代訂｜K-pop Studio錄音體驗
想喺韓國唱Kpop歌同拍MV？去HEMA STUDIO可以幫到你！另外仲有專業總監教你唱歌小技巧！
Hello，大家好，我哋係由韓國人每日提供最新韓國旅行資訊嘅Creatrip。
平時喺香港唱K想唱韓文歌，但係選擇又唔多？想知自己實力去到邊，可以去HEMA Studio錄音體驗！
「K-pop Studio錄音體驗」資訊
- Studio名：HEMA STUDIO
- 營業時間：平日 10:00 - 20:00
- 地址：서울시 강남구 학동로3길 27 B1
「K-pop Studio錄音體驗」推薦原因
- 可以揀K-pop或者電視劇OST去唱，專家會1對1咁教你，由錄歌到拍MV一次過體驗。
- 翻唱完同拍完片嘅作品會用USB俾你，你可以upload上YouTube或者Instagram同朋友開心share。
- HEMA STUDIO就喺江南區，搭地鐵或巴士就好易去到。
- 呢度嘅負責人曾經幫過歌手出片，質素絕對有保證。
- 呢度設備齊全，加上有專家幫大家，想短時間內提高唱歌技巧嚟呢度就搞掂！
「K-pop Studio錄音體驗」價錢
K-pop&韓劇OST錄音 （約2小時，最多可以4人一齊參加） + 錄音60分鐘 紀錄相 完成本 | 1人 | ₩180,000 |
2人 | ₩240,000 （1人₩120,000） | |
3人 | ₩260,000 （1人₩90,000） | |
4人 | ₩280,000 （1人₩70,000） | |
Kpop&韓劇OST錄音 以及MV製作 （約2 - 3小時，最多可以3人一齊參加） + 錄音60分鐘 MV拍攝（咪嘴） 紀錄相 完成本 | 1人 | ₩300,000 |
2人 | ₩460,000 （1人₩230,000） | |
3人 | ₩570,000 （1人₩190,000） |
※至少提前7日預約。
「K-pop Studio錄音體驗」退款政策
預約後至體驗7日前取消 | 全額退款 |
體驗6日前或其後取消 | 不設退款 |
「K-pop Studio錄音體驗」注意事項
- K-pop&韓劇OST錄音費用已包：錄音、混音、調音、1張即影即有、最終mp3檔（送USB）
- Kpop&韓劇OST錄音以及MV製作費用已包：錄音、MV拍攝（咪嘴）、混音、調音、1張即影即有、最終mp3檔、MV mp4檔（送USB）
- 費用未包：高級彩色背景、封面等，如有需要請喺現場支付金額。
- 預約時，請提前話俾我哋知你想錄製嘅歌，最好提前熟悉歌詞同音調，錄嘅時候會更完美。
- 錄音超時將會產生額外費用，費用會按時間而定（要下個時段冇人先可以繼續）。
- 請喺錄音當日提前10分鐘到達，同時出示預約紀錄。
- 如果想要mp3/mp4，可以要求放入USB（USB由Studio提供），請喺錄音完第二日再去拎（唔可以郵寄）。
- 冇提供停車場，請搭公共交通工具或使去附近其他停車場泊車。
- 如果預約嘅日子Studio唔得，將會安排另一日，請記得check email。
- 如有任何疑問，請send email到help@creatrip.com同我哋聯絡。
「K-pop Studio錄音體驗」預約流程
Step 1. | |
Step 2. | 請詳細輸入所有相關資訊及付款。 我哋將會喺1-2個工作天確認完，再send預約憑證俾你。 |
Step 3. | 請比預約時間提前10分鐘到Studio。 地址：서울시 강남구 학동로3길 27 B1 |
Step 4. | 上堂 |
「K-pop Studio錄音體驗」介紹
鍾意唱韓文歌嘅朋友，呢次係一個難得嘅好機會，大家可以揀唱kpop或ost歌。
錄音嘅時候，HEMA STUDIO專業總監會喺唱歌之前，教大家一啲小技巧，等大家可以更完美展現自己聲線。完咗之後介會幫大家調音、加混音，同時將錄音過程中嘅同片一齊整理好再send俾你。
如果要拍MV，仲需要口型同步，想有屬於自己嘅MV話咁易！
如果怕自己一個人唱會好尷尬，可以搵朋友一齊去錄音留底一個美好回憶。
如果你想知道最後成果係點，可以參考佢哋YouTube頻道。
通過用自己聲線錄製鍾意嘅歌曲，感覺就好似可以真正成為歌手咁。
早排小編就直接去咗玩，Studio喺地下一樓，入去之前需要換拖鞋，入到去之後會有一張告示，上面係寫到錄音時一定將外來食物/飲品放入手袋，同時如果想調整Mic高度都要請總監幫手，千祈唔好自己亂整。
入去之後就會見到有張梳化同檯，總監會先同你簡單傾吓等陣錄音流程係點。
當你入到間房錄音嘅時候，總監就會喺前面呢個位教你。
房入面只係得Mic、樂譜架同耳機，同平時見到偶像錄音嘅地方幾乎一樣！
如果你鍾意K-pop歌，之後不如就去HEMA Studio試吓一次特別體驗啦！
「K-pop Studio錄音體驗」前往方法
喺論峴站（논현역）9號出口出。
出口反方向直行。
喺第一個街口轉右。
直行。
喺第一個字路口轉左。
一直直行。
喺第二個街口轉左。
上完斜路就差唔多到。
見到好似上圖嘅地方，之後就行入去。
行入去大廈。
落去地下一樓就到啦！
以上係「K-pop Studio錄音體驗」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com