人生四格Pose教學
每次影相最煩就係諗點擺pose？想之後影到靚相就一定要參考呢篇啦！
Hello，大家好，我哋係由韓國人每日提供最新韓國旅行資訊嘅Creatrip。
喺呢幾年韓國真係好流行影人生四格，因為想留住當下嘅美好回憶，感覺就有啲似係以前中學時代會影嘅貼紙相，不過大家會唔會都有一個煩惱，就係每一次影相之前都要諗擺咩Pose呢？
今日小編就想教大家幾個擺pose教學，下次同朋友或者另一半影嘅時候，就唔使再慌失失啦！
人生四格pose教學
1. 擺心心Pose
충청도민일보
小編覺得呢個動作無論係情侶定係朋友都可以做，由細細個心開始，再慢慢變大，簡單得嚟又夠溫馨。
2. 新芽Pose
충청도민일보
由一開始只見到額頭，慢慢變咗半個頭，再影一張正面，最後嚟一個可愛pose，相當之盞鬼。
3. 樓梯Pose
충청도민일보
由高至低，再由低至高，唔需要怕每一次都係自己做大頭，唔再係齋企喺度咁無聊！
4. 雙胞胎Pose
충청도민일보
有時唔知擺咩Pose，咁不如就同朋友嚟一個雙胞胎動作，一模一樣最Perfect！
5. 集中Pose
캐논코리아
如果係兩個人去影嘅話，都可以影呢一個「集中Pose」，每個人都有兩次機會做主角，幾特別。
6. 錫錫Pose
캐논코리아
如果係情侶亦都可以參考吓呢一個pose，女朋友先自己影一幅單人照，之後男朋友再慢慢接近，最後就再錫女朋友一啖，相當之浪漫，好似講緊一個故仔咁。
另外再俾大家參考吓韓星都鍾意點影啦，下次就唔使煩點諗Pose啦！
張基龍&惠利
情侶除咗錫錫Pose之外，面貼面咁影一樣都係好sweet，唔知柳俊烈睇到呢張相會唔會呷醋呢？
ITZY 留真&禮志
除咗一齊同框影之外，大家分開各自影，之後再合體呢個影法都好唔錯。另外如果同閨蜜一齊影，攬攬pose、面貼面一樣都好靚。
SEVENTEEN Dino&勝寛
聽講呢張人生四格，係Dino&勝寛去梨泰院時影嘅，除咗可愛pose之外，大家同朋友去影想搞鬼啲，可以好似最後一張扮嬲咁打朋友，相當有趣。
Oh My Girl Binnie & DIA 豫彬
你指吓我、我指吓你，呢一種盞鬼動作都幾唔錯！
MAMAMOO
呢種大型版嘅人生四格，4個人影都夠闊落，同好朋友痴埋一齊，開開心心咁影返張紀錄美好時光。
WINNER 秦禹
ASTRO 銀優
如果大家有勇氣，都可以好似WINNER秦禹 同 ASTRO 銀優咁去自拍。
隨住越嚟越多人都鍾意影人生四格，除咗單純咁影之外，唔少舖頭都會提供頭飾俾大家打扮。
甚至有啲地方仲會提供埋直髮夾，俾大家再次整理儀容，相當之貼心。
希望大家下次嚟韓國同朋友都可以影得開心，唔需要再為諗pose而煩惱啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
