聖誕版巨型朱古力加濕器登場

韓國Dunkin' Donuts聯成KISSES推聖誕新品！咁大粒朱古力竟然係....!!!

유정언

4 years ago

Hello，大家好，我哋係由韓國人話你知每日最新資訊嘅Creatrip。

#韓國文化 #韓國甜品
#韓國朱古力造型加濕器

話咁快就踏入12月，12月亦都係聖誕聖！

唔少品牌都開始推出唔同種類嘅聖誕禮品，當然韓國嘅商戶都唔例外啦！

今次小編就直擊到韓國專賣冬甩嘅品牌Dunkin' Donuts同KISSES聯名，一齊推出咗一款聖誕巨大版嘅朱古力加濕器！

等小編同大家介紹一下佢究竟有幾咁巴閉啦！

韓國Dunkin' Donuts同KISSES聯名推出聖誕新品

相信大家如果嚟韓國嘅時候，都一定會買過呢個牌子嘅冬甩。

今個聖誕節，Dunkin' Donuts同KISSES就推出咗一款聖誕版嘅巨型朱古力！

呢款朱古力超大粒，上面仲有一條銀色可以可以拎出嚟嘅KISSES嘅小字條！

大家唔好以為佢真係有一粒朱古力，其實係加濕器嚟㗎！

因為呢一個係聖誕限量版嘅造型嘅關係，而且都係同冬甩店合作，所以其實大家只需要喺冬甩店買滿10,000韓幣或以上，就可以用6900韓幣買到！

另外，佢哋都有推出咗聖誕限量禮品套裝，只需要￦18,900 （約HKD130.3），你就可以將呢一個巨型聖誕版朱古力加濕器同埋Hershey’嘅朱古力雲呢拿盒裝甜品帶返屋企，真係抵到爛啦！

等小編同大家深入咁樣了解一下呢個加濕器係點運作㗎喇！

呢一款加濕器唔算好大個，大約係18~23 cm左右。

蓋嘅部份佢都做得好細緻，好似將現有嘅朱古力小紙條放大左50倍咁樣。

不過，其實佢係一個加濕器嘅蓋嚟嘅，係咪好得意呢？

其實呢一個加濕器嘅用法都好簡單，只要打開加濕器個蓋，然後將水槽筒向左轉，之後將適量嘅水倒入去水槽裏面然後向右轉就可以㗎啦！

呢一款加濕器有兩款啟動模式，基本模式可以大概用四至五個鐘（每小時大約用50 mL ），如果你開啟咗間竭模式嘅話，就可以用到大概七至八個鐘（每小時大約用20 mL ）左右！

聽講之後喺12月中到都會推出一款新嘅綠色版本，不過只係喺部份嘅分店先可以買到，推出嘅日期唔同店舖都唔同，大家如果都鍾意呢一啲造型得意嘅加濕器都可以搵我哋代購啊！

其他延伸閱讀
韓國千元幸福	首爾平價美食

熱門文章