仁寺洞體驗活動總整理
仁寺洞原來有咁多好嘢可以做！DIY手機殼？整獨一無二手工印章？
Hello，大家好，我哋係由韓國人每日提供最新韓國旅行資訊嘅Creatrip。
講到仁寺洞大家可能只會諗到係一個好傳統嘅地方，冇咩好玩，不過如果咁諗就錯啦！呢度有好多體驗活動等住大家嚟體驗，想畫人像畫？自製手機殼？整獨一無二嘅印章？呢度通通都可以幫到你！
仁寺洞體驗活動推薦
1. 去參觀曹溪寺
曹溪寺係韓國佛教最大宗派曹溪宗嘅總中心，寺廟係喺1395年朝鮮王朝初期首次創立，去到1954年先改名為曹溪寺。
裡面有賣好多佛教用品，例如佛珠、佛教書同香等等。因為就係喺仁寺洞附近，唔少韓國人食完飯都會去散下步，而家唔使去好遠，喺曹溪寺都可以見到粉紅波波草。
信佛教嘅朋友，之後都可以嚟參觀，可以免費入場，同時係全年無休！
- 地名： 曹溪寺（조계사）
- 地址：서울 종로구 우정국로 55
- 營業時間：全年無休
- 價格：免費（무료）
- 小Tips：由鐘閣站2號出口行415m
2. 畫人像畫
相信如果大家有去過仁寺洞人人商場，應該都對畫人像畫唔會好陌生，因為由入口入去就會見到。
大家只要一坐底，畫師就會開始望清大家個樣，再一筆筆咁畫，成個過程只係需要十零分鐘左右就算成。
今次小編整咗彩色同黑白各一張，小編覺得畫得都幾似，之後大家嚟會唔會想整返張呢？
- 店名：Image For You （이미지포유）/ 펀캐리커처 쌈지길
- 地址：서울 종로구 인사동길 44 쌈지길
- 營業時間：每日 10:30 - 20:00
- 價格：黑白（흑백）₩5,000、彩色（컬러）₩15,000
- 小Tips：由安國站6號出口行大約292m
3. 自製手機殼
大家有冇試過自製手機殼？一直好想試，但又唔知要喺邊買材料，又或者唔知應該要點整？咁可以試吓嚟人人商場一樓嘅Up - cycing（놀아줘 유리）。
一入到去老闆就問會大家想整嘅手機型號，之後會俾一個盤大家裝透明手機殼同可以揀啲配件，今次小編整嘅係手機殼8粒配件（폰케이스 파츠 8개） ，呢多有好多款式，大家可以慢慢揀，揀啱就再放落個盤到。
獨一無二嘅手機殼就咁誕生啦！大家如果一直都買唔到啱心水嘅手機殼，親自落手落腳整一個都係一個唔錯嘅Idea！
- 店名：Up - cycing（놀라줘유리）
- 地址：서울 종로구 인사동길 44 쌈지길 1층
- 營業時間：每日 10:30 - 20:00
- 價格：自製手機殼8粒配件（폰케이스 파츠 8개）₩17,000
- 小Tips：由安國站6號出口行大約310m
4. 影人生四格
以前興影貼紙相，而家喺韓國流行影人生四格！
呢間影人生四格鋪頭雖然只係得三部機，不過佢內部夠大，同勝在有好多個打卡位。
下次嚟韓國，想留底美好時刻，不如就嚟影人生四格啦！
- 店名：SELF PHOTO PLAY SPACE（인생[o]네컷）
- 地址：서울 종로구 인사동길49 3층
- 營業時間：每日 10:00 - 22:00
- 價格：四格（4-CUT）₩4,000
- 小Tips：由安國站6號出口行大約230m
5. 去參觀雲峴宮
仁寺洞雲峴宮，係朝鮮時代興宣大院君居住地方，朝鮮高宗都曾經喺到生活過。繼位之後，高宗大幅改建，後嚟因戰亂燒毀，變成今日規模。呢到亦係朝鮮王朝末期，好多歷史事件發生地，係一個歷史象徵地。
平時去其他宮因為多人可能會成日覺得逼，不過嚟呢到就唔怕，特別推薦大家可以秋天嚟，散吓步同時仲可以欣賞到紅葉同銀杏。
以前韓國嘅舊屋係點，呢度都可以望得一清二楚，不過提提大家只可以出面影，千祈唔好行入去啊！
- 地名：雲峴宮（운현궁）
- 地址：서울 종로구 삼일대로 464 운현궁
- 營業時間：每日 09:00 - 18:00 （最後入場時間 17:30）（因疫情影響縮短開放時間）、逢星期一休息
- 價格：免費（무료）
- 小Tips：由安國站4號出口行大約104m
6. 整手工印章
有冇諗過整返一個獨一無二嘅韓文名印章呢？如果有，小編想推薦大家去仁寺洞嘅魚羅淵篆刻體驗館。
魚羅淵篆刻體驗館品質夠高，同時價錢又唔貴！
有專業導師為大家逐一講解，整個過程簡單又輕鬆啲，另外只要係我哋會員仲可以享有95折優惠之外添！
- 店名：魚羅淵篆刻體驗館（어라연전각체험관）
- 地址：서울 종로구 인사동길 34 2F
- 體驗時段：13:00、15:00、17:00
- 價格：手工印章刻印 + 書籤 + 印章盒（A세트）₩ 22,000、手工印章刻印 + 印章側面刻印(上色) + 書籤 + 印章盒（B세트）₩33,000（只要係我哋會員，提前預約可以有95折優惠）
- 小Tips：由鐘路3街站5號出口行大約358m
7. 去愛來魔相4D藝術館打卡＋玩智勇迷宮
如果性格好動，鍾意走嚟走去又同時鍾意影靚相嘅朋友，小編好推薦大家可以去愛來魔相4D藝術館＋智勇迷宮！
仁寺洞愛來魔相4D藝術館可以欣賞到60多件藝術作品之外， 仲可以參與其中，入面分咗唔同主題同打卡位等住大家嚟影相。
而《智勇迷宮》係一場驚險冒險體驗，當中要克服一啲障礙同困難，大家要要互相合作，先可以成功逃脫呢個地方，整個過程刺激得嚟又好玩！
- 店名：愛來魔相4D藝術館＋智勇迷宮（박물관은 살아있다 + 다이나믹 메이즈）
- 地址：서울 종로구 인사동길 12 대일빌딩
- 營業時間：每日 11:00 - 18:00 （最後入場時間17:00）
- 價格：入場費（입장료）₩ 24,000（只要係我哋會員，提前預約可以有5折優惠。）
- 小Tips：由鐘路3街站5號出口行大約211m
8. 去繽紛色彩展打卡
鍾意影相打卡嘅朋友仔，呢個Color Pool Museum就一定唔可以錯過啦！呢到有九種主題，每個館都有華麗色彩嘅佈景，可以影到好多靚相。
坐喺西瓜形狀嘅鞦韆你又試過未？呢到好多主題大家都未見過同影過，保證嚟到一定有新鮮感！
又或者可以瞓喺波波池到影相，無論係大人定細路嚟都一定會好開心！
- 店名：Color Pool Museum （컬러풀뮤지엄）
- 地址：서울특별시 종로구 관훈동 인사동길 49, 안녕인사동 6층
- 營業時間：每日 10:00 - 20:00（最後入場時間 19:00）
- 價格：入場費（입장료）成人（13歲以上）₩ 15,000、兒童（2-12歲）₩12,000（只要係我哋會員，提前預約可以減₩1,000優惠）
- 小Tips：由安國站6號出口行大約230m
9. 去體驗傳統婚禮
平時講到結婚大家可能只會諗到婚紗，不過大家又有冇諗過試吓着韓國傳統婚禮服呢？
活動會由專業主持人主持，會有職員用簡單中文同英文教大家，完全唔需要太擔心。
由擁有15年經驗專業攝影師影出高質量相，租借韓服、化妝、影相等一站式服務！只要係我哋會員，影完相之後，可以免費轉著一般韓服3小時。
- 店名：Hanbok Damda （한복담다）
- 地址：서울특별시 종로구 인사동 인사동길 14-3
- 營業時間：10:30 - 18:00（Break Time 13:00 - 14:00、Last Order 15:00）
- 價格：傳統婚禮體驗+ 攝影2人₩650,000
- 小Tips：由鐘閣站6號出口行大約478m
喺好有傳統氣息嘅仁寺洞入面，其實都有唔少新奇有趣活動，如果之前未去過，不妨就搵一日去體驗吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
