《我的出走日記》拍攝地
超多感人情節嘅韓劇《我的出走日記》正式完結!劇中經典場景到底係喺邊度拍?
Hello,大家好,我哋係由韓國人每日提供最新韓國旅行資訊嘅Creatrip。
唔知大家最近有冇煲韓劇《我的出走日記》呢?劇中每一刻都有唔少感動位,今次小編都有整理好拍攝景點,希望可以幫到下次嚟韓國,想跟住劇中景點去打卡嘅大家啦!
備註:畫面截圖來源為jtbc、Netflix
《我的出走日記》拍攝地
1. 漣川(연천)
- 因為住戶隱私,冇公開詳細地址
《我的出走日記》以生活喺山浦市三姐弟開始,但實際上韓國並冇呢個城市,劇中廉家拍攝場景係喺「漣川」,呢個地區幾乎係京畿道盡頭,同北韓超近,大家之後會唔會都好奇想去吓呢?
2. 成歡站(성환역)
- 地址:충남 천안시 서북구 성환1로 237-5
由廉家去首爾嘅交通方式,劇中出現嘅「堂尾站」實際上係位於天安市嘅成歡站,堂尾站前面嘅Cafe同便利店都係真實存在,之後去附近坐吓,會唔會諗返劇中嘅趣事呢?
3. 釜山地鐵2號線/湖浦站(호포역)
劇中雖然會成日見到主角會搭地鐵往返首爾同山浦,但車廂內部拍攝場景係釜山地鐵2號線,大家成日都需要來回首爾、釜山一帶,其實都幾辛苦。
至於堂尾站內部拍攝場景唔係小編啱啱提到嘅成歡站,而係釜山地鐵2號線湖浦站內實景,至於搭地鐵時會見到嘅「今天你會有好事發生」,係喺釜山地鐵2號線金谷站,劇中大樓確實存在,但上面嘅字係CG合成。
4. Plus Super(플러스 슈퍼)
- 地址:충남 천안시 서북구 성환1로 237-8
具氏成日去嘅堂尾站前面嘅便利店係真實存在,感覺之後去打卡都唔錯!
5. Moon Toast Coffee(문토스트커피)
- 地址:충남 천안시 서북구 성환1로 229-12
《我的出走日記》第5集,具氏同美貞開始慢慢對對方有感情,兩人第一次喺出面食飯,當時佢哋食緊炸豬排,實際上呢間鋪頭係喺成歡站(劇中堂尾站)附近,不過本身呢度係一間西式餐廳,冇劇中所賣嘅炸豬排。
6. Why Black(와이블랙 성환점)
- 地址:충남 천안시 서북구 성환1로 237-1
位於成歡站附近嘅Cafe「Why Black」,因為喺節目播出後人集急升!成為好多劇迷打卡聖地,下次大家會唔會都想去打卡呢?
7. 坡州藥泉寺(파주 약천사)
- 地址:경기 파주시 교하로681번길 118
喺第8集,美貞同具氏講咗一連串感人嘅對話,當時佢哋就係喺坡州藥泉寺拍攝,呢度風景優美,如果信佛教嘅朋友,之後會唔會都想去參觀吓呢?
8. Paradise City(파라다이스시티)
- 地址:인천 중구 영종해안남로321번길 186
喺劇入面具氏經營其中一間Club,望落金碧輝煌,外觀好似博物館咁,但其實呢度係仁川Paradise City酒店,如果有機會去仁川住返晚,大家都可以考慮呢一間。
9. 崇拜情侶重逢的橋
- 地址:서울 영등포구 의사당대로 1
具氏雖然搵返自己原名同身份,但日子過得一啲都唔快樂,佢成日都會諗住美貞,於是具氏去咗一趟山浦,雖然得知廉母過世消息,三姐弟都搬到首爾,但有咗美貞電話,鼓起勇氣打一次,最後兩人再次重逢,一個頭髮留長、一個剪短,望落唔同哂,崇拜同愛填滿彼此空虛嘅心。
當時佢哋係喺汝矣島國會議事堂附近,大家可以以「國會五門(국희5문)」去搵。
10. 廣藏市場(광장시장)
- 地址:서울 종로구 창경궁로 88
美貞同具氏約會地點,係唔少遊客嚟到韓國都會去嘅廣藏市場,戲中人潮洶湧,大家係唔係都好掛住當地街邊小食呢?
以上係《我的出走日記》拍攝場景整理,雖然好多地方都唔係喺首爾拍,但如果之後去第二個地區旅行,會唔會都想順便去埋呢?小編希望我哋都可以好似美貞同具氏一樣,每日用一少少快樂填滿自己,同自己或過去好好和解。
如果有更多想知嘅內容,都可以隨時留言或者dm話俾我哋知:)
Instagram:creatrip.hk