代訂｜The Painters新塗鴉秀
The Painters新塗鴉秀返嚟啦！超精彩嘅現代藝術表演就算唔識韓文都可以睇得開心！
Hello，大家好，我哋係由韓國人每日提供最新韓國旅行資訊嘅Creatrip。
「The Painters新塗鴉秀」融合即場塗鴉表演、Urban Dance同新媒體藝術，透過創意無限嘅方法呈現藝術作品誕生嘅過程，累積觀看人次超過600萬，成為韓國必睇表演之一！大家下次喺韓國想睇show，不妨可以考慮吓睇「The Painters新塗鴉秀」！
「The Painters新塗鴉秀」資訊
京鄉Art Hill
- 地址：서울시 중구 정동길 3（售票處同劇場都喺1樓）
- 表演時間：每日 17:00、20:00（全長70分鐘）
「The Painters新塗鴉秀」推薦原因
- 「The Painters新塗鴉秀」係世界知名嘅藝術表演「The Painters塗鴉秀」嘅第二季，每年吸引超過100萬個觀眾慕名而來！
- 8位演員會以米開朗基羅、梵高等藝術家嘅名畫為主題進行即場塗鴉表演，再融合新媒體藝術，超精彩！
- 幾乎唔會有任何台詞，所以就算唔識韓文都冇問題，一定可以睇得好投入！
- 劇場附近有好多餐廳同可以行街嘅地方，睇表演前/後都可以周圍行吓！
「The Painters新塗鴉秀」價錢
座位 | 價錢 |
R(Royal)位 | ₩40,000 (40000) |
VIP位 | ₩56,000 (56000) |
「The Painters新塗鴉秀」座位圖
西大門京鄉Art Hill
「The Painters新塗鴉秀」退款政策
| 預約後至體驗3日前取消 | 全額退款 |
| 體驗1日前取消 | 不設退款 |
「The Painters新塗鴉秀」注意事項
- 請最少喺2日前完成預約，你亦可以喺30日前進行預約。
- 體驗3日前取消可以進行全額退款，其後恕不設任何退款。
- 大小同價。
- 本商品為外國人專用門票。
- 本表演適合所有年齡人士，由36個月起需要買飛。
- 可以免費入場嘅36個月以下幼童需要出示護照以作證明，亦需要同成年人坐同一個位。
- 預約後1-2日你會收到一個預約編號，可以喺「我的頁面」或者預約時填寫嘅Email確認。
- 表演開始1小時前可以去到售票處向職員出示預約編號，換領門票。
- 如果唔見咗門票冇得再補發，請好好保管。
- 表演開始30分鐘前可以入場，座位會根據預約順序自動安排。
- 如果遲過開場時間到達，請跟從職員指示前往另一邊嘅遲到座位就座，如果冇位嘅話可能會入唔到場睇表演。
- 除特定時間，表演過程中嚴禁拍攝及錄音。
- 嚴禁帶除咗水以外嘅飲品同食物。
- 如果係因為泊唔到車或者交通問題而睇唔到表演，呢個情況下唔可以申請退款。
- 如果需要更改預約，或有任何疑問，請send email到help@creatrip.com查詢。
「The Painters新塗鴉秀」預約流程
| STEP 1. | 京鄉Art Hill | 撳我買飛 |
| STEP 2. | 請詳細輸入所有相關資訊，我哋會喺1-2個工作天內確認訂單。 |
| STEP 3. | 你可以喺「我的頁面」或者預約時填寫嘅Email確認預約編號。 表演當日請到售票處向職員出示預約編號，換領門票。 |
| STEP 4. | Enjoy！ |
「The Painters新塗鴉秀」介紹
小編雖然住喺首爾，不過之前因為疫情，有好多演唱會、舞台劇同表演等等都被逼取消，所以前幾年都一直冇辦法去欣賞表演，不過今次終於有機會可以去睇大名鼎鼎嘅「The Painters新塗鴉秀」啦！
而家「The Painters新塗鴉秀」總共會喺2個劇場進行表演，小編今次就嚟到距離西大門地鐵站徒步5分鐘路程嘅京鄉Art Hill劇場睇show！本身以為人應該唔多，點知去到開場時間全部位都坐滿曬！
一開場嘅燈光、影片同音樂好似演唱會開場咁，令小編突然超期待！為咗等大家可以自己去睇，親身體驗到嗰份感動，小編今次就唔講太多啦！
呢個show個名叫The Painters「新」塗鴉秀，係以前「The Painters塗鴉秀」嘅第二季，主要演員同上一季唔太一樣！而且唔單止啲畫畫得靚，演員們嘅顔值、身材同舞蹈都好正，成隊男團咁啊~XD
成個表演大約70分鐘左右，每段主題都唔一樣，演員仲會現場隨機揀觀眾互動！
怕唔識韓文溝通唔到？唔係擔心，因為呢個表演係以默劇形式表演，幾乎冇台詞，用body language就可以引起觀眾共鳴，投入其中。
而且呢季嘅表演仲多咗好多新奇嘅科技同環節，加埋音樂襯托，真係視覺同聽覺都勁enjoy~
表演整體編排得好好，完全唔會拖泥帶水，一啲都唔無聊，而且仲令人會好期待到底最後成果係點XD 小編喺首爾住咗咁耐都唔知道有啲咁好睇嘅表演，下次朋友或者屋企人嚟小編一定會帶佢哋再去睇多次，大家有興趣嘅話都快啲買定飛啦！
「The Painters新塗鴉秀」會場前往方法
西大門「京鄉Art Hill」前往方法
喺西大門站（서대문역）5號出口出。
直行，過斑馬線。
繼續直行大約5分鐘。
右前方會見到劇場招牌。
咁就去到「京鄉Art Hill」啦！
The Painters新塗鴉秀（京鄉Art Hill）| 撳我買飛
The Painters新塗鴉秀（NH Art Hall）| 撳我買飛
以上係「The Painters新塗鴉秀」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
