仁寺洞吃喝玩樂總整理
2021最新仁寺洞攻略！必飲必食必行嘅攻略一次過整理俾大家！
Hello，大家好，我哋係由韓國人每日提供最新韓國旅行資訊嘅Creatrip。
講到首爾古色古香嘅地方，一定係非仁寺洞莫屬，唔單止遊客鍾意去，就連韓國人都好鍾意行，呢到有好多比較復古嘅餐廳、Cafe、精品店等，如果大家鍾意體驗當地文化，嚟呢到一定唔會有錯！今次小會整理好仁寺洞吃、喝、玩、樂、交通等情報，希望會幫到大家啦！
仁寺洞位置
仁寺洞整個為範圍雖然唔算好大，但就因為有3條地鐵線（1、3、5號線）喺附近，加上又喺市中心，所以去嘅話相當方便。
街道兩邊有唔少精品同紀念品店，而且最特別嘅係，呢度好多舖頭都係用韓文名去改，就連平時我哋必去嘅化妝品店都只得韓文名。餐廳同Cafe主要隱藏喺啲小巷入面，甚至係唔少電視節目都有介紹過！保證大家一定可以食到舔舔脷。
仁寺洞唔單止多嘢行、多嘢食，呢度仲有好多體驗活動等住大家～唔想錯過就一定要睇哂小編整理好嘅攻略啦！
仁寺洞美食
仁寺洞好多間鋪頭都用咗韓屋去裝修，等你邊食嘅同時又可以打卡，呢到唔少餐廳都有電視節目介紹過，價錢唔算貴，同時又有營養，好多時因為太有人氣而要大排長龍，唔好以為只有老一輩先會鍾意去，而家好多年青人都會聚喺仁寺洞，好多美食等住你去發掘！小編仲準備咗一個仁寺洞美食清單，之後嚟旅行就要去食返餐好啦！
仁寺洞Cafe
嚟韓國又點可以唔搵返間Cafe坐吓呢？如果係想搵啲舒服又寧靜嘅Cafe，仁寺洞有好多間等住大家！呢度每一間都有唔同特色，不過比起飲咖啡，小編更加想推薦大家嚟飲茶或者係食傳統甜品，咁樣會更加地道！當中小編整理好嘅Cafe，之後不如搵日去，總有一間係你會鍾意嘅風格！
仁寺洞體驗活動
大家可能會諗到仁寺洞只係一個好傳統，冇咩好玩嘅地方，但事實並唔係咁！喺呢度有唔少體驗工房，例如：畫人像畫、自製手機殼、整手工印章等，總之仲有多姿多彩活動等住大家嚟參加，唔想錯過任何一樣就要睇埋我哋嘅總整理啦！
仁寺洞購物
喺Shopping方面，除咗有大家熟悉嘅街道可以買傳統紀念品之外，呢度仲有好多衫、韓服等大家去買，另外呢度仲有「你好仁寺洞」、「人人商場」等購物中心，保證行得一啲都唔悶，而且仲可以買到滿載而歸！
仁寺洞交通
好多人以為最方便去仁寺洞係安國站，不過其實除咗安國站之外，鐘閣站、鐘路3街站都可以去到，而且一啲都唔遠，另外仲有機場巴士可以直到！比想像中方便好多，之後打算去仁寺洞嘅朋友，記住要睇我哋嘅交通攻略，邊個出口會比較近，其他出口又會有啲咩都可以一次過睇哂！
仁寺洞住宿
仁寺洞附近都有唔少酒店，小編特別想同大家推薦Nine Tree，佢喺2019年先開幕，所以入面設施仲係好新淨，喺房入面仲可以望到曹溪寺、景福宮、北岳山等風景！
以上係小編整理好嘅仁寺洞攻略，如果之後嚟韓國，有計劃去呢個景點嘅朋友，希望呢篇文章可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk