NINIZ角色設定
Kakao 後輩「NINIZ」角色大揭秘！兔仔係殺人犯？收養企鵝嘅家庭都會發生事故？
Hello，大家好，我哋係由韓國人每日提供最新韓國旅行資訊嘅Creatrip。
Kakao Friends系列角色相信大家一定都唔會陌生，之前小編仲有整理出Kakao系列人物背景故事（相關文章請撳我）。今日小編就想同大家介始佢嘅哋後輩NINZI畀大家認識！
2017年先出道嘅NINIZ雖然暫時未有Kakao咁多人識，不過NINIZ嘅貼圖可以話幾乎所有韓國人Kakaotalk都會有。大家如果想對佢哋有更多了解，就要繼續睇落去啦！
NINIZ介紹
NINIZ係喺2017年第一次出現，雖然比起Kakao Friends更遲出，但NINIZ其實係Kakao公司原創人物（因為Kakao Friends係外判咗出面設計師去設計）。喺今年（2020年），江南亦終於有第一間NINIZ專屬商店「ninimart」出現。
NINIZ人物介紹
1. PENDA Jr.
PENDA聽落去係唔係有啲似熊貓嘅英文呢？，但實際上佢係一隻外星人（？）據了解，當初宇宙飛船發生故障，降落咗喺雪地，而父母見到北極熊嘅相之後受到衝擊以過世……為咗幫爸媽報仇，PENDA開始搵相中嘅北極熊，但去到雪地之後，見到嘅只得小企鵝……同埋一隻可疑嘅兔仔？
2. SCAPPY
SCAPPY其實原本係一隻成日蝦蝦霸霸嘅北極熊，但因為佢將魔女嘅寵物企鵝吞落肚之後變咗兔仔。雖然而家開咗餐廳做廚師，但冇人知嗰啲肉係咩肉, 或者啲肉係由邊度嚟。至於胸前嘅X係當初仲係北極熊嘅時候，係以前打交受傷留落嚟嘅記號，同時成日會好鍾意回憶過去仲係北極熊嘅時候。整個望落去幾可愛，但無諗過佢哋背後都幾恐佈....
3. KERO & BERONY
細個嘅時候分別畀唔同人領養，一隻住喺南極，一隻住喺北極，最後終於喺小鎮重逢嘅雙胞胎企鵝，可以話係NINIZ角色入面最可愛。不過好奇怪嘅係，收養呢兩隻可愛小企鵝嘅家庭，都會接二連三咁發生事故……佢哋重逢次後就踏上尋找母親嘅旅程，但因為怕凍，最多只可以喺出面行30分鐘（哈哈哈哈哈哈哈哈）。同一般企鵝唔同，佢哋鍾意靠近火。
4. JORDY
某一日起身嘅時候JORDY就發現自己去咗一個小鎮。聽講係鐵達尼號衝撞冰川，令到一直冰封喺冰川嘅遠古恐龍（？）JORDY都起咗身。因為化石得太耐，當初嘅經歷，喺呢個世代不被認可，所以佢就一邊準備考試、一邊準備就業。
不過，聰明嘅JORDY有個不為人知嘅祕密，佢身體其實係畀某個人控制緊……另外仲有個一個小知識，佢背後嘅黃點唔係裝飾，而係寄生嘅蘑菇？
5. ANGMOND
可愛嘅ANGMOND因為鍾意朱古力，所以去到邊都會帶埋朱古力醬喺身，因為食得太多所以嘴上面出現咗一個圈圈。ANGMOND係一隻好懶嘅小海豹，但只要一見到朱古力就會以9秒9速度跑過去。最憎企鵝KERO同BERONY，因為會認錯佢做阿媽搞到佢食唔到朱古力……
6. COB & BBANYA
COB同BBANYA係一組，鍾意調查啲瑣碎小事，就好似福爾摩斯同華生咁，但其實佢哋兩個都好蠢，完全冇辦法解決件事哈哈哈。鍾意跟蹤人、調查殘忍或犯罪事件等。
大家睇到呢度，大家覺得NINIZ同KAKAO FRIENDS係唔係有好大分別呢？大家又會鍾意邊邊多啲呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
