昌德宮總整理
一個令你意想不到嘅宮殿打卡景點！點解咁多人都會想去昌德宮後苑呢？
Hello，大家好，我哋係由韓國人每日提供最新韓國旅行資訊嘅Creatrip。
昌德宮位於首爾鐘路區，曾經深受皇室成員鍾意，目前花園對公眾開放，但每日入場人數有限，唔少人嚟到都會把握機會去，之後你又會唔會都想去睇吓呢度有咩特別呢？
「昌德宮」簡介
昌德宮入面有一個好靚嘅後苑，而且仲有導遊同大家講解，有時仲有大學生會喺度表演，加上好多韓劇都喺度取景。
- 地址：서울 종로구 율곡로 99
- 營業時間：逢星期一休息
位置 | 月份 | 營業時間 |
宮殿區 | 2月至5月 9月至10月 | 9:00 - 18:00 |
6月至8月 | 9:00 - 18:30 | |
11月至1月 | 9:00 - 17:30 | |
後苑 | 3月至5月 9月至10月 | 10:00 - 17:30 |
6月至8月 | 10:00 - 18:00 | |
2月/11月 | 10:00 - 17:00 | |
12月至1月 | 10:00 - 16:30 |
入場費用
年紀 | 價格 | 團體（10人以上）價格 | |
一般入場券 （宮殿區） | 成人（19歲至64歲） | ₩3,000 | ₩2,400 |
青少年（7歲至18歲） | ₩1,500 | ₩1,200 | |
免費：
*必須出示身份證證明先可以免費入場 | |||
後苑 | 成人（19歲以上） | ₩5,000 | |
老人家（65歲以上） | ₩5,000 | ||
青少年（7歲至18歲） | ₩2,500 | ||
| *後苑門票唔包一般入場，需要另外再買入場券。 *遊覽時間約70 - 90分鐘。 *必須出示身份證證明先可以免費入場 | |||
宮殿免費導遊解說服務
語言 | 時間 |
韓文（3月至10月） | 9:30、11:30、13:30、 15:30、16:30 |
韓文（11月至2月） | 9:30、11:30、13:30、15:30 |
英文 | 13:15 |
中文（星期二/四/六） | 10:00 |
日文（星期三/五/日） | 11:00 |
- 所需時間：60分鐘
- 行程：敦化門、仁政殿、宣政殿、熙政堂、大造殿、樂善齋
後苑免費導遊解說服務
語言 | 月份 | 時間 |
韓文 | 1月至2月 | 10:00、 11:00、12:00、13:00、14:00、15:00 |
3月至5月 | 10:00、11:00、12:00、13:00、14:00、15:00、16:00 | |
6月至8月 | 10:00、11:00、12:00、13:00、14:00pm、15:00、16:00、16:30 | |
9月至10月 | 10:00、11:00、12:00、13:00、14:00、15:00、16:00 | |
11月至12月 | 10:00、11:00、12:00、13:00、14:00、15:00 | |
英文 | 2月至11月 | 10:30、11:30、14:30、15:30 |
12月至1月 | 10:30、11:30、14:30 | |
中文 | 1月至12月 | 12:30 |
日文 | 1月至12月 | 13:30 |
1. 3月至6月 & 9月至11月（90分鐘）
- 所需時間：90分鐘
- 行程：咸陽門、芙蓉池、不老門、愛蓮池、演慶堂、尊徳亭、玉流川、敦化門
2. 7月至8月 & 12月至2月
- 所需時間：70分鐘
- 咸陽門、芙蓉池、不老門、愛蓮池、尊德亭、演慶堂、敦化門
注意事項：
- 最早可以提前1-6日預約，每日10:00開始。
- 參觀後苑一定要跟導遊行，每次只得100個名額，50個可以網上提前預約，剩餘50個會喺當日售票處發售。
- 如果有突發時發生，遊覽時間同路線可能會變。
- 場內有好多山丘或者植物，建議著波鞋行會比較好。
網上預約後苑園入場券
昌德宮係首爾5個著名宮殿之一，當中佢最特別係有一個後苑，而且每日有限人數，想去睇最好要預約咗先。
雖然現場可以買入場券，但因為多人搶，小編會建議喺網上預約咗先，首先喺官網註冊做會員，之般登入揀想幾時去同日期，假設大家諗住4月25號入場，最早可以喺4月19號10:00開始買。
預約嘅時候可以揀想聽嘅語言，可以揀中文、韓文、英文或者日文，外語只提供俾外國人，如果會同韓國朋友一齊去，最多限帶一位，之後再俾錢就可以。
俾完錢之後，就可以喺「我的頁面」確認，入場券大約會喺遊覽前30分鐘出現，之後去到售票show返預約記錄俾職員睇就可以換實體門票。
售票處
除咗後苑入場券之外，本身一本宮殿都要入場券，大家都可以喺現場買，但如果著韓服係可以免費入場添㗎！
敦化門
小編喺昌德宮開門冇幾耐就到咗，當時已經有唔少人喺度排緊隊，可想言知呢度幾受歡迎，場內有2/3都係後苑，建議大家可以一開始先參觀普通宮殿區。
首先會由正門敦化門開始，之前因為宮殿被燒毀，大門係1607年由宣祖王重建，成為首爾最古老入口，正式行之前，大家可以先拎一本指南跟住行。
仁政門
仁政殿
仁政殿係昌德宮主要殿堂，裡面有好多像徵國王權力同物品。
宣政殿
繼續行前會去到宣政殿，呢度係國王工作嘅地方，靠近佢寢室，呢度俾人一種好平靜同舒服嘅感覺。
熙政堂
熙政堂同樣都係國家成日會去做嘢嘅地方，望落雖然好似好傳統咁，但其實有啲用咗西方材料去組成。
大造殿
大祖殿係皇后嘅寢宮，不過經過嘅時候會令人有啲打冷陣，因為呢座建物死過唔少國王。
後苑區
行到差唔多夠鐘小編就跟返團去睇後苑，最後選擇咗英文導遊，可能因為人少，導遊會用平板去同大家逐一介紹，令大家可以睇得更清楚。
芙蓉池
第一個會見到嘅芙蓉池， 呢度好有詩意，同時係好多韓劇會取景地方之一，大家又記唔記得有邊一套戲呢？
不老門
正如同佢名一樣，唔少人都會叫佢做「青春之門」，當大家經過嘅時候，導遊仲會好風趣嘅講「大家真係後生咗喎！ 」。
愛蓮池
穿過不老門之後就會見到愛蓮池，導遊會喺度同大家講述皇室成員同演慶堂嘅故事。
演慶堂
善香齋
呢度係善香齋，可以欣賞到文化藝術大學學生嘅特別表演，同韓劇見到嘅都幾似，有興趣嘅朋友可以留底睇一陣。
觀覽亭
韓劇《屍戰朝鮮》
就好似小編一直講呢度好多韓劇都有嚟過取景，好似有《屍戰朝鮮》、《雲畫的月光》等。
尊徳亭
玉流川
最後會去嘅景點係尊徳亭同玉流川，整個過程大約會行1小時至1個半小時，行嘅時候完全忘記咗自己喺首爾，好似返咗去以前古代咁。
推薦幾時去？
雖然一年四季昌德宮景色都好靚，但如果可以揀，小編會推薦大家秋天去，周圍都係紅葉，特別有氣氛。
要點樣先去到昌德宮？
搭地鐵去到安國站喺3號出口出嚟之後直行。
之後就會見到昌德宮喺左手邊。
昌德宮附近活動體驗
可以坐住ARTEE人力車用特別方法發現首爾另一面。
韓服男可以話係出租韓服店始祖，大家可以好自在同輕鬆咁挑選數百套韓服/婚禮韓服，有需要嘅朋友都可以透過我哋預約！
著住韓服想影返輯靚相，不如就搵北村照相館幫大家啦！
如果之後有計劃去昌德宮嘅朋友，希望可以幫到大家一啲幫助啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk