弘大Personal Colour | COLOR OF YOU 個人色彩診斷
想知道自己Personal Colour係咩？提供專業中英文翻譯服務，個人色彩診斷冇難度！
Hello，大家好，我哋係由韓國人每日提供最新韓國旅行資訊嘅Creatrip。
韓國呢幾年非常流行一個叫「Personal Colour（個人色彩）」嘅概念，目的係要搵出同我哋膚色最夾嘅顏色，然後透過改變自己衣著、化妝品、髮色等等去令成個人睇落更加亮麗動人！不過一直以嚟呢個服務都得韓文，而家終於俾我哋搵到一間有提供其他語言服務嘅Personal Colour中心，有興趣就一定要mark實啦！
弘大「COLOR OF YOU」資訊
- 地址：서울 마포구 동교로209 3F
- 營業時間：11:00 - 21:00
- 可預約時間：10:00 / 11:30 / 14:00 / 15:20 / 17:00
- 體驗所需時間：約2小時
- 語言：韓文、英文、中文、日文
弘大「COLOR OF YOU」推薦原因
- 搵出同自己最夾嘅顔色，令成個人睇落更加精神！
- 專家仲會推薦啱你嘅化妝品，大家只要跟住買就可以化到最襯自己嘅妝！
- 提供中/英/日文翻譯服務，唔需要怕聽唔明！
- 位於弘大入口站附近，地理位置夠曬方便！
弘大「COLOR OF YOU」價錢
| 1:1 Personal Colour診斷（60分鐘） | ₩175,000 （HKD 1,028.9） |
1:2 Personal Colour診斷（80分鐘） | ₩320,000 （HKD 1,881.42） |
1:3 Personal Colour診斷（100分鐘） | ₩450,000 （HKD 2,645.74） |
1:1 Personal Styling諮詢（60分鐘） | ₩235,000 （HKD 1,381.67） |
1:2 Personal Styling諮詢（90分鐘） | ₩415,000 （HKD 2,439.96） |
1:1 Personal Colour + Personal Styling諮詢（90分鐘） | ₩360,000 （HKD 2,116.59） |
1:2 Personal Colour + Personal Styling諮詢（120分鐘） | ₩630,000 （HKD 3,704.04） |
※以上所有選項均提供中/英/日文翻譯服務，上述價錢包括翻譯費用。
弘大「COLOR OF YOU」退款政策
| 預約後至體驗3日前取消 | 全額退款 |
| 體驗2日前或其後取消 | 不設退款 |
弘大「COLOR OF YOU」注意事項
- 請最少喺3日前完成預約。
- 體驗內容包括：
Personal Colour診斷 翻譯、膚色及色調診斷、髮色推薦、化妝品推薦、飾品推薦 Personal Styling諮詢 翻譯、個人穿搭、版型與體型分析 - 體驗大約需要1~2小時。
- 請準確輸入所有相關資訊。
- 為得出更準確結果，體驗當日請唔好化妝或者戴有色隱形眼鏡，如果化咗妝嘅話需要喺開始前卸妝。
- 如非參加體驗，隨行人士（家人、朋友等）唔可以一齊入去聽。
- 建議大家可以帶自己平時用開嘅化妝品，到時候專家會幫你睇適唔適合你。
- 如果會進行Personal Styling諮詢，建議著低領/開領上身衫，同時避免著Leggings或牛仔褲。
- 如遲到15分鐘或以上，預約將自動取消，費用亦不設退還。
- 如果想更改預約，或有任何疑問，請send email到help@creatrip.com查詢。
弘大「COLOR OF YOU」預約流程
| STEP 1. | 撳我預約 |
| STEP 2. | 請詳細輸入所有相關資訊， 我哋會喺2個工作天內確認預約， 到時候會再次通知你預約到嘅時段。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
弘大「COLOR OF YOU」介紹
韓國Personal Colour測試大部分都得韓文服務，大家就算嚟到旅行都未必可以做到。不過今次終於俾我哋搵到一間有齊中文同英文翻譯服務嘅Personal Colour診斷中心 —— 「COLOR OF YOU」，距離弘大入口站都只係5分鐘！
入到去show個預約記錄俾職員睇之後，佢哋就會帶你入諮詢室填問卷，內容主要圍繞住大家平時鍾意咩顔色，或者通常會用咩顔色嘅化妝品等等。由呢個moment開始就會有翻譯人員幫手，所以大家唔洗擔心會出現任何睇唔明或者講唔清嘅問題！
房入面擺滿測試嘅時候將會用到嘅布料同12款Personal Colour嘅卡片。
填完問卷之後，專家就會開始解釋咩係Personal Colour啦！
問卷答案寫得越詳細，專家就可以更加有效咁幫大家進行診斷，所以建議大家可以事先查清楚平時自己用開咩色號嘅化妝品~
跟住就正式開始做Personal Colour診斷啦！工作人員會先幫大家用白布遮住頭髮同衫，咁樣測出嚟結果會更加準~
成個流程分成幾個階段，專家會首先幫大家診斷係屬於Warm Tone（暖調）定Cool Tone（冷調），然後再慢慢細分！以小編為例，小編屬於Cool Tone（冷調），專家之後就再幫小編分辨係Summer Cool Tone定Winter Cool Tone，每種Tone仲會分埋係Light、Mute定Bright Tone。聽落好似好複雜，不過專家經驗豐富，好熟手，亦都解釋得好詳細！
根據上面呢幾個步驟，最後專家話小編屬於Summer Cool Mute Tone！小編喺屋企做網上啲test嘅時候一直以為自己係Warm Tone，完全冇諗過會得出呢個結果，果然呢啲測試真係要交俾專家。
專家之後會話俾你知邊幾款顔色最襯你、邊幾款顔色最唔襯你，大家之後就可以根據專家嘅意見去買衫啦！
而一齊去嘅朋友嘅結果同小編完全相反！本身以為皮膚白啲就係Cool Tone、黃啲就係Warm Tone，做完呢個Test之後先發現原來唔係咁。
專家亦都會幫大家睇啱戴咩色嘅飾物，好似小編咁，比起金色或者玫瑰金會適合帶銀色系嘅飾物多啲！
咁樣比較起上嚟又真係銀色比較襯，係唔係好神奇呢？
之後專家就會叫大家show啲平時用開嘅化妝品俾佢睇，然後根據診斷結果推薦更加襯你嘅顔色俾你！專家會再幫你寫份診斷書，入面寫齊曬你嘅Personal Colour、適合你嘅髮色、化妝品色同飾物顔色等等，成個過程有提及到嘅嘢幾乎都有寫低，大家可以返屋企慢慢參考！
專家亦都會俾你睇屬於你嘅Personal Colour類型嘅明星例子同推薦嘅化妝品，大家可以參考呢個list跟住買！
做完Personal Colour之後就會做Personal Styling診斷，專家會根據你嘅頸部長度、肩寬、腰圍、盆骨、腿長等等幫你分析你嘅體型。
同樣喺做之前會先俾大家填份問卷。
專家睇完你填嘅問卷之後會詳細同大家分析，有任何疑問都可以問。
專家會針對唔同部位，例如手、臉型同大家分析，真係令小編大開眼界。
之後專家會再叫大家企喺鏡前面，再幫大家全面分析上身、膝頭等各身體部位。
最後小編被診斷為沙漏型，專家仲會根據體型推薦你著咩衫會襯啲，勁detail！
平時小編著得比較Hiphop風，但專家就推薦小編著恤衫或背心仔同A字裙。
同時仲會講解點解著呢啲好，聽完之後更加可以清楚自己啱咩Style！
相信好多朋友嚟到韓國都會想做Personal Colour測試，不過可能因為語言問題而被逼放棄呢個念頭。如果大家對呢個服務有興趣，不妨可以透過我哋預約「COLOR OF YOU」嘅Personal Colour診斷服務，以後買衫化妝染頭髮都簡單啲啦！
弘大「COLOR OF YOU」前往方法
喺弘大入口站（홍대입구역）2號出口出。
過馬路，然後轉左。
直行。
喺三叉路口轉右。
直行。
見到第一條斑馬線之後過馬路，再向右邊行。
直行。
即刻轉左。
你會見到大廈入口。
上3樓就到「COLOR OF YOU」啦！
以上係弘大「COLOR OF YOU 個人色彩診斷」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com