代訂 | 內藏山秋日紅葉之旅（釜山出發）
秋天嚟韓國旅行要去邊度睇紅葉？不如試吓去被譽爲韓國八大美景之一嘅內藏山啦！
Hello，大家好，我哋係由韓國人每日提供最新韓國旅行資訊嘅Creatrip。
繁忙嘅工作同學習令你抖唔到氣？嚟緊呢個秋天不如搵日放低手頭上嘅嘢，去一轉郊外睇紅葉放鬆吓啦！今日要介紹俾大家嘅地方係位於全羅北道井邑市嘅內藏山國立公園。雖然對大家嚟講可能有啲陌生，不過內藏山係韓國數一數二睇紅葉最靚嘅地方，好多韓國人每逢秋天都會去嗰度散步同影相打卡㗎！
「內藏山秋日紅葉之旅（釜山出發）」資訊
- 舉辦日期：2023.10.25（星期三）- 2023.11.10（星期五）
- 開團日子：每日
- 行程時間：06:00 - 20:40
「內藏山秋日紅葉之旅（釜山出發）」推薦原因
- 有專車帶你去位於全羅北道嘅「內藏山」！
- 可以睇到秋天限定紅葉靚景，一年得一次機會唔好錯過！
- 內藏山紅葉喺朝鮮時代被譽爲韓國八大美景之一，可想而知有幾靚啦！
- 上落車地點選擇多，大家可以按照自己住宿同行程安排揀！
「內藏山秋日紅葉之旅（釜山出發）」價錢
1人 | 72800 |
「內藏山秋日紅葉之旅（釜山出發）」退款政策
| 預約後至出發2日前取消 | 全額退款 |
| 出發1日前取消 | 不設退款 |
「內藏山秋日紅葉之旅（釜山出發）」行程表
06:00 | 海雲台站5號出口出發 |
06:40 | 西面站8號出口出發 |
07:00 | 釜山站（地鐵）5號出口出發 |
10:40 | 到達內藏山 |
10:40 - 15:00 | 參觀內藏山、內藏寺 + 午餐 |
15:30 | 返回釜山 |
19:30 | 抵達釜山站 |
20:00 | 抵達西面站 |
20:40 | 抵達海雲台站 |
「內藏山秋日紅葉之旅（釜山出發）」注意事項
- 請最少喺2日前完成預約。
- 最少1人成團。
- 價錢包括來回交通費用、中/英導遊服務、入場費、內藏山場內接駁巴士（單程）費用。
- 價錢唔包括餐飲費用、旅遊保險、所有個人開支。
- 行程可能會因交通及景點情況而有所改動。
- 落雨會照常出發，如遇上惡劣天氣，你可以選擇改期或者申請全額退款。
- 36個月以下幼兒免費，不過唔會額外提供座位、餐飲費用及入場券。
- 為保障其他顧客權益，如果遲到恕不等候。
- 如果會帶BB車或者輪椅，請提前send email到help@creatrip.com話俾我哋知。
- 如有任何疑問，請send email到help@creatrip.com查詢。
「內藏山秋日紅葉之旅（釜山出發）」預約流程
STEP 1. | |
STEP 2. |
|
STEP 3. | 請提前10分鐘到達出發地點。 06:00 海雲台站5號出口
|
STEP 4. | 出發 |
「內藏山秋日紅葉之旅（釜山出發）」介紹
「內藏山」唔單止係全羅道入面數一數二最靚嘅山，仲係全韓國睇紅葉最出名嘅地方，雖然「內藏山」嘅春夏秋冬景色都各有特色，但係最令人嘆爲觀止嘅就一定係被譽為朝鮮八大美景之一嘅內藏山紅葉啦。
每到秋天，有好多韓國人會專程去「內藏山」睇紅葉，可以一邊呼吸新鮮空氣放鬆吓之餘仲可以睇靚景同影相打卡。今次呢個一日遊正正就係喺楓葉最紅嘅時期舉辦，大家不妨把握呢個一年只有一次嘅機會，相信你哋會睇到人生中最震撼嘅紅葉景色！
「內藏山」除咗有一大片紅葉之外，入面仲有一個叫「內藏寺」嘅寺院。內藏寺係韓國三國時代嗰陣百濟皇朝所建立既寺院。大自然配上幽靜嘅寺院，望住呢個咁寫意嘅景色，成個人都會好自然咁放鬆到。導遊話一定會話俾大家聽個寺院喺邊度，有興趣嘅朋友記住要mark實啦！
「內藏山國立公園」有大約760種本地植物、自然紀念物同各式各樣唔同種類嘅野生動物。張張相都好似一幅畫咁，到時候親身去睇一定會更壯觀，小編淨係望住啲相都好想即刻去睇啊！
呢個秋天如果大家都想暫時放低工作同煩惱，遠離塵囂嘅話，不妨去「內藏山」睇吓紅葉，享受韓國嘅秋天。
以上係「內藏山秋日紅葉之旅（釜山出發）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
