Hello，大家好，我哋係由韓國人每日提供最新韓國旅行資訊嘅Creatrip。 

首爾有好多傳統市場，每個都各有特色，當中小編最印象深刻應該就係「通仁市場」，因為呢度係用銅錢拎住便當買嘢食，好食又好玩！價錢平得嚟CP值相當高！

通仁市場簡介

• 地址：서울 종로구 자하문로15길 18
• 營業時間：市場 07:00 - 21:00 、銅錢便當咖啡廳 11:00 - 17:00（市場每個月第3個星期日休息、 銅錢便當咖啡廳 逢星期一休息）

通仁市場介紹

通仁市場就係喺景福宮附近，近地鐵站同巴士站，要去好方便。不過最初因為都市發展一直沒落，係靠「銅錢便當」購買方式，吸引大量人流，甚至綜藝節目都嚟取景恢復生機。

通仁市場規模唔算好大，由頭到尾大約5-10分鐘就行得哂。不過呢段時間，已經見到唔少鋪頭有賣新鮮生果、蔬菜等，同時仲有好多人都拎住便當盒揀嘢食。

喺通仁市場入面有個「通仁市場顧客滿足中心」（통인시장 고객 만족 센터）喺2樓，大家就可以喺度買便當盒同銅錢。

中心1樓有儲物櫃，如果大家拎住太多行李，都可以喺度租用，價錢係￦500，相當平。

上到去大家就可以至少要買10個銅錢（一個￦500），呢度可以用信用卡或者現金俾錢。不過如果大家覺得唔夠，大家可以直接喺鋪頭用現金買。 

另一個角落仲有賣紀念品，由細至中，價錢大約係￦6,500~￦16,000，如果買哂成set係￦39,000。

如果買齊所有嘢食，之後大家仲可以喺度食飯，檯櫈擺放得好整齊，俾人一種好乾淨嘅感覺。

只係食覺得唔夠，買啲嘢飲呢度都有，價錢平到你唔信！熱美式咖啡都只係￦1,500，凍嘅就係￦2,000。

準備好之後，而家就等小編帶大家睇吓有咩好食啦！

想知有邊啲鋪頭可以用到銅錢換食物，只要留意有冇好似上圖寫住「도시락카페」嘅牌就可以啦！

同韓國其他傳統市場一樣，呢度有好多雜貨店同蔬菜、生果檔。

基本上，一啲小菜都係都2個銅錢，價錢平得嚟又可以食到唔同餸，最重要係仲會食得飽！

1. 元祖奶奶辣炒年糕（원조할머니 떡볶이）

• 地址：서울 종로구 자하문로15길 13
• 營業時間：08:00 - 20:00（每月第三個星期日休息）

相信大家都有聽過去通仁市場，一定要去呢間元祖奶奶辣炒年糕，因為佢超出名，同時仲有好多韓星去過，平時出面食辣炒年糕都要￦4,000，但呢度只係需要￦2,000。

同時佢哋會將年糕再煎，外脆內軟好煙韌，超好味！

2. 元祖鄭奶奶辣炒年糕（원조정할머니 떡볶이）

• 地址：서울 종로구 자하문로15길 18
• 營業時間：07:00 - 20:30

再行少少就會再搵到一間都係食年糕，呢間同樣都係超出名，不過唔同嘅係佢用油炒。

呢度超多節目都有嚟取景，可想言知佢幾咁受歡迎！

一樣都係外脆內軟好煙韌，令人一試難忘嘅味道！

3. 長今家紫菜包飯（정금이네김밥）

• 地址：서울 종로구 필운대로6길 7
• 營業時間：07:30 - 21:00

呢間長今家紫菜包飯有賣好多小食，價錢都係￦1,000~￦2,000左右。

4. 中央全州小菜（중앙전주반찬）

• 地址：서울 종로구 자하문로15길 18
• 營業時間：08:00 - 19:00（逢星期一休息）

呢間鋪頭主要係賣小菜同幾款主菜，價錢大約係￦2,000。

5. 通仁草綠（통인초록）

• 地址：서울 종로구 자하문로15길 18

如果嚟旅行，韓國一直都唔多菜食，咁就要嚟呢間通仁草綠啦！

老闆會將各種蔬菜整成捲，超有營養！

除咗以上美食之外，仲有雪糕甜品等，去之推薦大家一定要留定肚。 

最後小編揀完都只係用咗￦8,000，份量比想像中多，絕對會食得飽！

如果大家覺得唔夠熱，呢度仲有微波爐俾大家叮！

食唔哂大家仲要去返一開始嘅通仁市場顧客滿足中心2樓拎袋帶走。

點樣去通仁市場？

大家可以搭地鐵坐3號線去到景福宮站落車，之後喺2號出口直行大約10分鐘，就會去到通仁市場。 

通仁市場附近其他體驗活動

1. 租韓服

2. 去Cafe

3. 照相館

4. 其他活動

以上係2022年通仁市場嘅介紹，希望可以幫到大家啦！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購