全部

韓國旅行

韓國住宿

韓國購物

韓國新知

語言學校

---

旅行資訊 行程預約

韓國

Link Korea KT SIM卡（無限上網、機場/明洞領取）HKD 99.76

4.9(143)

韓國

Link Korea KT SIM卡（無限上網、機場/明洞領取）HKD 99.76

4.9(143)

仁川 仁川機場

Wifi Dosirak WiFi蛋（無限上網、機場領取）HKD 14.02 16.07

4.9(27)

仁川 仁川機場

Wifi Dosirak WiFi蛋（無限上網、機場領取）HKD 14.02 16.07

4.9(27)

韓國

LG U+ SIM卡（無限上網、機場領取）HKD 84.8 99.76

4.9(249)

韓國

LG U+ SIM卡（無限上網、機場領取）HKD 84.8 99.76

4.9(249)

仁川

82 Broad × SKT WiFi蛋（無限上網、機場領取）HKD 18.29 48.77

4.6(5)

仁川

82 Broad × SKT WiFi蛋（無限上網、機場領取）HKD 18.29 48.77

4.6(5)

首爾

[試堂] 韓文網上私補課程/網上韓文堂 | Teacher AnneHKD 121.93 152.42

5.0(5)

首爾

[試堂] 韓文網上私補課程/網上韓文堂 | Teacher AnneHKD 121.93 152.42

5.0(5)

濟州

SKT SIM卡（無限上網、濟州機場領取）HKD 89.79

濟州

SKT SIM卡（無限上網、濟州機場領取）HKD 89.79

查看更多

搵唔到你想去嘅地方/想預約嘅體驗？

建議

---

旅行資訊 獨家優惠券

首爾 明洞

新羅免稅店（網上商店獨家）特別折扣

5.0(4)

首爾 明洞 新羅免稅店（網上商店獨家）特別折扣

5.0(4)

---

旅行資訊 旅遊資訊

首爾 弘大

弘大上水美食推薦

首爾 弘大

弘大上水美食推薦

仁川

韓國上網｜Wifi Dosirak WiFi蛋（無限上網）

仁川

韓國上網｜Wifi Dosirak WiFi蛋（無限上網）

韓國

2024 韓國SIM卡&WIFI蛋比較

韓國

2024 韓國SIM卡&WIFI蛋比較

韓國

韓國上網｜Link Korea KT 4G SIM卡

韓國

韓國上網｜Link Korea KT 4G SIM卡

首爾 弘大

弘大「平壤酒館」介紹

首爾 弘大

弘大「平壤酒館」介紹

韓國

韓國上網/電話卡｜親故通信預付SIM卡（機場、門市領取/韓國境內郵寄）

韓國

韓國上網/電話卡｜親故通信預付SIM卡（機場、門市領取/韓國境內郵寄）

查看更多

---

韓國新知

韓國網吧知多啲

大家嚟旅行嘅時候可能都會成日見到「PC방」呢一個招牌，但大家又知唔知呢個係咩嚟呢？其實PC방就即係韓國嘅網吧，喺韓國去網吧娛樂消遣係一件好平常嘅事。就算係情侶拍拖約會嘅時候，好多時都會揀去網吧一齊打機。 喺韓國點先搵到網吧？ 韓國周圍都有好多網吧，特別係大學區就更加多，佢哋大部分都係建築物嘅地下或2樓。 韓國網吧價格 韓國嘅網吧價格有分會員同埋非會員，非會員係逐次計錢，價格相對貴啲啲。去到網吧登記成為會員，再喺電腦系統上面揀每一次會用嘅時間長度，用去增值就得。通常30-45分鐘係1000won(~HKD$7)或者每小時最少1200won(~HKD$8)。不過一次過增值越長時間，價格都會越平。 韓國網吧嘅網速度係點？ 一般網吧嘅網速係300-570mbps，但係如果有啲網吧冇揀啱網絡供應商，喺人多嘅時候，可能連100mbps都冇。另一件要小心嘅係，因爲有啲網吧係冇安裝Chrome。對於有啲要喺韓國網吧Reg科或者搶演唱會飛嘅人就會比較冇咁方便，因為有啲系統只係支援Chrome呢一個瀏覽器。 網吧都有好嘢食？ 大部分韓國人都會係網吧飯食飯，公仔麵、辣炒年糕、即食飯、炸雞啤酒、熱狗、咖啡等通通都有，價格由2,500won至7,500won不等，超抵食！只要坐喺個位度，用電腦落單，職員就會準備好食物再送到去你個位。完全唔使行嚟行去，就可以好方便咁落單同埋有嘢食。 網吧都係韓國人釋放壓力嘅好地方，大家嚟韓國旅行嘅時候又有冇去過韓國嘅網吧度體驗一下呢？之後機會嚟韓國旅行嘅時候，都不妨抽少少時間去體驗一下韓國嘅網吧文化啊！ 如果有更多想知嘅內容，都可以隨時留言或者dm話俾我哋知：） Instagram： ...

3 years ago

93848

韓國搵工網

職位空缺數量目前超過100,000，除咗求職，佢仲係Albamon兼職求職網站嘅營運商，要喺呢度搵到工作，要先註冊再寫填寫履歷表。 職位分為幾類，只需要按關鍵字搜索就可以，但一定要用韓文搜索！ 2. Saramin * 網址: * 有手機APP Job Korea嘅競爭對手係Saramin。 呢間亦都係韓國好好嘅求職平台，建議申請一個account再喺平台上傳履歷。 Saramin會將你嘅履歷直接send俾僱主、安排面試等，一切都幫你準備好曬 。 入面仲有好多兼職，如果想搵兼職嘅大家可以去睇下！ 3. Career * 網址: * 有手機APP 可以參考另一個嘅求職網站係Career（커리어），同Job Korea、Saramin冇啲類似。 用呢個求職平台並唔難，但係就一定要識啲基本韓文先可以用到！ 4. Incruit * 網址: * 有手機APP Incruit係由Incruit Corporation（總部係位於首爾嘅韓國領先網絡公司）係喺1998年開發嘅招聘平台。 除咗喺韓國經營求職網站之外，Incruit仲喺其他18個國家/地區提供求職網站，例如美國、英國、香港、新加坡等。 5. KOTRA Job Fair * 網址: * 冇手機APP 呢個係韓國貿易投資促進會組織嘅招聘會，主要招聘對象係韓國國際學生。 呢個係招聘會每年都會舉辦，求職者可以直接同僱主進行諮詢同面試。 不過上年因為Covid-19關係就改咗online舉行。 大家可以喺KOTRA招聘會鏈接上查詢日期、時間同參與方式（通常會喺每年10月舉行）！ 6. 兼職網 如果淨係想搵兼職，可以參考albamon同albajeonkuk呢2個平台。 * 網址: , * 有手機APP 呢個係韓國兩個最大嘅求職平台，例如餐廳、Cafe等都可以喺度搵到。不過一定要注意招聘時會唔會請外國人，因為有好多地方係唔接受外國人。 上面係可以參考嘅6個韓國求職平台。 希望呢篇文可以為大家帶嚟有用嘅信息啦！ 如果有更多想知嘅內容，都可以隨時留言或者dm話俾我哋知：） Instagram： ...

4 years ago

109320

3秒就分到牛奶有冇變壞

首先喺個杯度倒入凍嘅礦泉水，然後滴一兩滴牛奶入去試一下。 如果牛奶一滴落去就即刻喺水入面好快擴散，唔沈落去嘅話，咁樣牛奶就係變咗質㗎啦！ 相反，如果係新鮮冇變質嘅牛奶，就會沉入水入面之後混合埋一齊。 2. 滴喺指甲上面 Dispatch 如果係新鮮嘅牛奶，滴落指甲上面就會保持原形，就好似上面左圖咁。 不過如果係變咗質嘅牛奶就會喺指甲上面散開，就好似右圖咁！ 變咗質嘅牛奶可以點樣用？ 1. 皮革清潔劑 Dispatch 過咗期嘅牛奶會隨住變質而變成鹹性，以變鹹嘅牛奶對擦皮革嘅製品好有效果㗎！ 所以如果咁啱屋企有變咗質嘅牛奶，都唔使額外再買皮革清潔劑，就可以幫皮革做清潔啦！ 2. 雪櫃除臭 Dispatch 將變咗質嘅牛奶放入雪櫃，可以變成除臭，因為牛奶入面嘅脂肪成份係可以去除惡臭㗎！ 3. 皮膚管理 Dispatch 相信唔使小編講，大家都知道用嚟做皮膚管理都係牛奶嘅一大好處！ 唔止新鮮嘅牛奶，其實用變咗質嘅牛奶都可以㗎 ！ 用牛奶嚟敷面嘅話，可以同時見到保濕同埋美白兩種效果。 如果到咗夏天好大太陽嘅季節，用牛奶嚟冰敷曬傷咗嘅皮膚，都可以有好好嘅鎮定效果。 4. 拋光劑 Dispatch 喺布上面倒少少變咗質嘅牛奶上去，輕輕咁樣抹下傢俬同埋皮革製品，佢哋就會變得閃閃發光。 另外，一啲已經冇咗光澤嘅金屬製品，如果浸喺變咗質嘅牛奶入面10分鐘左右再沖水，都會變得閃閃發光。 5. 去除原子筆跡 Dispatch 用牙刷濕少少牛奶，喺有原子筆跡嘅部份輕輕咁樣擦一擦，啲筆跡就會完全咁樣消失。 因為喺牛奶變質之後，會變成鹹性，可以中和左原子筆嘅成份。 Naver 以上就係變咗質嘅牛奶可以點樣分辨同埋使用嘅方法啦！ 唔知有冇幫到大家呢？ 其他延伸閱讀 ...

4 years ago

3989

韓國網絡講師職業介紹

第一：有演播室講義版本，老師會租用攝影棚進行拍攝，通過上傳嘅方式去聽堂。 第二：有學院授課版本，拍攝學院實際授課嘅內容，編輯之後再喺網上上堂嘅方式。 theqoo 呢種網絡授課有好多優點，因爲比較高質嘅私家教育大部分都係集中喺首爾，所以唔係首爾生活嘅學生好少有機會去聽呢種私家教育。 orbi 特別係首爾江南同鷺樑津聚集咗大部分嘅補習班，甚至仲有好多去聽補習班課程嘅學生住嘅考試院。 不過最得益嘅都係網上補習班，因為即使唔係喺首爾生活，都可以上到高質嘅補習班，甚至比實際去上堂仲要平好多。 SKYedu 咁大家係咪都好好奇呢啲網上補習班可以喺邊度聽呢？ 韓國有好多網絡授課平台，Megastudy、Etoos、Skyedu、大成MyMac等都係代表性嘅網絡授課平台網站，就好似藝人簽約娛樂公司咁，進行網上補習班授課嘅網絡講師都係屬於呢種模式去簽約。 Etoos 網絡講師同網上補習班平台簽訂專屬合約，喺簽約期間，佢所影嘅所有網上補習堂都只可以喺佢哋嘅授課平台上面睇。如果佢哋聘請咗出名嘅講師，佢哋公司嘅銷售額都會即刻上升，所以好似呢啲情況咁，佢哋啲訂金會超過100億韓幣。 舉個例子，有個網站係14年嚟一直銷售額都保持喺第一位，不過隨着佢哋入面最出名嘅數學講師轉到去另外一個網站，佢哋嘅銷售額即刻跌到落第二位，大家就可以知道網絡講師嘅力量到底有幾勁，咁到底佢哋係啲咩人嚟嘅呢？ 網絡講師 서울경제 網絡講師雖然一開始冇固定嘅渠道，但係大部份都係通過相似嘅渠道進行網絡授課。佢哋大部份都係由學院講師開始做起，有啲就係做啲小型補習班，細規模咁教學生。 kbs news 做補習社嘅講師係好似香港咁，唔需要有咩特別資格證。專科大學畢業生或者有相同水平以上學歷嘅人都可以註冊成為學院講師。 其實對於補習社嘅講師嚟講，最重要都係教書嘅能力，如果好好咁教學生，學生人數自然會增多，口碑都會變好。 Etoos 喺啲細嘅補習班累積經驗，再轉到去規模比較大嘅大型補習社，嗰陣開始就應該會接到啲網絡授課公司嘅邀請，通過合約就可以開始做網絡講師，所以網絡講師唔係想做就可以做到，係要透過不斷累積經驗先可以有機會做到嘅職業。 tong 另外如果想成為有人氣嘅講師，就必須要有魅力，以人氣著稱嘅講師大部份都有幽默嘅口才，同事可以兼備引領學生前進嘅領導風範。 유튜브 메가스터디 亦都因為呢啲而成爲咗賣點，所以最近網絡授課公司嘅官方YouTube頻道仲剪輯咗網課講師嘅有趣笑話同故事，要想成爲咁有人氣嘅講師，真係需要付出一切努力。 網課教師年薪 網絡講師嘅年薪由同公司嘅定金、講課費同教材銷售費構成，所以網絡講師嘅年薪係根據唔同嘅講師而有所不同。 因爲知名、教得好嘅講師真係形成咗好似偶像粉絲級嘅人氣，所以講課費同教材銷售費都可以費啲，因爲教材都係講師親自編寫，所以版權都歸講師所有。 유튜브 theMEGASTUDY 另外就好似前面提到嘅咁，爲咗帶走呢啲人氣講師，公司會支付巨額定金，所以佢哋嘅年薪係超乎想象。 중앙일보 爲咗處理佢哋嘅業務，會同經紀人、祕書同多名助教一齊工作。TOP 10嘅人氣講師，幾乎都有30位工作人員一齊工作，根本就係一間小企業！ 咁小編就介紹一下喺韓國賺得最多錢嘅兩位網絡講師啦！ 1. 玄宇鎮（音譯） 메가스터디 而家韓國人氣網絡講師入面收入最高嘅人就係最初介紹嘅數學講師玄宇鎮。 玄宇鎮係斯坦福大學嘅數學系出身，10年前開始就喺江南嘅學院好出名，而家以2021年爲基準，喺線上科目聽課綜合排名第一。 페이스북 메가스터디 2018年玄宇鎮喺自己嘅Instagram上面講過自己製作嘅教材總銷量爲99萬本，至今爲止製作同銷售嘅書全部堆起來的話，係珠穆朗瑪峯高度嘅3倍咁多。 tong 雖然係冇公開到準確嘅年薪，但估計大概係喺200億到300億左右，世界級足球選手孫興慜嘅年薪都先大概係108億，可見佢嘅年薪有幾高。 유튜브 theMEGASTUDY 聽講佢住喺價值250億韓幣左右嘅韓國最貴公寓入面，擁有喺江南320億韓幣左右嘅財產，唔洗貸款用現金購買，睇嚟佢做網絡講師真係賺唔少。 2. 李智英（音譯） 이지영 트위터 李智英都係非常出名同有人氣嘅網絡講師，佢望要係教社會科目，累計聽講者超過300萬名。 유튜브 leejiyoung official 李智英係衆多高中生嘅偶像同榜樣，雖然度過咗好貧困嘅童年，不過每日淨係瞓3個鐘，好勤力咁去學習，去到而家獲得好大嘅成功，所以李智英以向學生提供好多對人生有幫助嘅建議而聞名。 유튜브 leejiyoung official 李智英曾經通過自己嘅YouTube頻道QnA提及過自己嘅財產，2014年之後年薪從未下降到100億韓元以下。 另外應訂閱者的要求，公開咗一個賬戶嘅存摺餘額，足足有成130億韓幣左右嘅現金。 유튜브 leejiyoung official 李智英以鐘意超級跑車而聞名，擁有林寶基尼、法拉利等10輛左右高級汽車，甚至擁有私人遊艇，真係好犀利。 今日就同一齊了解咗韓國特殊嘅職業—網絡講師，相信大家如果冇睇呢篇文都唔知佢哋嘅人工有咁高，如果大家仲想睇關於呢一類嘅文章的話，不妨留言話俾小編知！ 如果有更多想知嘅內容，都可以隨時留言或者dm話俾我哋知：） Instagram： ...

4 years ago

39297

韓國網吧文化

隨住online game急速增長嘅需求，網吧亦開始不斷升級。 為咗令打機時個game行得順啲，比單純處理業務嘅電腦需要更高級，更多功能嘅電腦。 所以網吧嘅老闆喺互聯網服務同電腦設備方面投入咗大量資金。 令人驚訝嘅係，呢個都係韓國擁有世界最快網絡功能嘅原因之一。 韓國嘅互聯網供應商透過網吧賺取巨大嘅收益，然後再投資，令到韓國嘅網絡市場變得非常大。 而家網吧已經成為咗韓國人生活中不可或缺嘅文化之一。 喺學生時代，放學之後同鍾意打機嘅朋友仔一齊去網吧係家常便飯嘅事！ 韓國好多職業電競選手都話，細細個就同朋友一齊係網吧打機，對自己有好大嘅影響。 咁點解韓國人比起自己一個喺屋企打機，更加鍾意去網吧呢？ 去網吧嘅原因 1. 同輩文化嘅發展 同輩集體意識係韓國其中一個文化，特別係10多歲嘅時候，比起自己一個人，覺得同年紀嘅人一齊更重要。 根據韓國文化產業振興院（한국콘텐츠진흥원）發佈嘅《2020遊戲用戶實態報告書》顯示，喺網吧打機嘅原因，排名第一係「為咗同朋友相處」。 喺韓國網吧玩得最多嘅遊戲嘅係《絕地求生》（食雞）、《英雄聯盟》（LoL）、《鬥陣特攻》（overwatch）等競爭嘅遊戲。 同朋友一齊去網吧嘅時候，可以坐埋一齊，組隊打，或者同朋友對打。 小編身邊鍾意打機嘅朋友都會定期約住喺附近嘅朋友一齊去網吧打機。 2. 高級設備 之前都提到，韓國嘅網吧大多都有超好功能嘅電腦。 一般家庭好難買到可以玩高級遊戲嘅顯示卡或者ram。 為咗可以100%享受打機嘅快感，都會揀網吧嘅電腦，而唔係屋企嘅電腦！ gmanager 而且網吧嘅mon同keyboard都好啱打機用，好有feel！ 3. 網吧優惠 網吧優惠係指遊戲公司會提供優惠俾喺網吧打機嘅人。 同喺屋企打機嘅唔同，喺網吧打嘅話，可以獲得更多嘅經驗值，或者免費用道具嘅優惠！ 透過呢啲優惠政策，如果玩game嘅人去多咗網吧，遊戲公司最終都會獲得更多嘅利益，雙方可以獨得雙贏嘅效果！ 4. 飲食 近嚟嘅網吧已經唔係單純打機地方！喺韓國網吧可以食到各種各樣嘅嘢食。 幾年前嘅網吧淨係有杯麵同零食，但而家幾乎同餐廳冇咩分別。 韓國大部分網吧都另外有經營餐廳嘅牌照，同時提供網吧、餐飲服務。 有蓋飯、熱狗、漢堡包、炸雞、咖喱⋯⋯款式分分鐘仲多過普通嘅小食店啊！ 所以有人話喺網吧打工好唔簡單😅 又要管理網吧，仲要識得煮返幾味！ 小編有朋友喺網吧打過工，話比起管理網吧，煮嘢食花嘅時間更多！ 網吧體驗記 為咗俾大家呈現更真實嘅體驗，小編親自去網吧玩啦！ 因為平時唔多打機，所以網吧對小編嚟講唔係好熟悉🙄只係喺需要快速上網嘅時候先會去網吧（例如搶飛、reg 科😜）！ 所以今次叫埋一個由細去網吧去到大嘅朋友一齊去！ 今次去嘅係一間位於新村大學街嘅網吧！ 可能係因為星期日夜晚，加上疫情關係，喺大學街附近嘅學生唔多，所以好少人。 網吧入口嗰度有部咁樣買使用券嘅機器，喺首頁揀付款方式 ，可以用現金（현금）、信用卡（신용카드）等等，小編揀用信用卡嚟俾錢。 撳去下一個畫面，就係按時收費嘅價目表。 因為小編唔係呢度嘅會員，所以撳非會員價（비회원요금）嗰頁度買！ 1個鐘30分鐘要2000won（約HKD14）， 小編覺得幾平，但朋友話有啲貴。 因為成日去網吧嘅人都會喺屋企附近嘅網吧做會員，會員價比非會員價平！ 充值之後就可以用，通常一充就充幾個鐘。 按照呢個方法揀使用時間嘅話，就會有一張好似相入面咁嘅收據印出嚟！ 雖然每間網吧嘅售票機都有啲唔同，但使用方法都差唔多。 如果唔識用嘅話，可以去counter搵職員幫手 😊 網吧入面好大好闊落！ 喺外面完全睇唔出有咁大！行個圈，揀個位坐就得啦！ 喺counter入面打工嘅職員係度整緊嘢食， 一次要準備三樣嘢，真係好忙⋯⋯ 網吧正中間有吸煙室，以前網吧係冇設吸煙室，因為唔屬於禁煙區，所以以前啲人經常喺網吧一路打機一路食煙，令到啲父母好唔鍾意自己未成年嘅仔女去網吧。 不過2013年開始禁止喺網吧食煙，網吧入面就出現咗吸煙室！ 打打吓機想食煙嘅話，就可以入去食。 小編同朋友想靜靜哋咁玩game，所以揀咗個角落頭嘅位嚟坐。 開著電腦之後就會自動彈出一個登入嘅畫面，頭先係售票機買使用券嘅收據上面寫住「670」，就係非會員登入嘅號碼啦！輸入之後撳登入就可以用部電腦㗎啦！ 右上方嘅程式menu上可以確認剩餘時間。 有時打機打得太投入，冇睇到剩低嘅時間，夠鐘就會被強制終止，所以一定要好好check住時間啊！ 個mon係咪好大呢？畫面同功能都好好，唔係好識打機嘅小編睇到都覺得喺咁嘅設備之下玩game會過癮！網吧嘅電腦登入之後會自動打開menu，喺嗰度可以揀遊戲。 「人氣遊戲」（인기 게임）、「online game」（온라인 게임）、「FPS/體育」（FPS/스포츠）、「休閒遊戲」等多個menu，揀自己鍾意嘅遊戲撳入去就可以！ 小編細個嘅時候玩過game，大咗之後幾乎冇再玩過，所以就撳入去小學時玩過嘅game😂 隻game叫「爆爆王」（Crazy Arcade），係2000年代韓國小學生最鍾意玩嘅game！ 雖然好耐冇玩，但同朋友一齊組隊，邊傾偈邊玩game，真係特別有趣！ 感受到點解打機嘅人咁鍾意去網吧啦！ 玩玩吓，個肚就開始餓啦。 去返頭先顯示剩餘時間嗰個畫面，撳入「點餐」（먹거리 주문），就會顯示可以叫嘢食嘅menu，小編一撳入去，嚇咗一跳！有咁多可以揀嘅？ 而家俾大家睇嘅只係其中一部分嘅menu！即食麵、蓋飯、薯條等等，真係有好多唔同種類嘅嘢食，單係即食麵就好多款！成個menu應該有過百款嘢食，有選擇困難症嘅小編真係頭都大埋😂 揀好咗之後就會顯示金額，再撳黃色嘅「落單」（주문하기），喺counter嘅職員就會收到order㗎啦！ 之後就會彈個「落單完成」嘅畫面，唔使再撳其他嘢，一邊玩game一邊等，嘢食好快就搞掂！ 職員攞過嚟嘅時候，準備好現金或者卡，方便職員過嚟收錢。 咖哩浣熊即食麵（카구리 ）+ 白飯（공기밥 ）+ 汽水（탄산음료 ）- 7500원（約HKD52） 呢個係朋友叫嘅餐，網吧將即食麵發明咗唔同嘅menu，其中呢個 카구리係「카레」（咖哩）同韓國一款即食麵「너구리」（浣熊即食麵）合併而成！ 浣熊即食麵比一般即食麵粗啲，再加埋咖喱，就好似食緊咖喱烏冬咁，係網吧嘅人氣menu。 小編試咗一啖，唔辣，仲好香咖哩味 ，真係好好食！ 炸雞沙律醬蓋飯（치킨마요덮밥 ）+ 汽水（탄산）- 6500원（約HKD45） 切到啱啱好大細嘅炸雞同雞蛋、紫菜，鋪喺飯上面，喺韓國小吃店、賣飯盒嘅舖頭好常見嘅menu。 撈勻咁食，可以食到撈咗香噴噴沙律醬嘅炸雞，同紫菜鹹鹹哋嘅味道！ 第一次喺網吧食飯，玩緊game嘅時候食一啖，覺得特別好味🤗 電腦game撈飯，唔知大家又試過未呢？ 同小編一齊去嘅朋友都話，就算係食平時食開嘅嘢食，喺呢度咁朋友邊玩邊食會覺得更加好味😋 最後玩嘅係韓國好多人玩嘅game——絕地求生（食雞）！ 雖然朋友真係好努力咁教小編玩，但係短時間內要學識實在太難啦😂😂最後都係放棄咗，一邊食住飯，一邊認真咁睇住朋友玩game，都幾開心啊！😆 大家睇完又想唔想嚟韓國嘅網吧度玩吓呢？鍾意打機嘅朋友一定要去！保證你唔會反悔，玩到唔想走啊！😁 如果有更多想知嘅內容，都可以隨時留言或者dm話俾我哋知：） Instagram： ...

2 years ago

70668

韓國直播文化

文章最初提過喺韓國做網上廣播嘅人叫BJ，呢個稱呼都係出自afreeca TV嘅廣播系統。當時其他平都有另外嘅叫法，不過因為afreeca TV實在太出名，所以後嚟都叫網上廣播嘅人總稱做BJ。 2007年開始出現「星氣球」(별풍선)系統。 「星氣球」係afreeca TV製作嘅全球第一個為1人廣播者贊助嘅系統。 一個星氣球值110韓元。 BJ儲夠某個數量嘅星球氣之後，就可以兌換成現金。 就咁樣有咗明確嘅收益來源，一人網上廣播就開始成熟。 afreeca TV嘅廣播整體上有啲偏為刺激。 以取代本身限制較多嘅電視嘅形象登場，由初期開始就容許刺激性發言或辱罵，呢種氛圍一直延續到而家。 afreeca TV除咗傾偈、送星氣球之外，就冇其他可以雙方溝通嘅方法， 所以好多afreeca TV嘅BJ為咗引觀眾笑而出盡全力。 2. Twitch Twitch係美國亞馬遜網站嘅網上廣播平台，係全球最大規模。 初期以遊戲廣播為主，而家喺其他領域都有做節目。 2015年，Twitch增加咗韓國服務器，同韓國人氣遊戲BJ簽合約，正式開始進軍韓國網上廣播市場。 之後，2016年afreeca TV被爆佢哋向BJ提出唔正當嘅要求，以各種理由要求支付費用，或者禁止其他平台播放等，對BJ拖加制約。 導致好多afreeca TV嘅人氣BJ紛紛轉移到Twitch。 Twitch可利用Twip、Toonation等其他贊助平台，向個人廣播者提供贊助。 喺Twitch會稱呢啲贊助「donation」。 Twitch donation最大特點係，喺贊助嘅同時可以附上message、語音、影片。 如果一邊做donation，一邊適當咁加埋message、語音、影片，觀衆都可以喺融入節目入面，一齊為大家帶來笑聲，所以同afreeca TV好唔同，Twitch嘅觀衆都可以引BJ或者其他觀衆笑！ 而家韓國好多流行語都係嚟自Twitch嘅。 3. YouTube Live YouTube提供嘅實時streaming服務嘅YouTube Live都好多人用。 YouTube喺幾乎所有人都用嘅App，所以喺YouTube Live嘅話可以接觸到好多人。 用YouTub Live做廣播嘅話，會喺YouTube上自動保存重播，所以對經營YouTube頻道嘅YouTuber嚟講係一個好大嘅優點。不過YouTube Live一般都係已經有一定數量觀衆觀看嘅YouTuber或BJ進行。 訂閱者達到1000名以上，先可以喺手機上做Live，呢個都係其中一個限制。 4. 其他 除咗前面介紹嘅三個平台之外，仲有一啲相對細型嘅平台。 最具代表性嘅就係韓國大企業Kakao同NAVER的Kakao TV、NAVER TV。 最近亦都流行電台形式嘅「Spoon Radio」。另外仲有「popkontv」等成人廣播嘅專用平台。 網上廣播嘅種類 網上廣告有好多種類，下面介紹一啲其中韓國最具代表性、最有人氣嘅節目種類。 1. Talk播 「Talk播」顧名思義就係同觀衆傾偈嘅廣播。 Talk播嘅BJ大多數都好識同觀眾互動，會以真實、有趣嘅方式，講述自己經歷嘅故事。 2. 吃播 「吃播」就係BJ展現自己食嘢嘅樣，呢種廣播喺韓國大行其道之後，海外對將韓文「먹방」（讀音：Mukbang）直譯成「吃播」， 有啲會一邊食嘢，一邊同觀衆傾偈，亦有啲會專注食物，特別播放食嘢時發出嘅聲音（ASMR）等等。 3. 煮播 煮播就係烹飪類嘅廣播。 擅長煮嘢食嘅人會透過廣播教大家食譜，一邊煮一邊同觀衆交流。 4. Game播 풍월량 방송 Game播就係關於打機嘅廣播。 BJ會喺節目度影自己玩online game、手機遊戲、遊戲機等各種畫面。 主要大畫面播住玩遊戲嘅畫面，用小畫面展示BJ嘅樣，或者播住玩遊戲嘅畫面，搭配BJ嘅聲音，同觀衆交流。 5. 學播 유튜브 노잼봇 學播就係同讀書、學習有關嘅廣播。 好似公務員考試呢啲需要長時間準備嘅人會播自己溫習嘅樣。 呢種節目通常都係見BJ好安靜咁坐喺度溫書，一坐就幾個鐘。 觀衆會一邊播住學播BJ溫書嘅廣播，一邊自己都讀書，就有種以非面對面形式，一齊學書嘅感覺。 6. 女cam / 男cam 此圖與本內容無直接關係 女cam或者男cam同上面介紹嘅種類有啲唔同。 女cam係指女BJ開鏡頭同觀眾對話嘅廣播，男cam就係指男BJ開鏡頭進行對話。 此圖與本內容無直接關係 不過單純女BJ或者男BJ開着個cam做廣播就叫咗男cam/女cam，通常呢類BJ都係冇主題，只係以展示自己出衆嘅外貌或身材為主。亦都因為咁，好多時睇呢類廣播嘅觀眾都會要求比較刺激性嘅內容，會講一啲好煽情嘅主題，BJ都會著一啲好暴露嘅衫吸引觀眾。 BJ嘅收入 한국경제 BJ嘅收入真係千差萬別。 認知度較低嘅BJ一個月可能都賺唔到5萬韓元，但係一啲人氣高嘅BJ，如果一次廣播收到100萬個星氣球，就會賺到1億韓幣。 另外，人氣YouTuber嘅廣告收益亦相當高，所以好難講得準。 2018年JTBC綜藝節目「lanlife」請咗做咗好耐BJ，亦喺韓國人氣超高嘅「대도서관」同「윰댕」出演。 윰댕表示一年平均收益大為有4-5億左右，대도서관就話除1、2月之外，平均收入有17億左右。 可見人氣BJ嘅收益有幾超乎想象呢！ 網上廣播嘅限制 網上廣播雖然開啓咗內容嘅多樣性，同1人創意嘅時代，但係仍然有明顯嘅局限性。 首先，做網上廣播嘅收益非常唔穩定。 如果成功嘅話，真係可以賺到好多錢，但係為咗成功所需要嘅初期費用（廣播設備等）同努力都係相當之高。 所以唔好睇表面BJ嘅光鮮一面，就貿然投入呢個範疇。 인사이트 第二，BJ係公開自己嘅外貌同觀衆見面，唔多唔少都披露咗唔少個人嘅私隱，但係觀衆就係螢幕背後，唔會知真實身份。所以好多時BJ都要承受酸民、鍵盤俠嘅攻擊，有唔少BJ因而患上憂鬱症、恐慌症而停播。 뉴스타운 最後，最受到批評嘅就係網上廣播為咗吸引眼球，賺錢，就失晒人性、道德。 除咗前面講嘅女cam/男cam之外，仲有好多會特登用刺激性、暴力性、厭惡性嘅內容嚟做節目。 睇呢類節目嘅小朋友、青少年就最易受到影響。 如果佢哋經常接觸對他人進行身體、語言暴力，或者性商品化嘅內容，覺得呢啲好平常，就好容易養成錯誤嘅價值觀，甚至走上歪路。 以上就係最近韓國嘅直播文化。 大家對呢種嘅廣播有咩睇法呢？最鍾意睇邊種廣播呢？歡迎留言話俾我哋知。 如果有更多想知嘅內容，都可以隨時留言或者dm話俾我哋知：） Instagram： ...

a year ago

185015

查看更多

---

---