弘大Cafe | Perlen Yeonnam
咖啡居然有威士忌味？超特別咖啡+甜品、環境仲勁啱打卡！
Hello，大家好，我哋係由韓國人每日提供最新韓國旅行資訊嘅Creatrip。
韓國真係有好多靚Cafe，嚟旅行當然最少要去返一兩間打卡啦！早排小編去咗一間位於弘大嘅Cafe，呢度居然有賣Whisky咖啡？！跟住小編一齊去睇吓啦！
甜品OMAKASE你又食過未？😋
弘大「Perlen Yeonnam」資訊
- 地址：서울 마포구 성미산로22길 18
- 營業時間：11:00 - 22:00（Last Order 21:30）
- 語言：韓文、英文
弘大「Perlen Yeonnam」推薦原因
- 提供素食Menu，而且無論係甜品定咖啡都可以食到食材天然滋味，受一眾注重健康人士愛戴！
- 裝修好有文青氣息，打卡一流！
- 招牌Menu係威士忌咖啡，喺其他地方好難飲到，超特別！
- 位於弘大延南洞，係最近韓國必去景點之一！
- Download埋我哋coupon仲可以享有9折優惠！
弘大「Perlen Yeonnam」價錢
Menu | 價錢 | 簡介 |
Perlen鮮奶咖啡 펠른 라떼 | ₩6,500 （轉威士忌忌廉+₩500） | 鮮奶咖啡配香甜忌廉 |
威士忌冰滴咖啡（不含酒精） 위스키더치 | ₩8,500 | 將Perlen經典冰滴咖啡放入橡木桶熟成，威士忌香味濃郁 ※不含威士忌 |
威士忌冰滴咖啡（不含酒精、500ml樽裝） 위스키더치 보틀 (500ml) | ₩42,000 （禮盒 + ₩3,000） | 帶橡木香同黑朱古力甜味嘅招牌冰滴咖啡 ※不含威士忌 |
威士忌冰滴氣泡咖啡（不含酒精） 위스키더치 슬링 | ₩8,000 | 威士忌冰滴咖啡加洛神花&佛手柑梳打 ※不含威士忌 |
威士忌冰滴鮮奶咖啡（不含酒精） 위스키더치 밀크 | ₩8,500 | 威士忌冰滴咖啡加特調鮮奶，口感順滑帶肉桂味 ※不含威士忌 |
Hibi Rose (ICE ONLY) 히비 로즈 | ₩7,500 | 以洋甘菊、玫瑰果、洛神花調配而成嘅花草茶 |
栗子鮮奶 마롱라떼 | ₩8,000 | 香濃鮮奶加上甘甜栗子（冬季限定） |
Valrhona朱古力鮮奶 발로나 초콜릿 라떼 | ₩8,500 | 選用Valrhona黑朱古力製成，味道濃郁香甜 |
濃縮咖啡 에스프레소 | ₩4,000 | 招牌濃縮咖啡，可以揀帶野莓酸味或者帶朱古力甜味嘅咖啡豆 |
Espresso Con Panna 에스프레스 콘판나 | ₩4,500 | 濃縮咖啡加香甜忌廉 |
Espresso Romano 에스프레소 로마노 | ₩4,500 | 青檸濃縮咖啡 |
美式咖啡 아메리카노 | ₩5,500 | 招牌美式咖啡，可以揀帶野莓酸味或者帶朱古力甜味嘅咖啡豆 |
Flat White鮮奶咖啡 플랫 화이트 | ₩6,000 | Perlen Yeonnam招牌鮮奶咖啡（素食） |
Perlen Bar（紅桑子） 펠른 바 (라즈베리) | ₩9,500 | 選用開心果、紅桑子同大黃等食材製作而成 |
Perlen Bar（焦糖雲呢拿） 펠른바 (바닐라 델리스) | ₩9,500 | 用雲呢拿同焦糖慕斯製成嘅甜品 |
Perlen Bar（法式栗子蒙布朗） 펠른 바 (몽블랑) | ₩9,500 | 以栗子忌廉為主，配合榛子慕斯同意大利軟芝士慕斯製作而成嘅法式栗子甜品 |
Perlen Bites 펠른바이츠 | ₩4,200 | 外脆內煙韌，加上多款配料嘅特製點心 （原味/朱古力味/檸檬味/香橙杏仁味） |
※2023年12月價錢
弘大「Perlen Yeonnam」優惠及注意事項
- 出示優惠券即可享全單9折優惠。
- 本優惠券只限於Perlen Yeonnam使用。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
弘大「Perlen Yeonnam」介紹
小編今日嚟到位於弘大延南洞嘅「Perlen Yeonnam」，同平時我哋去開嘅弘大唔同，呢度附近環境比較靜，而且感覺比較新潮！
餐廳裝修以白色同木為主調，俾人一種現代又文青嘅打卡一流！
呢度嘅招牌飲品係威士忌冰滴咖啡，雖然入面一滴酒都冇，但係居然可以飲到威士忌味！喺其他地方好少有，嚟到一定要試！
威士忌冰滴咖啡
威士忌冰滴咖啡係將Perlen經典冰滴咖啡放入橡木桶熟成，咖啡味同威士忌香味都非常濃郁！咖啡仲係用威士忌杯+冰咁上，真係好似飲緊威士忌咁，勁特別！
威士忌冰滴鮮奶咖啡
威士忌冰滴鮮奶咖啡係會將威士忌冰滴咖啡整成冰，然後配一細壺特調鮮奶，將佢倒落杯入面飲就得，口感順滑帶肉桂味！而且因為成個plating好靚，好啱影相打卡！
威士忌冰滴氣泡咖啡
呢款飲品係威士忌冰滴咖啡加洛神花&佛手柑梳打，所以會帶少少紅色！如果大家平時鍾意洛神花，小編推薦大家可以飲佢！
Valrhona朱古力鮮奶（左）
栗子鮮奶（右）
呢兩款飲品睇落好似，不過左邊嗰杯係朱古力鮮奶，因為係用Valrhona黑朱古力整成，所以味道超濃！而右邊就係冬季限定嘅栗子鮮奶，鍾意飲甜嘢嘅朋友們一定會鍾意！
「Perlen Yeonnam」嘅嘢食同飲品全部都顏值好高，放埋一齊影真係好靚，好啱用嚟po IG~
Hibi Rose
呢款Hibi Rose分成2層，漸層超靚！飲之前記住要攪勻，洛神花+玫瑰果嘅組合好清新！
Espresso Romano
「Perlen Yeonnam」會自家調配咖啡豆，大家可以揀帶野莓酸味或者帶朱古力甜味嘅咖啡豆！上面呢款Espresso Romano係濃縮咖啡加青檸，聽落好奇怪，不過味道比想像中夾，好特別！
「Perlen Yeonnam」嘅招牌甜品叫做Perlen Bar，其實就係長條形嘅蛋糕，影落感覺夠高級！呢度menu會定期轉，今次小編去嘅時候有焦糖雲呢拿味、法式栗子蒙布朗味同紅桑子味！
焦糖雲呢拿味顧名思義，就係焦糖+雲呢拿味，兩隻味都好出好濃，鍾意食甜嘢嘅朋友們一定會鍾意！
法式栗子蒙布朗令人聯想起秋冬天，而且真係有一粒栗子喺上面！栗子味同堅果味好夾，配埋咖啡真係一流！
紅桑子味Perlen Bar選用開心果、紅桑子同大黃等食材製成，推薦俾鍾意食開心果嘅朋友們~
Perlen Bites（前）、美式咖啡（後）
Perlen Bites係一款外脆內軟嘅點心仔，分別有原味、朱古力味、檸檬味同香橙杏仁味，全部都同咖啡好夾！
威士忌冰滴咖啡（500ml樽裝）
如果大家覺得好飲，大家可以買一支冰滴咖啡返屋企，自己加冰飲就得！
另外呢度仲有週邊商品賣，大家可以買返去做手信！想影相打卡，同時飲超特別嘅威士忌咖啡，推薦大家去延南洞「Perlen Yeonnam」！Download埋我哋嘅coupon仲可以享有飲品9折優惠，千祈唔好錯過啦！
弘大「Perlen Yeonnam」前往方法
喺弘大入口站（홍대입구역）3號出口出。
直行。
經過2個街口。
喺第三個街口轉左。
直行。
轉入右邊小路。
直行。
過馬路。
然後靠右行入去。
直行。
過馬路。
繼續直行。
去到上圖位置轉左。
直行。
Cafe會喺你嘅右邊。
咁就去到弘大「Perlen」啦！
點先可以享有弘大「Perlen Yeonnam」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係弘大「Perlen Yeonnam」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
