全部

韓國旅行

韓國住宿

韓國購物

韓國新知

語言學校

---

旅行資訊 行程預約

春川

伊利希安江村滑雪一日遊（首爾出發）HKD 228.49

4.8(32)

春川

伊利希安江村滑雪一日遊（首爾出發）HKD 228.49

4.8(32)

春川

[⛷️31/12前早鳥優惠🪙] 伊利希安江村滑雪 + 南怡島一日遊（首爾出發）HKD 227.42 379.03

5.0(12)

春川

[⛷️31/12前早鳥優惠🪙] 伊利希安江村滑雪 + 南怡島一日遊（首爾出發）HKD 227.42 379.03

5.0(12)

洪川

百玩地公園滑雪2日1夜行程（首爾出發）HKD 1,586 1505.36

4.6(7)

洪川

百玩地公園滑雪2日1夜行程（首爾出發）HKD 1,586 1505.36

4.6(7)

梁山

伊甸園山谷一日滑雪團（釜山出發）HKD 485.48

5.0(1)

梁山

伊甸園山谷一日滑雪團（釜山出發）HKD 485.48

5.0(1)

平昌

龍平度假村滑雪場2日1夜自由使用券HKD 1,712.61

平昌

龍平度假村滑雪場2日1夜自由使用券HKD 1,712.61

春川

伊利希安江村滑雪&專業拍攝一日遊（首爾出發）HKD 80.64 244.22

春川

伊利希安江村滑雪&專業拍攝一日遊（首爾出發）HKD 80.64 244.22

查看更多

搵唔到你想去嘅地方/想預約嘅體驗？

建議

---

旅行資訊 獨家優惠券

首爾 景福宮

Najuso羅州牛骨湯（景福宮）9折優惠券

5.0(5)

首爾 景福宮

Najuso羅州牛骨湯（景福宮）9折優惠券

5.0(5)

首爾 明洞

以南場（明洞）9折優惠券

首爾 明洞

以南場（明洞）9折優惠券

---

旅行資訊 旅遊資訊

韓國

2024韓國滑雪場總整理

韓國

2024韓國滑雪場總整理

春川

代訂｜南怡島＋雪嶽山一日遊

春川

代訂｜南怡島＋雪嶽山一日遊

丹陽

代訂｜丹陽滑翔傘一日遊

丹陽

代訂｜丹陽滑翔傘一日遊

楊平

代訂｜楊平滑翔傘體驗

楊平

代訂｜楊平滑翔傘體驗

丹陽

代訂 | 丹陽CAFE SANN滑翔傘體驗

丹陽

代訂 | 丹陽CAFE SANN滑翔傘體驗

首爾 三清洞

三清洞「BR雪糕」介紹

首爾 三清洞

三清洞「BR雪糕」介紹

查看更多

---

韓國新知

韓國共享滑板車

好多人都可能唔太知道韓國最近新興起呢一種滑板車，呢一啲滑板車唔係私人嘅，而係喺街上面俾大家共享租借嘅！目前韓國比較大嘅租滑板車公司分別有GogoSing同埋KICKGOING。兩間其實嘅差異都唔大，但KICKGOING嘅分布點主要都係喺遊客區比較多，所以可以租借嘅滑板車數量都比較多！ 上面呢幅圖係GoGoSing嘅租借頁面，每5分鐘就係1000韓幣，而KICKGOING就係每10分鐘1000韓幣。其實使用方式非常之簡單，就係先下載佢哋嘅應用程式然後加入會員。不過要注意嘅就係註冊嘅時候都一定要有韓國電話號碼進行本人認證。另外，如果冇駕照嘅人，可能有一啲功能係唔可以用。 登入咗之後就可以加入自己嘅俾錢方式，亦都可以睇到自己附近嘅共享滑板車喺邊度。另外都建議大家玩緊嘅時候都要帶安全帽，同埋飲完酒之後就唔好用啦！ 大家搵到想租嘅滑板車之後，掃描上面嘅QR code就可以租借，租借完之後，可以喺應用程式裏面㩒租借結束，就可以還車㗎啦！ 以上就係韓國街頭最新嘅滑板車介紹，所以而家嘅營運範圍都未係好大。普遍GogoSsing主要係遍布喺江南一帶，而KICKGOING就係喺弘大一帶，希望呢一個共享滑板車都可以越來越多人用，成為一個更加方便嘅交通方式！ 如果有更多想知嘅內容，都可以隨時留言或者dm話俾我哋知：） Instagram： ...

3 years ago

40335

韓國低卡雪糕

不過，近日韓國就推出咗好多款唔同嘅低卡雪糕，所以減緊肥嘅你都可以食甜品，唔怕有罪惡咁啦！ 韓國低卡雪糕 1. Lala Sweet Lalasweet 呢一款新雪糕唔單止卡路里好低，同時仲有好多口味揀！ 呢款雪糕一共有八隻味，分別係雲呢拿、朱古力、綠茶、士多啤梨、乳酪、薄荷朱古力、奶茶、同埋咖啡味。 呢款雪糕食晒成杯都只係260至280卡路里，真係食晒都冇負擔感呀！ 2. 1am Pickydiet 呢一款雪糕都係其中一款低卡雪糕。 雖然呢一款雪糕嘅味唔係好多選擇，但係呢個牌子嘅雪糕嘅味全部都係好獨特。 除咗有紫薯味之外，仲有海鹽芝士味，同埋無花果味添！ 呢一款雪糕嘅卡路里比起第一款仲更加低，全部都係百幾卡路里，想試吓唔同新口味嘅朋友就一定要試吓呢款啦！ 3. Skinny pig Skinnypig 呢一款雪糕都一樣係低卡雪糕嚟嘅。 佢嘅包裝仲好靚添！每一款雪糕上面都有一隻卡通豬喺上面！ 呢款雪糕都係有好多口味嘅，包括雲呢拿，朱古力，綠茶，咖啡，黑芝麻等等！ 小編我就最推介黑芝麻口味㗎啦！ 因為喺韓國真係好難搵到黑芝麻味嘅雪糕，所以因為呢個牌子有黑芝麻味小編真係好開心呀！ 講個秘密俾你知，小編寫緊呢篇文嘅時候都食緊黑芝麻味嘅雪糕添啊！ 其他延伸閱讀 ...

4 years ago

4867

雪濃湯係點嚟？

其實叫就叫雪濃湯，但其實食材同埋烹煮方法講嘅話，應該要叫「牛雜碎湯」。之所以有雪濃湯呢個詞，其實係因為喺朝鮮時代嘅祭祀活動「先農祭（선농제）」之中，係會將牛熬煮成湯，擺埋大迷、肉類、然後由皇帝親自去田地（親耕）嘅儀式。等活動完咗之後，會現場煮飯，然後熬湯俾60歲以上嘅百姓飲。 相傳有一日，世宗大王親耕嘅時候突然落大雨，無辦法返去祭祀壇嘅主位。亦因為餓得太耐，就將親耕嘅時候捉咗嘅牛燉煮肉湯同現場嘅百姓分享，所以叫做「先農湯（선농탕 / Seon-Nong-Tang）」。 久而久之，「先農湯」嘅發音有變而變成「雪濃湯（설렁탕 / Seol-Reong-Tang）」。以前百姓食唔起好食嘅牛嘅部位，牛骨都會攞去比王宮貴族燉湯，百姓都只可以攞到剩低嘅內臟同埋肥肉，所以雪濃湯其實就係牛雜碎湯。 有另外一種講法就係雪濃湯其實係源於蒙古嘅酒樓，意思係用牛肉、馬肉、羊肉熬煮嘅肉湯。呢啲食物喺高麗時代後期傳到去朝鮮半島，成為咗以牛為主嘅牛雜碎湯。 近代嘅韓國雪濃湯 日本帝國殖民時期，日本人為咗支援戰爭前線一啲物資，所以就喺韓國大量飼養牛隻。瘦肉或者好嘅牛肉部位都運曬去日本，而韓國只係得返啲內臟同埋骨頭，將剩低嘅都熬成大鍋湯，客人嚟嘅時候就可以好快咁俾佢哋飲。 當時嘅雪濃湯（牛雜碎湯）相當流行，都開始有雪濃湯嘅外賣。喺韓國20、30年代裡面，雪濃湯成日都出現喺啲報章，就算物價上升咗，最常被提到嘅代表性食物都係雪濃湯。 大家食雪濃湯嘅時候有冇發現裡面有麵呢？呢種食法其實係喺1970年先出現，政府為咗鼓勵大家用多啲麵粉，所以就喺雪濃湯裡面加多咗幼麵，可以幫助消除雪濃湯裡面過重嘅肉味。而家嘅雪濃湯其實都係一碗湯配白飯，然後再倒醃蘿蔔嘅湯汁或者其他小菜一齊食。 牛骨湯係咩？ 除咗雪濃湯，大家都應該有聽過「牛骨湯」，其實佢同雪濃湯有啲似，有啲唔太一樣。牛骨湯嘅代表地區其實係羅州，不過有好多人都覺得雪濃湯同牛骨湯係同一樣野。 除咗商業用嘅肉類之外，剩低嘅肉同埋內藏就由羅州當地嘅工人自己燉煮嚟食。不過，因為食材唔係咁乾淨，腥味都好重，所以要經過長時間嘅熬煮同埋去雜質，先變成大家今日見到嘅牛骨湯。 如果真係要講出兩樣有咩大分別嘅話，可以話雪濃湯係用牛骨同埋碎肉、內臟，熬出近透明嘅湯頭；而牛骨湯係用牛肉去熬燉，撈走泡沫同埋油脂之後剩低清澈濃郁嘅湯。唔知大家鍾意雪濃湯多啲定係牛骨湯多啲呢？ 如果有更多想知嘅內容，都可以隨時留言或者dm話俾我哋知：） Instagram： ...

3 years ago

74458

BR雪糕30年嚟銷量最好嘅口味Top5

BR雪糕（31冰淇淋）呢個牌子，韓國嘅男女老少都非常之鍾意食！ 佢哋每個月都會出一個新嘅口味，有時仲會同一啲卡通或者藝人合作推出新產品或者新口味。 最近佢哋就分別同咗BTS、KakaoFriends嘅Ryan同埋李光洙合作。 相信大家每次嚟韓國旅行幫襯呢一間雪糕嘅時候，都會企喺佢哋個雪糕櫃面前好耐，十五十六咁樣唔知食邊一隻口味好。 今日小編就話俾大家知，佢哋係呢30年入面賣得最好嘅五隻口味係邊啲啦！ 第5名 - Shooting Star 清新嘅車厘子果醬加埋爆炸糖，絕對可以刺激到你嘅味蕾！ 唔少人一開始試嘅時候，都覺得呢隻味冇乜特別，甚至覺得唔好食。 不過好多人都覺得，呢一隻味係越食越有佢特別嘅感覺，如果大家未試過，下次嚟都可以試下。 第4名 - Cherries Jubilee 香濃嘅車厘子味，加上車厘子果肉，令到口感好豐富！ 鍾意甜甜酸酸嘅話，定要試吓呢個味道。 第3名 - Twinberry Cheesecake 由士多啤梨同藍莓呢兩種果醬加埋芝士粒，呢三樣嘢組合埋一齊完全係變咗「雙莓芝士蛋糕」咁。 裏面嘅芝士粒都非常之大粒，而且芝士味好香濃。 所以每食一啖都覺得好似食緊芝士蛋糕咁樣！ 第2名 - Almond Bonbonbon 男女老少都好鍾意食嘅口味！ 用雲呢拿雪糕做底層，再加上甜甜嘅朱古力醬同埋杏仁粒。 食落唔單止口感豐富，仲好有層次感添！ 第1名 - Puss In Boots 用白朱古力、黑朱古力同埋牛奶朱古力，呢三種朱古力雪糕組成嘅一個口味。 入面仲有唔少好似麥提沙咁樣嘅朱古力脆脆，所有嘢融合埋一齊真係好好食！ 鍾意食朱古力嘅朋友真係唔可以錯過啊！ 31雪糕有咁多種口味，而且每個月都會有一款係當月新出嘅限定口味。 唔知大家最鍾意嘅又係邊一隻味呢？ 下次去韓國嘅時候都可以試一試上面呢5隻味啊！ ...

4 years ago

3084

Melona蜜瓜味雪條嘅身世秘密

Melona蜜瓜味雪條係Binggrae喺1992年1月推出嘅產品，佢香甜嘅味道同creamy嘅口感成功嬴得男女老少嘅喜愛，就算到而家都係Binggrae嘅代表雪條嚟！只但係喺幾年前，網上有唔少人爆料，其實呢款雪條竟然係用韓國甜瓜做！引發好多人都對呢款雪條究竟係咪真係蜜瓜味嘅討論，更有好多人話覺得俾melona背叛咗咁話！🤣 經過好多嘅訪問之後，迷底終於解開！ 原來最當初嘅蜜瓜味嘅melona真係用韓國甜瓜做㗎！因為當初Binggrae計劃呢款雪條嘅時候，全靠佢哋嘅職員親自走到去東南亞先發現到蜜瓜呢種綠色嘅生果，嗰時佢哋一試食就覺得一定要開發呢隻味道。不過因為韓國本土並冇生產蜜瓜，經過空運送去韓國嘅蜜瓜都因為各種保存問題，送到韓國就變得唔好食，加上負責嘅研究人員都對蜜瓜嘅味道都好陌生，所以令成個開發過程都充滿難關。 연합뉴스 最後唯有喺韓國搵同蜜瓜最相似嘅代替，而喺過程佢哋就發現咗韓國甜瓜啦！其實蜜瓜同韓國甜瓜算係差唔多嘅品種，所以味道都好類似，但就係因為呢個少少改變，Binggrae成功開發咗蜜瓜味雪條，而且因為韓國甜瓜係韓國大眾熟悉嘅味道，所以都令佢更快咁得到高人氣！ 雖然喺啱啱推出嘅時候，的確有參考到韓國甜瓜嘅味道，不過而家嘅melona蜜瓜味就真係用我哋熟知嘅蜜瓜去做，所以大家都唔好覺得俾佢背叛咗啦🤣 番外 番嚟嘅時候melona（올 때 메로나） （TOUS les Jours同Melona合作，廣告詞為올 때 메로나） 最後同大家介紹一個同melona有關嘅term，就係「番嚟嘅時候記住買melona（올 때 메로나）」啦。對於佢嘅來源，有好多唔同嘅講法，唔知邊個啱，但可以知道嘅係佢大概已經出現咗10幾年！佢最常嘅用法係家人或者朋友出街嘅時間，叫佢順便買melona番嚟嘅意思。喺網上嘅話，叫暫停咗嘅玩家快啲番嚟玩，都可以用呢個term。或者係當兵時候，當有放假或者喺出面過夜嘅後輩，笑佢哋放完假都係要番嚟繼續訓練嘅時候都可以㗎！ 以上就係Melona蜜瓜味雪條嘅身世秘密啦，唔知大家又對呢個冷知識有咩睇法呢？歡迎留言話我哋知！ 如果有更多想知嘅內容，都可以隨時留言或者dm話俾我哋知：） Instagram： ...

a year ago

7825

韓國偶像BR雪糕pick

嚟韓國又點可以唔食BR雪糕？每一次諗返酒店都要買定杯！咁多款口味你又最鍾意邊款？唔知大家同偶像嘅口味又一唔一樣呢？ 韓國偶像BR雪糕pick BTS Jin - COTTON CANDY WONDERLAND BTS SUGA - SHOOTING STAR BTS J-hope - MINT CHOCOLATE CHIP BTS RM - PUSS IN BOOTS BTS Jimin - NEW YORK CHEESECAKE BTS V - ALMOND BONBON BTS 柾國 - GREEN TEA EXO 伯賢 - VERY BERRY STRAWBERRY + APPLE MINT EXO 燦烈 - COTTON CANDY WONDERLAND ＋SHOOTING STAR EXO SuHo - APPLE MINT EXO 世勳 - CHOCOLATE FOREST EXO Kai - COTTON CANDY WONDERLAND EXO D.O - MINT CHOCOLATE CHIP NCT Taeil - NEW YORK CHEESECAKE ＋ CHOCOLATE FOREST NCT JOHNNY - LOVE STRUCK STRAWBERRY NCT 泰容 - PUSS IN BOOTS NCT 悠太 - MINT CHOCOLATE CHIP NCT 道英 - ALMOND BONBON봉 ＋ NEW YORK CHEESECAKE NCT 在玹 - GREEN TEA ＋ PUSS IN BOOTS NCT 延祐 - MINT CHOCOLATE CHIP ＋GREEN TEA NCT Lucas - LOVE STRUCK STRAWBERRY NCT Mark - PUSS IN BOOTS NCT 仁俊 - CHERRIES JUBILEE NCT Jeno - RAINBOW SHERBET NCT 楷燦 - ALMOND BONBON ＋ 31 YOGURT NCT 渽民 - PUSS IN BOOTS NCT 志晟 - PUSS IN BOOTS SEVNETEEN DK - MINT CHOCOLATE CHIP SEVENTEEN 勝寛 - GREEN TEA SEVENTEEN 淨漢 - PISTACHIO ALMOND SEVENTEEN 圓佑 - RAINBOW SHERBET SEVENTEEN S.COUPS - CHEERIES JUBILEE SEVENTEEN 珉奎 - MINT CHOCOLATE CHIP ＋ CHEERIES JUBILEE MONSTA X I.M - RAINBOW SHERBET MONSTA X 民赫 - COTTON CANDY WONDERLAND MONSTA X 基賢 - PUSS IN BOOTS MONSTA X SHOWNU - NEW YORK CHEESECAKE MONSTA X 周憲 - SHOOTING STAR GOT7 JB - MINT CHOCOLATE CHIP GOT7 Mark - CHOCOLATE GOT7 Jackson - VANILLA GOT7 榮宰 - SHOOTING STAR GOT7 BamBam뱀뱀 - SHOOTING STAR GOT7 有謙 - PUSS IN BOOTS TWICE 娜璉 - LOVE STRUCK STRAWBERRY TWICE Sana - TWINBERRY CHEESECAKE TWICE 彩瑛 - MINT CHOCOLATE CHIP TWICE 子瑜 - OREO COOKIE AND CREAM TWICE MOMO - NEW YORK CHEESECAKE Red Velvet Irene - 31 YOGURT Red Velvet Seulgi - PUSS IN BOOTS ＋CHOCOLATE FOREST Red Velvet Wendy - JAMOCA ALMOND FUDGE ＋ GREEN TEA Red Velvet Joy - MINT CHOCOLATE CHIP ＋ CHERRIES JUBILEE Red Velvet Yeri - 31 YOGURT ITZY 禮志 - LOVE STRUCK STRAWBERRY ＋ 31 YOGURT ITZY 彩領 - LOVE STRUCK STRAWBERRY ＋ALMOND BONBON IU - MINT CHOCOLATE CHIP 以上就係偶像鍾意食嘅各種BR雪糕口味，好多時都係佢哋喺Live或者fan meeting講過，唔知同大家嘅口味又夾唔夾呢？歡迎大家留言話俾小編知。 如果有更多想知嘅內容，都可以隨時留言或者dm話俾我哋知：） Instagram： ...

3 years ago

51986

查看更多

---

---