Melona蜜瓜味雪條嘅身世秘密
原來一開始Melona蜜瓜味雪條竟然唔係用蜜瓜做？究竟佢有咩身世秘密呢？
Hello，大家好，我哋係由韓國人每日提供最新韓國旅行資訊嘅Creatrip。
講到韓國最出名嘅雪條，相信唔少人都會諗起Binggrae出品嘅melona雪條啦！當中就屬綠色包裝嘅蜜瓜味最受歡迎，無論係韓國定係海外，呢隻味嘅受歡迎程度都係No.1！不過你又知唔知原來呢隻蜜瓜味melona都好似韓國主角咁，有好特別嘅出身故事呢？今日就等小編嚟同大家介紹吓呢個故事啦！
本身蜜瓜味melona竟然唔係用蜜瓜做？
Melona蜜瓜味雪條係Binggrae喺1992年1月推出嘅產品，佢香甜嘅味道同creamy嘅口感成功嬴得男女老少嘅喜愛，就算到而家都係Binggrae嘅代表雪條嚟！只但係喺幾年前，網上有唔少人爆料，其實呢款雪條竟然係用韓國甜瓜做！引發好多人都對呢款雪條究竟係咪真係蜜瓜味嘅討論，更有好多人話覺得俾melona背叛咗咁話！🤣
經過好多嘅訪問之後，迷底終於解開！
原來最當初嘅蜜瓜味嘅melona真係用韓國甜瓜做㗎！因為當初Binggrae計劃呢款雪條嘅時候，全靠佢哋嘅職員親自走到去東南亞先發現到蜜瓜呢種綠色嘅生果，嗰時佢哋一試食就覺得一定要開發呢隻味道。不過因為韓國本土並冇生產蜜瓜，經過空運送去韓國嘅蜜瓜都因為各種保存問題，送到韓國就變得唔好食，加上負責嘅研究人員都對蜜瓜嘅味道都好陌生，所以令成個開發過程都充滿難關。
연합뉴스
最後唯有喺韓國搵同蜜瓜最相似嘅代替，而喺過程佢哋就發現咗韓國甜瓜啦！其實蜜瓜同韓國甜瓜算係差唔多嘅品種，所以味道都好類似，但就係因為呢個少少改變，Binggrae成功開發咗蜜瓜味雪條，而且因為韓國甜瓜係韓國大眾熟悉嘅味道，所以都令佢更快咁得到高人氣！
雖然喺啱啱推出嘅時候，的確有參考到韓國甜瓜嘅味道，不過而家嘅melona蜜瓜味就真係用我哋熟知嘅蜜瓜去做，所以大家都唔好覺得俾佢背叛咗啦🤣
番外
番嚟嘅時候melona（올 때 메로나）
（TOUS les Jours同Melona合作，廣告詞為올 때 메로나）
最後同大家介紹一個同melona有關嘅term，就係「番嚟嘅時候記住買melona（올 때 메로나）」啦。對於佢嘅來源，有好多唔同嘅講法，唔知邊個啱，但可以知道嘅係佢大概已經出現咗10幾年！佢最常嘅用法係家人或者朋友出街嘅時間，叫佢順便買melona番嚟嘅意思。喺網上嘅話，叫暫停咗嘅玩家快啲番嚟玩，都可以用呢個term。或者係當兵時候，當有放假或者喺出面過夜嘅後輩，笑佢哋放完假都係要番嚟繼續訓練嘅時候都可以㗎！
以上就係Melona蜜瓜味雪條嘅身世秘密啦，唔知大家又對呢個冷知識有咩睇法呢？歡迎留言話我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
