漣川一日遊行程推介
漣川原來同北韓咁近？鍾意歷史，鍾意親近大自然嘅你，會唔會想嚟睇吓？
Hello，大家好，我哋係由韓國人每日提供最新韓國旅行資訊嘅Creatrip。
京畿道漣川同北韓好近，今次小編去咗一轉睇吓有咩特別，有興趣嘅朋友就繼續睇啦！
漣川一日遊行程推介
1. 全谷里遺蹟（전곡리 선사유적）
- 地址：경기 연천군 전곡읍 양연로 1510
- 營業時間：夏季 09:00 - 18:00 、冬季 09:00 - 17:00（公眾假期、1月1號、星期一休息）
全谷里先史遺跡係舊石器時代嘅手斧（주먹도끼）、搔器（긁개）同石核（석핵）出土遺址，佢作為地質研究的地方，對舊石器時代研究發展具有重要意義。
呢度地方夠大，除咗可以散步之外，仲有泥土體驗館、射箭體驗館等史前體驗空間，小朋友嚟到可以玩得開心之外，同時可以了解歷史。
園區入面擺咗一隻令人會誤以為真嘅猛獁象，以及舊石器時代嘅人居住環境，如果本身對歷史有興趣，小編都好推薦大家嚟呢度。
2. 光陽燒肉店（광양 불고기집）
- 地址：경기 연천군 전곡읍 전곡로 41
- 營業時間：每日 11:00 - 22:00
呢間鋪頭距離全谷里遺蹟唔遠，行到攰想搵間餐廳食飯，可以考慮呢度！佢仲獲得2021年體育首爾餐廳顧客信賴度大獎。
內部空間好闊落，可以容納好多人，甚至仲有包箱可以有一個私人空間去用餐。而家疫情關係，佢哋都好徹底咁消毒，令人食嘅時候都好放心。
古早味烤肉定食2人份₩24,000（至少要2人份起）
小編叫嘅係佢哋古早味烤肉套餐（至少要叫兩人份），佢哋有包括一個石鍋飯，烤肉入面有超多剪菜同大蔥，配埋佢哋鋪頭自製嘅醬料一齊食，超好味！推薦大家之後都可以嚟試。
3. Herb Village（허브빌리지）
- 地址：경기 연천군 왕징면 북삼리 222
- 營業時間：夏季 09:00 - 19:00、冬季09:00 - 18:00
- 官網： 撳我
Herb Village係一個可以令你可以融入大自然之中嘅空間，呢度有好多各種各樣活動，例如草藥體驗、汗蒸幕、咖啡工廠等。
天空、河流、山靚到就好似一幅畫咁，被眾多綠色植被圍住，再聞住園區入面嘅藥草味，俾人一種好relax嘅感覺。
柱狀節理、千年三層石塔、許願石等景觀都令人印象深刻，沿路仲可以睇到好多同草藥嘅各種故事。
4. COFFEE FACTORY（커피팩토리）
- 地址：경기 연천군 왕징면 북삼리 222 허브빌리지 내 위치
- 營業時間：夏季 09:00 - 19:00、冬季09:00 - 18:00
呢間Coffee Factory就係喺Herb Village入面，想搵個地方坐下同休息可以嚟呢度，佢哋會提供新鮮咖啡，雪糕等。
佢哋主要用咁白色同木去裝修，俾人好溫暖嘅感覺，每一張檯都會隔一段距離，好唔錯！
木槿花茶₩5,000
雖然小編去嘅當日有啲凍，不過可以飲返杯木槿花茶，即刻個人都暖返哂！
5. 才人瀑布（재인폭포）
- 地址：경기 연천군 연천읍 고문리 산21
- 營業時間：夏季 10:00 - 17:30、冬季 10:00 - 16:00
才人瀑布係漢灘江沿岸美景之一，唔少人都為咗睇佢而嚟打卡，加上附近仲有作為天然紀念物朝鮮䱻（어름치），以及瀕臨滅絕粉紅女婁菜（분홍장구채）生長地而聞名。
呢條吊橋每行一步，都會有少少震，行嘅時候都會有啲驚。通過呢條路之後就有一條路可以去睇瀑布，不過因為疫情影響，而家暫時唔開放。
往瀑布嘅另一邊，唔少老人家都鍾意喺度散步，雖然暫時冇得近距離睇到瀑布，但願望都可以聽到聲同埋遠望，感受到佢有幾壯觀。
6. 望鄉拌麵總店（망향 비빔국수 본점）
- 地址：경기 연천군 청산면 궁평로 5
- 營業時間：每日 10:00 - 20:30
- 官網：撳我
![漣川 京畿道]()
望鄉拌麵餐廳以採用新鮮蔬菜、純淨水源，同時以傳統方法製作餐點出名，佢係一間有50幾年歷史嘅鋪頭，佢哋經過HACCP嚴格衛生處理同研究過程，食落唔單止好味，同時令人好放心。至於舖頭嘅名解釋係有「思念故鄉」嘅意思，好多人都會慕名而來。
漣川有好多軍人，喺以前佢哋最艱難嘅時期，呢間舖頭甚至以半價出售捧麵而出名。呢度落單嘅方法係要係一部機器買，之後拎到張飛之後坐低等，見到螢幕叫到自己號碼嘅時候，去拎就可以。
宴會麵₩6,000、拌麵₩6,000、餃子₩3,000
好神奇嘅係宴會麵嘅麵同拌麵嘅麵雖然睇落好似，但佢哋嘅口感完全唔一樣，相當神奇！食餃子嘅時候除咗可以點豉油之外，甚至可以同拌麵嘅醬一齊食，一樣都好好味！
想親親大自然，遠離城市，漣川都係一個幾特別同有趣嘅地方，未去過嘅朋友之後會唔會都想去吓呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
