廣安里咖啡廳｜The same age couple
釜山廣安里可愛打卡公仔曲奇cafe！唔單止好打卡，連味道都一流，保證大家一定會滿足！
Hello，大家好，我哋係由韓國人每日提供最新韓國旅行資訊嘅Creatrip。
呢間cafe韓文名叫做동갑부부，中文意思係指同齡夫婦，實際上的確真係由同齡夫婦一齊經營，佢哋主打得意又可愛嘅咖啡，最近喺IG更加係大熱！小編當然都唔會錯過，跟住去打卡啦！
廣安里咖啡廳「The same age couple」資訊
- 地址：부산 수영구 광남로 157 2F
- 營業時間：12:00 - 21:00
廣安里咖啡廳「The same age couple」推薦理由
- 位於廣安里，想搵間cafe坐嚟呢度，超方便。
- 呢度唔單止適合打卡，同樣俾人一種好舒服嘅感覺。
- 可能好多人都認為，呢一種以可愛嘅公仔曲奇做cafe，好多時都係得樣，唔好飲，不過呢度絕對唔會！無論係曲奇定飲品都會令到你好有驚喜！
- 呢度嘅公仔曲奇飲品同年糕蛋糕都係呢間cafe嘅代表menu，而公仔曲奇更加係由老闆每日用3個鐘頭用蛋白去整，大家可以放心咁去食。
廣安里咖啡廳「The same age couple」優惠
- 埋單嘅時候向職員出示優惠券， 即可享有飲品同甜品85折。
- 唔需要預約。
- 如果用coupon嘅時候，有任何疑問都可以send email到help@creatrip.com。
廣安里咖啡廳「The same age couple」菜單
| 菜單 | 價格 |
| 飲品 （可以加公仔曲奇） | 熱/凍 |
| 鮮奶咖啡 | ￦4,500 |
| 雲呢拿鮮奶咖啡 | ￦5,000 |
| 維也納咖啡 | ￦5,000（只得凍） |
| 抺茶鮮奶 | ￦5,000 |
| 朱古力鮮奶 | ￦5,500 |
| 香蕉鮮奶 | ￦5,500（只得凍） |
| 飲品 （唔可以加公仔曲奇） | 熱/凍 |
| 美式咖啡 | ￦4,000 |
| Flat White | ￦5,000（只得凍） |
| Snoppy Summer Latte | ￦6,000（只得凍） |
| 檸檬石榴梳打 | ￦5,500（只得凍） |
| 百香果梳打 | ￦5,500（只得凍） |
| 檸檬石榴茶 | ￦5,000（只得熱） |
| 年糕蛋糕 | |
| Babamba栗子年糕蛋糕 | ￦6,000 |
| 藍莓乳酪芝士蛋糕 | ￦6,000 |
| 南瓜年糕蛋糕 | ￦6,000 |
| 附加 | |
| 咖啡Shot | ＋￦500 |
| 公仔曲奇 | ＋￦1,000 |
廣安里咖啡廳「The same age couple」介紹
The same age couple位於2樓，係喺一間眼鏡舖樓上，如果見到呢個木牌跟住上去就可以。
上樓梯嘅時候仲會見到呢對同齡夫婦嘅結婚相，真係覺得好恩愛！
一入到去小編就覺得呢度好乾淨，俾人一種好舒服嘅感覺，而且好闊落！
望到呢啲相小編真係忍唔住即刻心心眼😍 每一款甜品同飲品都好吸引！
不過要注意，呢度唔係所有飲品都可以加公仔曲奇㗎！可以加曲奇嘅飲品只有（鮮奶咖啡、雲呢拿咖啡、維也納咖啡、抺茶鮮奶、朱古力鮮奶、香蕉鮮奶）。另外如果想加咖啡shot就要另加￦500、公仔曲奇要加￦1,000。
假設小編叫一杯（凍）抺茶鮮奶（￦5,000）＋公仔曲奇（￦1,000），咁價錢就會喺￦6,000。
以上6款係今期飲品上會有嘅圖案，老闆會時不時推出新嘅款式，有興趣想知佢哋最近有推出咩新款，都可以follow佢哋IG： rimi_room。
呢度主打係年糕蛋糕，不過如果大家想試吓其他款，呢度仲有檸檬蛋糕同朱古力蛋糕。
呢度每一個位都好適合打卡，有全身鏡又點可以唔影返張呢？
小編覺得呢度好貼心係有提供免費叉電器俾大家叉電，同時仲有bb專坐嘅櫈。
另外呢度仲有啲小配件俾大家買，如果諗住同朋友慶祝生日，但突然之間唔記得買蠟燭，呢度都可以幫到你 價錢一啲都唔貴（不過提提大家：如果要買，飾物唔會有85折）
呢度有一個專區係放咗好多關於Snoopy嘅雜誌同飾物，如果大家都鍾意snoopy，一定會忍唔住喺度不斷打卡！
行完一個圈打完卡，小編叫嘅飲品同甜品都出嚟啦！一上檯嗰一刻真係令人忍唔住「嘩！」一聲！甜品同飲品都超可愛 而家就等小編逐樣為大家介紹啦！
抹茶鮮奶 ＋公仔曲奇 (말차라떼 + 캐릭터머랭) (₩6,000)
喺抹茶鮮奶上面，小編配咗小新同小白嘅曲奇，小新嘅樣真係畫得好有神韻！
抹茶鮮奶唔會太甜，奶同抺茶嘅比例做得啱啱好，係小編飲過咁多間嘅TOP3！小編建議大家可以先食曲奇，如果唔係好似小編一直咁飲就會沉到底，到時就更難拎出嚟食。
香蕉鮮奶 ＋公仔曲奇 (바나나라떼 + 캐릭터머랭) (₩6,500)
香蕉鮮奶上面，小編配咗Loopy公仔（佢係韓國兒童節目淘氣小企鵝入面嘅其中一個角色），香蕉鮮奶同樣唔會太甜，底部仲有少少香蕉肉，飲嘅時候好有口感，就連韓國小編都話係佢飲過最好味嘅香蕉鮮奶！
Babamba年糕蛋糕 ＋公仔曲奇 (밤맛나는 바밤바 설기) (₩7,000)
呢個係老闆娘親自推薦小編嘢食嘅Babamba年糕蛋糕，平時食蛋糕可能食得多，但呢一款連個蛋糕都好有口感，大家可以連埋佢哋啲醬一齊食，食到中間仲會見到有栗子，好好味！
藍莓乳酪芝士年糕蛋糕 ＋公仔曲奇 (블루베리크림치즈 설기) (₩7,000)
啱啱嗰款係老闆娘推薦，而呢款係老闆推薦！藍莓酸酸甜甜，配上呢個年糕蛋糕，超開胃！食到中間仲會有藍莓jam，一啲都唔會覺得膩，反而會令人忍唔住食完一啖又一啖。
提提大家：所有年糕蛋糕最好要快啲食，咁樣先至係最好味，如果掛住一直打卡，年糕蛋糕就會慢慢開始變硬。另外公仔曲奇只有Snoopy＋Charlie Brown可以揀。
食完之後大家記住要執好再拎去Return度還。
整體嚟講，好多地方都有提供呢啲咁有特色嘅公仔曲奇，但好多時都係得個樣，唔太好食，不過呢度絕對唔會有呢個問題，保證大家可以嚟呢度試過之後，一定會覺得好滿足！
廣安里咖啡廳「The same age couple」前往方法
小Tips：由廣安站3號出口出嚟之後見到十字路口轉左直行，沿住大路一直靠左直行就會見到（大約行9分鐘左右）
點先可以享有廣安里咖啡廳「The same age couple」 85折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係廣安里咖啡廳「The same age couple」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com