵路連接工程。

豬津站

呢段鐵路由豬津站到廢除嘅南江陵站，沿線長約110.9公里，重新連接之後，建造成單程鐵路，預計斥資2兆8,520億韓元，目標喺出年年底動工。

南北韓兩年前簽定嘅《427板門店宣言》就已經提到，要興建連接南北韓嘅鐵路，並達成現代化協議，係促進朝鮮半島關係嘅重要關鍵。

來源：NEWS1

呢段鐵路開通後，最南面可同釜山站連接，達成釜山、首都圈、江原道嘅高速交通網路。

以釜山港為起點嘅朝鮮半島，未來可以同韓半島縱貫鐵路、歐亞大陸鐵路連接，形成更加繁榮嘅東北亞經濟共同體。

來源：NEWS1呢個工程無疑可以促進南北韓關係，希望順利完工啦！

✨馬上Follow我哋IG
instagram.com/creatrip.hk

其他延伸閱讀
KTX直達東海	金正恩病危？