[MBTI旅行特輯] S/N型人格特徵&推薦行程
天馬行空嘅「N型人格」同現實嘅「S型人格」到底嚟韓國有咩啱玩呢？
Hello，大家好，我哋係由韓國人每日提供最新韓國旅行資訊嘅Creatrip。
上次講解完E/I型人格之後，今日就想同大家講解吓S/N型人格，好多人都話N型人格係靠直覺，成日諗嘢都係天馬行空，而S型人格就現實啲，如果係咁嘅話到底點樣嘅行程會適合呢兩種人格嘅朋友呢？等小編俾啲意見大家參考啦！
到底咩係MBTI？
MBTI係一款由Katherine Cook Briggs同Isabel Briggs Myers開發嘅自我報告調查表，主要圍繞4個方面分析你嘅個人性格。每一個範疇都有兩種類型（總共8個英文字母），最後MBTI得出嚟嘅結果會由4個英文字母組成。
上面呢兩張圖係「S」型人格同「N」型人格嘅主要特徵，大家又覺得準唔準呢？
原來MBTI同旅行Type有關？
N型人格推薦行程
1. 亂打秀
「亂打秀」演出超過20年，吸引超過1,500萬位觀眾，係韓國最有代表性表演之一！因為好少台詞，所以就算唔識韓文，都一定可以睇得盡興！加上佢夠哂天馬行空，而且劇情發展令觀眾可以加添唔少想像力，最適合N型人格嘅朋友去睇！
2. The Painters新塗鴉秀
如果已經睇過亂打秀，不如就去睇「新塗鴉秀」啦！「新塗鴉秀」喺2023年推出第二季，同樣地唔識韓文都可以盡情觀賞！演員們會用body language就可以引起觀眾共鳴，投入其中！
3. 租借韓服體驗
N型嘅朋友們有冇想像過古代到底係點呢？不如親身著返套韓服去韓國古代宮殿行返轉啦！
4. 去汗蒸幕
相信有睇開韓劇或者電影嘅朋友們都曾經睇過劇中角色去汗蒸幕嘅場景！大家嚟韓國一定唔可以錯過呢個體驗，再用毛巾整羊咩咩頭，完全就係韓劇男/女主角！
5. 韓國偶像K-POP舞蹈班
各位迷弟/迷妹，會唔會都想試吓體驗做偶像嘅感覺呢？嚟學跳舞仲可以識到一班志同道合嘅朋友！
S型人格推薦行程
1. 去韓國人氣餐廳
難得嚟韓國旅行當然要食盡佢！但係而家好多韓國餐廳都轉咗做預約制，walk-in嘅話可能要等好耐，甚至未必可以成功食到...呢個時候唔識韓文，或者冇韓國電話號碼，有時候都幾難book到。為咗幫S型嘅朋友們解決呢個煩惱，我哋Creatrip決定推出餐廳預約服務，幫大家事先預約好想去嘅餐廳，令大家可以享受韓國旅行每一刻！
2. 個人色彩診斷
鍾意化妝同打扮嘅你想知道自己最襯咩色，做個人色彩檢測就唔洗再估估吓！
3. 去影證件相
相信大家都知韓國出名影證件相靚，因為佢哋P圖技巧高，就算曬完出嚟都唔洗再左遮右遮！
4. K-pop Studio錄音體驗
鍾意唱歌嘅朋友會唔會想展現一吓歌喉，親身體驗成為Kpop歌手嘅感覺呢？喺錄音室入面大家可以盡情唱，盡情展現你嘅才華！
5. 韓式美髮體驗
Kpop嘅魅力間接帶旺埋韓國美容/髮型屋，既然有機會嚟韓國旅行，點解唔試吓去剪返個韓仔/韓妹髮型呢？
希望以上小編整理嘅活動都可以幫到S型同N型嘅朋友plan行程！嚟緊我哋會再逐一分析其他人格，大家記住要mark實啦~
如果有更多想知嘅內容，都可以隨時留言或者dm話俾我哋知：）
Instagram：creatrip.hk
