Hello，大家好，我哋係由韓國人每日提供最新韓國旅行資訊嘅Creatrip。  

韓國有好多間Cafe，不過要講到好飲同有特色嘅Cafe其實唔易搵，不過今日同大家介紹嘅呢間C. Through好飲得嚟又適合打卡，絕對係去完一定唔會後悔嘅IG熱點！

延南洞咖啡廳「C. Through」資訊

• 地址：서울 마포구 동교로 266-6
• 營業時間：12:00 - 22:00
• 聯絡方式：02-336-9936

延南洞咖啡廳「C. Through」推薦理由

• 超有特色嘅公仔拉花人氣Cafe！
• 除咗好啱打卡之外，咖啡同甜品嘅味道都滿分～
• 更係IG熱點，可以影到IG呃like相！

延南洞咖啡廳「C. Through」優惠

• 下載優惠券，埋單嘅時候即享9折優惠。
• 唔需要預約。
• 如果用coupon嘅時候，有任何疑問都可以send email到help@creatrip.com。

延南洞咖啡廳「C. Through」價錢

*下載優惠券，埋單嘅時候即享9折優惠。

延南洞咖啡廳「C. Through」介紹

相信大家嚟韓國旅行，都好鍾意去唔同嘅Cafe，影吓相、食吓Cake咁～ 呢間C. Through大家就唔好錯過啦！

鋪面唔大，白色背景、高雅嘅風格裝修。

後面仲有戶外露臺！夏天嗰陣，戶外座位應該會好受歡迎！小編今次叫嘅飲品同甜品都係老細推薦嘅～等小編逐樣介紹俾大家啦！  

首先要介紹嘅就係C.Through代表飲品！Creamart！第一次去C.Through嘅人大部分都係為咗飲呢杯飲品而嚟，人氣非常高，上面係超得意嘅公仔拉花，可以見到咖啡師嘅功力同用心！

見到嘅人都會忍唔住驚嘆！ 等我哋話俾大家知係點整出嚟㗎啦！

咖啡上面放滿Cream。

喺上面勾勒拉花。

拉花創作過程一直要用手託住嚟畫，一筆一筆，好仔細。

拉花藝術嘅色素係用薯仔澱粉做嘅食用色素～每個色素味道都一樣，可以食用，唔使擔心～

每個角色都好得意，最特別嘅係最右邊嘅Lola，佢係C. Through咖啡師登記咗著作權嘅獨有角色嚟㗎！  Cream入面嘅咖啡味甜甜哋、夠濃厚。

除咗Creamart之外，Scotchno都係C. Through嘅經典之作。

大家一 定食過咖啡拖肥糖啦！呢一杯就係有拖肥糖味嘅咖啡。

將做好嘅咖啡倒入杯入面。

加Cream。

加咖啡粉。

再喺上面加Cream。

Scotchno就完成啦！

店員會俾一個漏斗你～聽講要喺漏斗倒完嘅3分鐘內飲晒，先飲到咖啡最好嘅味道。 所以大家都記得至少要喺啖3分鐘內飲第一啖，唔好掛住打卡錯過咗！

先試一啖面頭嘅cream，細滑嘅Cream，加埋咖啡味，好夾！

跟住飲一啖入面嘅咖啡...好神奇！真係飲到咖啡拖肥糖嘅味道！好似直接放咗粒糖入去咁   味道同咖啡拖肥糖一樣甜甜哋，可以飲到強烈嘅咖啡味，好好味。

之後要介紹嘅係呢度嘅新飲品！  呢杯叫做微笑曲奇咖啡～

下面係咖啡，上面係濃厚朱古力味嘅曲奇。 

可以先食眼睛（朱古力）再食曲奇，餅乾外脆內軟，口感好正。

曲奇加埋咖啡嘅Cream一齊食，又係另一種風味！最後再飲咖啡，咖啡同Scotchno比起冇咁濃。

另外，小編都試咗幾款甜品！

C Through嘅Tiramisu就係最下面有浸咗濃咖啡嘅餅乾，上面全部都係忌廉。真係好耐冇食過咁多忌廉芝士嘅Tiramisu啦！  

而且仲有咖啡味！小編超推薦呢度嘅甜品～

跟住要介紹嘅甜品係泡芙！有五種口味，小編試咗吉士醬泡芙。

係咪睇到都流口水呢？入面嘅餡份量仲好多！

C. Through嘅咖啡同甜品唔單止吸睛，又好味，仲可以影到IG呃like相！去韓國一定唔可以錯過嘅Cafe～

延南洞咖啡廳「C. Through」前往方法

弘大入口站3號出口出嚟之後直行。

去到呢個位之後往右邊直行。

沿住右邊一直直行。

見到역전할머니 맥주（逆轉 奶奶 啤酒）之後轉右。

行少前前右邊小巷就會見到C.Through。

點先可以享有延南洞C.Through優惠呢？

現場消費Click下面網址下載Creatrip專屬優惠券，出示畀店員睇即可享有獨家優惠。

C. through優惠券ㅣ撳我下載

以上係延南洞咖啡廳「 C. Through」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com