海雲台咖啡廳｜煙花溫度
被時間遺忘嘅美麗...海雲台咖啡廳「煙花溫度」復刻時代感裝修，寧靜而美好
Hello，大家好，我哋係由韓國人每日提供最新韓國旅行資訊嘅Creatrip。
釜山要去海雲台，但只有海水浴場可以去，似乎有啲太浪費時間。小編今日要推薦位於海雲台地鐵站後面「海理團路」嘅咖啡廳：煙花溫度。咁好聽嘅名配上同樣具有復刻時代感意義嘅建築風格，究竟會擦出咩火花呢？跟住小編一齊去睇吓啦。
海雲台咖啡廳：煙花溫度資訊
- 地址：부산 해운대구 우동1로38번길 15-1 2F
- 時間：每日 12:00 - 21:30
海雲台咖啡廳：煙花溫度優惠
- Creatrip會員下載優惠券，可享有煙花溫度9折優惠。
- 此優惠只限於飲品適用。
- 唔需要預約。
- 如果用coupon嘅時候，有任何疑問都可以send email到help@creatrip.com。
海雲台咖啡廳：煙花溫度推薦原因
- 具有時代感嘅建築，好似穿越時空咁，美麗建築風格，只睇已經有一種浪漫感。
- 好多咖啡廳注重外觀、打卡，甜品品質就會稍微忽略，但煙花溫度嘅甜品品質非常高，係食咗唔會令人後悔嘅味道，而且價錢平唔貴，完全唔會有負擔。
- 呢到每個場景同角落，都令煙花溫度成為海雲台附近非常有名咖啡廳之一。
海雲台咖啡廳：煙花溫度位置
- 地址：부산 해운대구 우동1로38번길 15-1 2F
- 小Tips：釜山地鐵2號線海雲台站（해운대역）4號出口出嚟，望右邊會見到可行走空地，穿越之後直到大馬路，喺大馬路口轉加，注意ˊ左手邊就係煙花溫度。
海雲台咖啡廳：煙花溫度介紹
同樣位於海雲台後面嘅「海理團路」，特色建築風格，只係經過都令人忍唔住多望幾眼。穿越時空而起嘅洋房，感覺入面有好多故事。
店名「煙花溫度」嘅由來，原本意思係老闆媽媽韓文名意義「軟化」，比人一種溫暖感覺，促使老闆將同音字「煙花」配入建築風格同店名，聽落去都感覺溫暖同動人。
上到二樓，令人更期待海雲台咖啡廳「煙花溫度」情景。
入到嚟好似被時間遺忘嘅一個空間咁，「煙花溫度」仍停留喺當初開化期美麗光景，牆紙、吊燈、木質家具同擺設，好似電影場景一樣咁令人留戀。
最令小編鍾意呢到嘅原因就係呢種可以向外推出去嘅斜窗。
以往只有喺酒店或者電影中先見到嘅窗戶，無諗過呢到都可以見得到，喺呢到一家影到好多呃Like相。
每個角落都可以感覺到老闆嘅用心，調低亮度、放淡對比，隨便影都可以影出靚相。
而且唔單止咁，天氣好嘅時候，小編推薦大家一定要去海雲台「煙花溫度」嘅陽台。
面對住陽台，呼吸住隱約傳來嘅海風，好難想像呢到就係釜山最多人去嘅海雲台一帶，
美麗小區就好似令時間凝結，變成一幅圖畫。
小編唔太怕凍！點咗一份紅豆冰（₩7,000）、Tiramisu（₩6,500）同Latte。
擺喺檯到影就令人有種自己係開化期有錢人嘅感覺。
小編真心幾推薦紅豆冰，Latte味道都好香濃。
Tiramisu口感綿密又厚實，整體嚟講甜品都係超乎原本期待值。
水果甜品都係非常壯觀咁擺滿一盤，新鮮嘅士多啤梨真係令人流哂口水。
小編好鍾意呢種風格，坐喺窗台前面一邊食坐甜品、喝杯咖啡，再加本書扮吓文青XD。
而且呢到嘅甜品睇落去好精緻，但其實一啲都唔貴，大部分都係₩6,500左右。
Menu部分因為有英文，小編就唔翻譯啦。
海雲台咖啡廳「煙花溫度」嘅探訪，係唔係令到大家都有啲心動呢？去海雲台嚟啲不一樣嘅行程啦，到當地熱門海理團路行吓，享受寫意嘅午後啦。
點先可以享有海雲台咖啡廳：煙花溫度9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係釜山海雲台咖啡廳「煙花溫度」嘅介紹， 有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com