景福宮西村攻略
大公開！景福宮西村散步、旅遊攻略，唔好再喺景福宮、北村三清洞人逼人啦！
Hello，大家好，我哋係由韓國人話你知每日最新韓國資訊嘅Creatrip。
＃景福宮＃西村
＃景福宮西村＃景點
＃美食＃推薦＃2019
喺景福宮入面著韓服，想喺宮殿前面影相，但係成日都好多人，可以點好？
嚟景福宮西面嘅「西村」行下啦～呢一條夠晒地道嘅西村巷仔，
有唔少令人好難忘嘅商店同美食，一定可以令你嘅景福宮行程更豐富。
✨馬上Follow我哋IG
instagram.com/creatrip.hk
景福宮西村推薦：1. 景福宮（경복궁）
- 地址：서울 종로구 사직로 161
- 公休：每週二固定公休
景福宮喺1394年建成，係韓國五大宮殿入面規模最大嘅。
佢嘅位置偏北，所以又被稱為北闕。
不過，喺壬辰倭亂期間，景福宮因戰亂被破壞。
一直去到朝鮮高宗即位，先下令重建番景福宮。
可惜，朝鮮王朝嘅戰亂，同埋日本殖民時期嘅強拆，令景福宮嘅傳統樣貌再次受到破壞。
一直去到韓國重新獨立，拆咗日本朝鮮總督府，重建番光化門、修復景福宮，先至形成咗今時今日嘅面貌。
無論四季定日夜，都係好好嘅觀光地點。
每年，景福宮仲會定期開放畀市民夜晚入宮參觀，等觀光客同韓國當地人都可以見到景福宮嘅另一種面貌。
景福宮西村推薦：2. 西村（서촌）
西村顧名思義，就係位於景福宮的嘅西面。
呢度除咗舊時代嘅巷仔景觀，仲多咗好多新式嘅鋪頭。
喺地鐵景福宮站2號、3號出口一出嚟，一直向前行就係景福宮西村嘅一帶範圍啦！
除咗大家都知嘅銅板市場「通仁市場」之外，景福宮西村周圍其實仲收埋咗好多當地嘅特色鋪頭、Cafe、美食。
下次嚟景福宮都可以嚟番次不一樣嘅行程，唔洗即係去北村、三清洞啦～
景福宮西村推薦：3. 紀念品店
景福宮西村紀念品店：Little Tempo（리틀템포）
- 地址：서울 종로구 누하동 19
- 時間：平日13:00至19:00；週末12:00至19:00；週一公休
想買啲特別嘅紀念品？
咁就唔好錯過景福宮西村嘅「Little Tempo」，入面有好多文青、女仔都鍾意嘅設計商品，
而且幾乎都係一般韓國文具店搵唔到嘅款式，嚟呢度睇下啦！
景福宮西村紀念品店：住在松坡的熙（송파에사는희）
- 地址：서울 종로구 필운대로 49-8
- 時間：10:30至21:00
景福宮西村周邊嘅巷仔入面，有好多手工藝鋪頭，「住在松坡的熙」嘅布袋、銀包、頸巾、飾品同髮帶等等，都係老闆手工製作。
想搵啲特別同埋有人情味嘅紀念品，就唔可以錯過呢度啦！
景福宮西村推薦：4. 打卡景點
景福宮西村打卡景點：玉仁遊戲間（옥인오락실）
- 地址：서울 종로구 옥인길 28
景福宮西村呢度仲有一間復古嘅遊戲間「玉仁遊戲間」，完整咁保存咗二、三十年前流行嘅機鋪氣氛，
好似去番大家爸爸、媽媽嘅年代咁，好適合喺呢度玩啲小遊戲、影一啲打卡靚相。
景福宮西村打卡景點：通仁市場（통인시장）
- 地址：서울 종로구 옥인길 28
- 時間：平日11:00至15:00；週末假日11:00至16:00；每週週一、第三週週日公休
原本因為都市發展，一度沒落嘅景福宮西村「通仁市場」，
喺幾年前開始咗「銅板便當」之後，又有綜藝節目嚟呢度取景，開始愈嚟愈多人流。
而家仲成為咗景福宮週邊嘅人氣景點之一。
用₩5,000買一個飯盒、10個銅板錢，就可以去通仁市場嘅攤檔到，搵一啲可以用銅錢交易買嘢食嘅攤檔，用超平嘅價錢食餐飽，真係好抵。
景福宮西村打卡景點：石坡亭（석파정）
- 地址：서울 종로구 창의문로11길 4-1
「石坡亭」係位於首爾同京畿道嘅交界，但都算係西村嘅範圍入面。
如果想去首爾觀光宮殿而外、冇咩觀光客，但又想去充滿古舊氣氛嘅地邊嘅旅客，就可以嚟「石坡亭」。
呢度呢度唔單止可以見到傳統嘅韓屋，仲可以欣賞呢度嘅自然風景。
如果想行晒成個西村，就一定唔可以錯過呢度。
景福宮西村打卡景點：清雲公園（청운공원）
- 地址：서울 종로구 창의문로 119
基本上，呢度只有韓國人會嚟，所以唔會有好多觀光客一齊逼，好似去咗一個仙境一樣。
夜晚呢度仲有好靚嘅燈光，由公園嘅起點去到彰義門，照咗成個城郭。
不論係日頭定係夜晚，都好啱沿住城郭慢慢行，沿途仲可以睇到首爾嘅美景。
喺韓劇《我叫金三順》入面，三順同玄斌約會嘅一幕就係喺呢度拍㗎啦！
景福宮西村推薦：5. 西村美食
景福宮西村美食：羅州牛骨湯（나주곰탕）
- 地址：서울 종로구 자하문로2길 8
- 時間：13:00至20:00
「羅州牛骨湯」藏身喺熱鬧嘅景福宮西村入面，係可以真正食到韓國鄉土飲食「牛骨湯」嘅地方
味道同一般嘅牛骨湯唔同，呢度嘅牛骨湯飲落好清爽，一定要試下啊！
推薦大家嚟食景福宮西村美食「羅州牛骨湯」嘅時候，
可以叫多個綜合煎餅，有菇、櫛瓜、煎肉餅、辣椒同芝麻葉煎餅等等，有好多款，仲要好好味添。
見唔見到呢隻大鮑魚啊？因為實在太大隻，小編仲用鉸剪將佢剪成易入口嘅大細。
一啖食咗可以即刻感受到鮑魚好新鮮，口感好好，完全冇腥味，下次都嚟試下啦！
景福宮西村美食：馬山辣燉安康魚（마산아구찜）
- 地址：서울 종로구 자하문로 18-1
- 時間：11:30至22:00
大家有冇食過鮟鱇魚呢？呢間景福宮西村美食「馬山鮟鱇魚」，就喺日月韓服樓下。
睇落好紅好似好辣，但都可以叫唔辣嘅鮟鱇魚，口感非常好，而且份量超多，係小編近期嘅最愛。
店家會先將鮟鱇魚嘅魚骨挑走，送上嚟嘅嘢食都係冇骨嘅，
而且魚皮都好有彈性，食得多其實對身體都好好㗎～
最後一定要食埋個炒飯，所以一定要留番quota，如果唔係會好後悔冇食到㗎！
不過淨係食鮟鱇魚，就已經夠讓人滿足了，沒吃過的朋友，下次一定也要來試試，是讓人難忘的美味唷。
景福宮西村美食：麵疙瘩與大麥飯（수제비와보리밥）
- 地址：서울 종로구 율곡로3길 82
- 時間：11:30至21:00；週日公休
NAVER 喺韓國，麵疙瘩、大麥飯同韓式煎餅係相當大眾化嘅食物，由農業時期就叫做係傳統嘅平民美食。
每當天氣唔好，韓國人成日都會食有熱湯嘅食物或者煎餅。
位於景福宮西村嘅美食「麵疙瘩同大麥飯」，Menu好簡單，只有幾種選擇，
但乾淨嘅擺盤同味道，就吸引咗無數韓國人嚟食飯啦～
呢間咁經典嘅西村美食店，下次係咪都應該試下呢？
婆婆用心整嘅麵疙瘩，唔會太鹹又唔會辣，
清爽嘅湯頭畀大家可以食到食材最真實嘅味道，
份量啱啱好，唔會好多又唔會膩，啱晒想食番餐健康食物嘅咁多位啦！
景福宮西村美食：自然草葉（자연풀잎）
- 地址：서울 종로구 자하문로2길 17-4
- 時間：11:00至00:00
普遍都係食傳統韓國料理嘅景福宮西村，有一間好值得推薦嘅燒肉店，就喺In Korea韓服對面嘅巷入面。
呢間西村美食「自然草葉」係大家食過一次絕對會好難忘，好想再食嘅燒肉店。
同一般嘅韓國豬肉唔一樣，景福宮西村美食「自然草葉」嘅黑豬飼育過程好乾淨、健康，
即使唔燒到好熟都可以直接食，但小編更鍾意將佢燒到燶燶哋嘅口感。
豬肉食多咗會有種油膩感，但「自然草葉」嘅伊比利亞豬肉食起嚟有種獨特嘅香味，完全冇腥味；
煙燻五花肉嘅煙燻香、夠晒腍嘅肉質令人非常難忘。
景福宮西村美食：黃漆家（황칠가）
- 地址：서울 종로구 자하문로 10
- 時間：10:00至22:00
傳說中秦始皇搵嘅長生藥就係黃漆，
但到咗現代，黃漆其實只係促進血液循環、營養均衡嘅滋補良藥，
同時非常適合想要補身、又食美食嘅朋友。
景福宮西村美食「黃漆家」主打健康補身嘅韓國美食，
除咗燉煮嘅湯頭之外，呢度嘅白飯都好好食。
鍾意肉嘅朋友，一定要嚟呢間試下，
呢度嘅牛肉好有嚼勁，而且湯頭夠香濃，用好多中藥、蔬菜一齊煮而發出嘅香味，實在令人難以抗拒。
景福宮西村推薦：5. 西村咖啡廳
景福宮西村咖啡廳：Astarte & Relax（아스타르테 앤 릴렉스）
 |  |
景福宮西村附近有好多Cafe，其中，Astarte & relax嘅甜品喺韓國人之間好出名。
呢間Cafe好有質感嘅裝修喺西村街頭夠晒特別。
好多款唔同嘅蛋糕，淨係睇就令人選擇困難症發作。
景福宮西村街頭散步之後，不妨嚟呢度坐下，揀個好食嘅蛋糕，享受美好嘅悠閒時光啦。
景福宮西村咖啡廳：首爾咖啡商會（서울커피상회）
西村嘅Cafe入面，「首爾咖啡商會」都非常出名，外觀雖然唔起眼，但打開門之後就別有洞天。
呢度係行廢墟風，石屎牆配埋特別嘅裝飾，同埋精緻嘅甜點，完全係SNS上面打卡、影相嘅好地方。
同啱啱介紹過嘅西村Cafe風格好唔同，大家可以揀番自己鍾意嘅風格去打卡啦～
INSTAGRAM：seoul_coffee_store
以上係超詳細嘅景福宮西村攻略，有景點、紀念品、美食、Cafe等等，一定可以畀咁多位嚟景福宮個陣，可以有一次唔一樣嘅旅程。
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 景福宮美食整理 |  首爾歐爸人力車 |
 廣藏市場探訪記 |  弘大烤肉吃到飽 |
 景福宮藍瓶咖啡 |  樂天超市探訪記 |
